I Kolindo 16:9 - O Mikanda Ikola

⁹ Kuma kunu nga sange-ku kua ngi jikukila muelu ua dikota, ua nguzu ua kubhanga kikalakalu kiambote, suke o jinguma ue ja vulu-ku.

I Kolindo 16:9 ပူးပေါင်းရင်းမြစ်များ

Jipoxolo 14:27

O kia zubha kutula ni kubhongolola o Ngeleja, a a kunda ima ioso ia bhange Nzambi ni ene. A a kunda ue kioso Nzambi o njila ia kuxikana, kia i jikuila o matumbu.

I Kolindo 15:32

Mukonda eme kunu ku Efezu nga bhange mvunda, mukuá ni muthu ulua ni iama ia mukau. O kiki-phe se nga ki bhange ngó mukonda dia ima ia xitu, ngiia-phe kima kiahi ki nga nganhala-ku? Se ni kidi kiene o madifundu ka fukunuka, tu bhangienu kala ki ambe o Sabhu, kuila: Tu dienu-tu, tu nuenu-tu, o mungu tu kane kufua.

II Kolindo 1:6

Se etu-phe tu tala hadi, enu tua mi talela-iu, mu ku mi konda malamba ni ku mi bhulula. O ki kala a tu bhandulula, ni enu uenu mu bnhanduluka phala ni mu tambule nguzu ia kubhalakata mu jiphaxiʼ ojo jene jimoxi ni jetu.

II Kolindo 2:12

Kioso ki nga bhixidile-phe mu mbonge ia Tolouade mu ku kola o Njimbu Iambote ia Kristu, nga muene kuila Ngana ua ngi jikuila njila phala kubhanga-bhu o kikalakalu.

Filipe 3:18

Kuma sai-ku avulu enda kala ki nga mi tangela jinga luavulu kiá, ni kiki ngi mi tangela dingi, ni kudila, kuila ala jinguma ja dikulusu dia Kristu.

Kolose 4:3

Ki mu kambe ue ku tu sambela etu, phala Nzambi a tu jikuile dibhitu dia kutanga o maka mê, ni dia kutangela o mundu o kijinganu kia Kristu. Mukonda o kijinganu kia Kristu, kiene kia ngi bhekela o ku ngi kuika ni kukala ku malubhambu.

Tiiaku 5:16

Kala kiki, fisalenu mudienu ituxi ienu, mu di diondele mu kusamba, phala a mʼilule. O kusamba kua muthu uaiuka, ku lenda kiavulu mu kukalakala.