I Kolindo 15:54 - O Mikanda Ikola

⁵⁴ Uila kiki, o mukutu iú ua kalunga, ki ua kà zuata ua muenhu ki uabhua, o ió ufua ki ua kà zuata ió ki u tena dingi kufua, kiene kia kà bhita kiokio kiosoneke mu Mikanda Ikôla, kuila: Kalunga a mu sengulula. O kikôue kia ku mu tolola kia tenena!

I Kolindo 15:54 ပူးပေါင်းရင်းမြစ်များ

Izaía 25:8

O kalunga ua ka kà bhuisa-ku muene nzaká, kienhiki Jihova ua kà kondona o masoxi mu pholo joso, inga mu ixi ioso u katula-mu o kusebuluka kua mundu uê, kuma Jihova muene ua ki tange.

Dijingunuinu 20:14

O kùfua, ni kalungʼa-ngombe, anga a a takula mu kizanga kia túbhia. (O kizanga kia tubhʼiki, kuene o kùfua kua kaiadi).

Dijingunuinu 21:4

Muène u a kondona o masoxi moso ku mesu mâ! Ki ku kala dingi kùfua, nè ngó mukondo, mba kudila, mba kukata. Mukonda ima ia diangèle-ku, ia bhiti.

Luka 20:36

Ka tena dingi ue kúfua, a kà kala mukuâ ni ji-anju. A kala anʼa Nzambi, mukonda anʼ a difukunukinu.

II Kolindo 4:11

Kuma etu kioso ki tuala mù laia, izuua ioso tuala bhu kibhidi kia kufua mukonda dia Jezú, phale o muenhu ua Jezú ue u monekene mu xitu ietu ia kinga o kufua.

Loma 2:7

Ua kà bhana muenhu ki uabhua kua oso a kuata kinhenge mu kubhanga o mbote, a bhindamena o fuma ni ujitu ni muenhu ua kamba dizubhilu.

II Tesalonika 1:10

Kiki kiene kia kà bhita bhu Kizuua kiokio, bhuoso bhua kèjiia muène mu kutambula o fuma ku athuʼê angene, ni ujitu ku athu oso ió a mu xikana. Kuma enu mua xikana umbangi u tua bhana mudienu, muanda kua kà kala ue mu ʼaxaxe kâ mu kizuua kieniokio.

Loma 8:11

Maji se o Nzumbi ia Nzambi ua fukunuine Jezú mu ʼalunga, ua tungu moxi dienu, uoso ua fukunuine Kristu Jezú mu ʼalunga hadia ua kà phaphumuna ue o mikutu ienu ia kumbama, mukonda dia Nzumbi iê ia tungu moxi dienu.

Loma 6:12

Mukonda dia kiki, ki mu ehele ituxi ni i kale ku mi tumina mu mukutu uenu iú uejiia kufua phala ni mu kale mú tumaka o maluimbi mê.

Loma 1:23

Bhu kididi kia kubheza Nzambi ka tena kufua, a bheza kiteka kiòkalakale mu kidifua kia muthu mukua kufua, ni kia jinjila, ni iama ia inama iuana, ni ibâmba i zanzala bhoxi.

II Kolindo 5:4

Kuma kidi kiene, etu kioso ki tuala mu fundʼumu ia mukutu uetu, tu kema mukonda dia kinemenu kia tu xina. Ki mukonda tu andala a tu zula o mukutu uetu iú ua bhoxi, mbata tua mu kuinda ku tu zuika ni mukutu ua diulu, phala o muenhu u jikinise kiki kia xikamena o kufua.