I Kolindo 2:1 - O Mikanda Ikola

¹ Eme-phe, jiphange jami, thembu i nga mi sangediʼ oio, mu ku mi kolela o kidi kia kasuekele kia Nzambi, vulu, mba unjimu uònene.

I Kolindo 2:1 ပူးပေါင်းရင်းမြစ်များ

Makatukilu 4:10

Mozé anga u ambela, Jihova, uixi: Uá, Ngana, tata! eme ki ngi mesene ia kuzuela, né mʼokulu, né kiki ki ua mu zuelesa selevende iéʼiki; ngi muthu nga kokoloka mu kanu, nga neme o dimi mu zuela.

Izaía 8:20

Inda tuila: Ku Kitumu ni ku Umbangi; ene se nguauá kuzuela kala kiambe o kizuelu kiki, o mukengeji ua kimene ka kà u mona.

Jipoxolo 20:21

Ngʼedikiza jinga ni Jijudé ni Jingeleku, kuma a bhingi kudiela ni kueha o ituxi iâ bhu pholo ia Nzambi, ni kuxikana kua Ngana ietu Jezú Kristu.

Jipoxolo 22:18

Anga ngi mona Ngana uala ku ngʼ ambela, uixi: Lenguluka, u katuke mu Jeluzaleme, kuma athu mumu, ko-kuê ka xikina kutambula-ku umbangi uami eme.

Loma 16:18

Kuma enhá, a kala kiki, kene kubhikila Kristu, Ngana ietu, maji a bhikila ngó o jihanji jâ ene. O mu kuzuela kuâ kuambote, kuatouala, ene mu kubhomba miẋima ia athu kiluua a ejiia.

Loma 16:25

Tu ximane Nzambi! Kala ki nga mu tanga mu Njimbu Iambote i nga mu kola—o Njimbu ia tokala Jezú Kristu—kuila Nzambi ua soko-bho ku mi bhaka mu kuxikana. Kala ue ki kia tukuluka mu kijinganu kiòbhake mu kabuu mu jihama ja mivu ni mivu, tunde mu xahùlu.

I Kolindo 1:17

Kuma Kristu ka ngi tumikisa mu kubatizala. Maji muène ua ngi tumu kukola o Njimbu iê Iambote, kana ku i kola ni kuzuela kua unjimu ua athu, mbebhu o dikulusu dia Kristu phala ki di biluke dia ngoho.

I Kolindo 1:6

o umbangi ua Kristu kiene ki ua kuatela kiambote mudienu,

I Kolindo 2:13

Iene kiá o ima i tuene mú tanga, kana ni maka ma longesa o unjimu ua muthu, maji ni maka ma tu longesa o Nzumbi ia Nzambi. Kienʼ iki ima ia kidi ia tokala o nzumbi tu i lombolola ni maka ma nzumbi, kua ió ala mu nzumbi.

I Kolindo 2:4

O kuzuela mu kulonga kuami-phe, ni njimbu iami i nga boka jinga, ki kua kexile kua maka ma kaiela mu unjimu ua uzuelelu ua athu, maji kua kexile kua maka ma kaiela mu unjimu ua uzuelelu mu uijidisu ni nguzu ia Nzumbi ia Nzambi.

I Kolindo 2:7

Tu tanga-phe unjimu ua Nzambi mu kijinganu, unjimu ki u monekene mʼ ukulu, Nzambi-phe tunde xàhulu ua tu kanena-u, mu ku bhana fuma, kioso o ngongo kiluua ngó a i bhanga.

II Kolindo 10:10

Iâ amba exi: O mikanda ia Phaulu ia neme, ia nguzu. Maji o kia kala ni etu mukua uôma, o maka mé ma kuata usudi.

II Kolindo 11:6

Né mbe ngi kala ngi ṗhoxi mu kuzuela, ki ngi kambe kuijiia, kana. Enu-enu tua mʼidikiza-kiu kiambote mu ima ioso.

II Tesalonika 1:10

Kiki kiene kia kà bhita bhu Kizuua kiokio, bhuoso bhua kèjiia muène mu kutambula o fuma ku athuʼê angene, ni ujitu ku athu oso ió a mu xikana. Kuma enu mua xikana umbangi u tua bhana mudienu, muanda kua kà kala ue mu ʼaxaxe kâ mu kizuua kieniokio.

I Timote 1:11

O ulongelu ua kidi iú, uala mu Njimbu Iambote ia ngi bhana eme kuia ni ku i tula—o Njimbu Iambote ia tundu kua Nzambi Ukôla, mukua fuma.

II Timote 1:8

Uila kiki, ku kale ni sonhi ia kubhana umbangi ua Ngana ietu, mba sonhi iami eme ngi pelezu iê, a ngi kutu mukonda diê-Muène. Kolokota-phe mu kutala hadi ni Njimbu Iambote, kala kia ku bhana Nzambi o kutena.

I Nzuá 4:14

Etu tua ki mono, tua ki kundila ue akuetu kuila, Nzambi ua tumikisa Monʼê mu kukala Kibhamuenhu kia mundu.

Dijingunuinu 1:2

o Nzuá muène iu ua lombolola ima ioso kiá ia mono ni mesu. O kia zuela Nzuá ku Njimbu ia tundu kua Nzambi ni ku kidi kia mu jingunuina Jezú Kristu, kienhiki:

Dijingunuinu 1:9

Eme Nzuá, ngi phangʼienu, ngi mukuenu mu hadi ia Jezú, ni mu Utuminu uê, ni mu kukolokota kuê, Nga kexile mu kikolo kia Pátamo, a ngi kuika mukonda dia kutanga maka ma Nzambi ni umbangi ua ima ia ngi tukuluila Jezú.

Dijingunuinu 19:10

Eme anga ngi di bhala bhu inama ia anju phala ku mu bheza. Uixi-phe: Kana ku ki bhanga! Eme ue ngi selevende ni mukuenu, nga sokela ni phange jé oso a kuata o umbangi ua kidi kia Jezú. Bheza Nzambi! Kuma o kidi kia umbangi ua Jezú, uene o uanji u bhana huii ku jipolofeta.