I Kolindo 15:1 - O Mikanda Ikola

¹ Kindalʼ iki-phe, enu jiphange, nga mesena mu lembalala o Njimbu Iambote i nga mi tudilile. O Njimbu ienʼ iii iene i mua tambulula enu, o kuxikana kuenu ku muala na-ku, muene mu kuemanena.

I Kolindo 15:1 ပူးပေါင်းရင်းမြစ်များ

Nzuá 12:48

Uoso ua ngi di tunu, ua kambe kutambulula o maka mami, sai uoso u mu êlesa. Maka mami moso u nga tange, ene a ka mu êlesa mu kizuua kia kà suka-ku.

Jipoxolo 11:1

Kiki jipoxolo ni jiphange ku Judeia a kʼ ivua kuila akua matumbu a tambula ue o maka ma Nzambi.

Jipoxolo 2:41

Bhenhobho-phe avulu a tambulula o njimbu ia Phetele, anga a a batizala. Ku iá a mu kaiela Jezú, anga ku di banda kua ene kizuua kienhokio, manhi mba midi jitatu ja mienhu ia athu.

Loma 11:20

Kiene! Maji lembalalenu kuila ene a a batuile-ku mukonda dia kukamba kuxikana, enu-phe mua xala ku mudiva mukonda mua xikana. Kienʼ iki ki ki mi bhekele kukala ni ukumbu. Inda kalenu ni uôma.

Loma 2:16

Kiene ue ki kia kà kala mu kizuua kia kà fundisa Nzambi ikutu ioso ia sueka athu, kua Jezú Kristu, kala ki ngambe mu Njimbu Iambote i ngene mù tula.

Loma 5:2

Mukonda dia kuxikana, Kristu ua tu bheka dingi mu kiadi kia Nzambi mumu mu tuemana mukonda dia kuxikana kuetu, etu tua sanguluka dingi ni kudielela o fuma ia Nzambi.

I Kolindo 16:13

Di langienu, mu di fikidile mu kuxikana. Bhangenu ukuenze, mu suine.

I Kolindo 3:6

Eme nga kunu o mbutu, Apolo ua i tekela, maji o ua i kudisa-phe Nzambi.

I Kolindo 4:15

Kuma né-mbé mu kala ni kuinhi dia midi dia jimesene ji mi longa mua Kristu, ki mu vudila kukala ni jitata, mukonda muala ngó ni tata imoxi iene. Kuma eme nga mi vuala mua Kristu Jezú, kioso ki nga mi bhekela o Njimbu iê Iambote.

II Kolindo 1:24

Ki kuila tuala ni ukota ua kutumina o kuxikana kuenu, maji tuala tu akuatekexi a ngalasa ienu.

I Tesalonika 1:6

Enu anga mu kala mu afikixi etʼuetu, mu afikixi ue a Ngana. Kuma o maka mua ma tambula ni hadi iavulu, ni ngalasa ioio i tunda kua Nzumbi Ikôla.

I Tesalonika 2:13

Mukonda dia kiki ue, tuene mù sakidila jinga Nzambi, sé ngó kufula. Kuma o thembu ia mi sange o Maka metu ma Ukunji koko, maka mene ma Nzambi, enu mua evu, mua a tambulula, kana kuma maka a muthu maji kuma ene o Maka ma Nzambi, mu kidi. Mukonda o Nzambi uala ku mi kalakala moxi dienu oso mua xikana.

I Tesalonika 4:1

O kiki, enu jiphange, mua di longo kiá kokuetu kioso ki mua tokala kuenda ni kuuabhela Nzambi. Enʼuenu kiene kiá ki mua mu kuenda. Kala kiki, tua mi bhingi, tua mi longesa dingi mu dijina dia Ngana Jezú, kolokotenu ni ku ki bhanga jinga dingi kiavulu.

II Tesalonika 3:6

Kiki-phe tua mi tendelela, enu jiphange, mu dijina dia Ngana ietu Jezú Kristu, kuma mu di kalelela ku uphange ni muthu uoso u enda ngó ni ulalu, u kamba kukalakala hé ufula kukaiela dilunda di tua mi bhana.

I Phetele 5:12

Nga mi sonekena kamukanda kofediʼaka kua Sila, phangeʼietu ia fiiele, kala ki nga mu mono eme. Tumaka ki tua vulu, mukonda ngandala ku mi longesa, ni ku mi bhana umbangi kuma o kiadʼiki kiene kia kidi kia Nzambi, kolokotenunu muenhumu.