I Kolindo 14:3 - O Mikanda Ikola

³ Maji uoso u kola o Njimbu ia Nzambi, u zuelela athu o maka ma ku di banda, ni ku di suinisa, ni kudikonda malamba.

I Kolindo 14:3 ပူးပေါင်းရင်းမြစ်များ

Luka 3:18

Nzuá anga u kala mù longa o kifuẋi maka ma mukuâ mavulu, mu ku a tudila o Njimbu Iambote.

Jipoxolo 13:15

Kiabhu o kutanga mu Kitumu kia Mozé ni mu jipolofeta, makota ma dilombe a tuma kua ambela, exi: Enu mu akuetu, athu se muambe ku a tela maka ma kulonga, kindala zuelenu.

Jipoxolo 14:22

Ene anga a kala mu kukolesa o miẋima ia jixibulu ni ku a longesa kujijila o kuxikana. A kala ue mu longa kuma tu bhinga tu bokona mu Utuminu ua Diulu mu kubhita ni malebhu mavulu.

Jipoxolo 15:32

Ni Juda ni Sila, kuma ala jipolofeta, a longesa jiphange ni maka mavulu, a a kolesa miẋima ni ku a bhana dingi huiii.

Jipoxolo 4:36

Kienhókio Zuze, a mu luka kuala Jipoxolo, exi, Barnabé, (dijina kia kuila muthu u bhuisa uôma), levita a mu vualela mu kikôlo kia Xípele,

Jipoxolo 9:31

Uila kiki o Ngeleja mu Judeia, ni mu Ngalileia, ni mu Samádia, anga i kala ku paze, i di tunga; i enda mu uôma ua Ngana, ni mu kutululuka kua Nzumbi Ikôla, anga i sokoloka.

Loma 12:8

Se ua kubhetula akuetu miẋima, tu a bhetule muene. Uoso u uana ni akuâ kioso ki ala na-kiu, a ki bhange ni muẋima uambote. Uoso uala ni ukota ua kutumina, a tumine ni muanu. Uoso u kuatekesa akuâ ni ku a bhanga mbote, a i bhange ni kusanguluka.

Loma 14:19

Uila kiki, tu kaiedienu o ima i bheka paze, ima i bhekela kutungiua mudietu.

Loma 15:2

Tuendienu kala muthu ni kuuabhela mukuâ, mu ima iambote i bhekela o kutungiua mu kuxikana.

I Kolindo 10:23

Sai athu a mu kuila, exi: Tu tena kubhanga kioso ki tuʼ andala. Kiauabhʼê! Maji ima ioso ki ia fuama. Tu tena kubhanga ioso i tua mesena, maji iene ioso ki ia iuka.

I Kolindo 14:12

Kiene kimoxi ue enu, kuma mua bhindamena mauhete ma nzumbi, kota-kota-phe Sotenu kukala ni mauhete moso ma bhangesa o Ngeleja kukala dingi mu nzumbi.

I Kolindo 14:17

Eie mu kusamba kué, né ua sakidila kiambote Nzambi, mukuenu-phe ku mu kuatekesa ni kima.

I Kolindo 14:26

Muedi-phe kiebhi, enu jiphange? Ngandala ku mi ambela kiki: O ki mu bhongoloka mu Ngeleja, iú u kuata muimbu, iú u kuata maka ma kulonga, iú u kuata kujingununa ima ia jinganana ia Nzambi, iú u kuata kulonga mu mbimbi jengi, o iú u kuata kulombolola kioso kia jimbulula o maka a mu longa ió. Inda ima ioso mu i bhanga kala kia fuama mu kukuatekesa o Ngeleja.

I Kolindo 14:31

Enuʼ enu oso mu tena kutula o Njimbu ia Nzambi mu umoxi-umoxi, phala ene oso a di longe, a di bhetule o miẋima.

I Kolindo 8:1

Kindala nganda ku kuata ku maka ma makudia ma satela o iteka. Ni kidi kiene, kala kiene mú ki tanga, etu oso sai kuijiia kuetu. O kuijiia kuenhuku-phe ku nanukisa o mukua ukumbu; maji o henda-phe i tungisa.

II Kolindo 1:4

Muène mukua ku tu kuatekesa mu hadi ietu ioso, phala tu tene ue kukuatekesa oso ala mù tala hadi kala etu. O dikuatekesu dioso di tualù tambula etu kua Nzambi, diene ue di tu kuatekesa na-diu akuetu.

II Kolindo 2:7

Uila kiki, inda mu lunguluka kiá hé mu mu loloka, ni ku mu konda malamba, phala ka bhondalale ni mukondo uavulu kinéne u mu bhekela kikote.

Efezo 4:29

Ki mu tunde ndaka iabolo mu kanu dienu. Maji o kuzuela kuenu ku kale kua kukuatekesa akuenu kukula mu kuxikana ni a mone kioso kia bhindamena, phala kuzuela kuenu ku bhange mbote kua oso evua.

Efezo 6:22

Kiene ki nga mu katuila, eme nga mu tumu ku mualʼ oko, phala mu ivue ki tuala, muène nʼ a mi konde o malamba ku miẋima.

Kolose 4:8

Kiene ki nga mu katuila, phala ni aie, a mi mone kioso ki muala, ni a mi suinise miẋima.

I Tesalonika 2:11

Enʼuenu mua kʼ ijiia kioso ki tua di tumine ni enu oso, kala tata kia di tuma ni anʼê. Tuenda jinga ni ku mi longesa, ni ku mi suinisa, ni ku mi dimuna.

I Tesalonika 2:3

Kuma o kulonga kuetu ki ku tundu mu kutondala, ki kua ufusa, mba kua makutu mu kusota kunganala muthu uoso-uoso, lémbua.

I Tesalonika 3:2

Hé tu kana kuxala ubheka uetu mu Atena. Anga tu katula phangʼ ietu Timote, ngunza ia Nzambi, mukalakadi ni mukuetu mu kutula o Njimbu Iambote ia Kristu, tua mu tumu phala ku mi suinisa mu kuxikana kuenu,

I Tesalonika 4:1

O kiki, enu jiphange, mua di longo kiá kokuetu kioso ki mua tokala kuenda ni kuuabhela Nzambi. Enʼuenu kiene kiá ki mua mu kuenda. Kala kiki, tua mi bhingi, tua mi longesa dingi mu dijina dia Ngana Jezú, kolokotenu ni ku ki bhanga jinga dingi kiavulu.

I Tesalonika 4:18

Uila kiki, di kondienu o malamba mudienu ni maka enʼiâ.

II Tesalonika 3:12

Kienhiki, oso akua kubhanga kiki, tua a tumu, etu tua jijila ku a ambela kuma, a kalakale ni kubatâma, a die kudia mu konda ia ene.

I Timote 1:4

Athu enhá a tangele kuila, kana kukaiela ue mísoso, ni jingo ja vumu ki ji moneka bhu ja suku, ji bheka ngó jiphata, ki ji bheka kudibanda mu kuxikana kuala mua Nzambi.

I Timote 4:13

Kiosuʼiki, katé ki ngi ku sanga, ta muẋima ué mu kutanga o Mikanda ia Ngana bhu pholo ia mundu, ni mu kulombolola o Njimbu Iambote, ni mu kulonga oso a xikana.

I Timote 6:2

Oso ue ala ni jingana jâ ja xikana kiá, ka a tobhese mukonda dia kukala jiphange jâ mua Ngana. Inda a bete ku a kalakela, mukonda o jingana a-ndu tambula o ikalakalu iâ iambote, ala axikani, phange jâ ja kazola. Imʼiii ia bhingi u i tendelela.

II Timote 4:2

Enda ni kutanga o maka; sakalala mu ku a jimbula bhu kala kithangana, ni mú kamba kithangana. A tolole miẋima, a bazele, a longese, ni kuxididika kuoso ni kulombolola.

Tito 1:9

A kuate maka ma fiiele ma tokala ku ma dielela, ma kaiela mu ulongelu uetu. Phala mu kubhanga kiki a tene kusuinisa akuâ ni kulonga mambu ma mbote, ni kubelesa oso a ta-bhu jiphata.

Tito 2:15

Imʼiii iene ima i u zuela, i u longa, u bazele ue ni uphoxi uoso, oso ala ku ku ivua. Ki bhu kale muthu a ku tènde.

Tito 2:6

Minzangala ia mala ue a longe kuximbakata.

Tito 2:9

Longesa abhika a di tume kiambote ni jingana jâ, a a uabhese o muẋima mu ima ioso. Ka te-bhu phata, mba aia ni kuvutula.

Jihebeleu 10:25

Kana kufula ku di bhongolola jinga, uila amoxi ki ene kufula, maji tu di longesa mudietu. Uila kiki, tu di suinisienu mudietu, kota-kota dingi kioso ki mu mona o Kizuua kia Ngana kí zukama.

Jihebeleu 13:22

Nga mi bhingi-phe enu jiphange, kuila, o hundu íii ia ku mi longesa, ivenu-iu ni muanu. Kuma o tumaka tu nga mi sonekena mu mukanda iú, nga tu fikisa muène.

Jihebeleu 3:13

Di suinisienu-phe mudienu izuua ioso, kioso o kizuelu kia kuila lelu, ki ambe o Mikanda Ikôla, hanji kia tu tokala etu. Bhangenu kienʼ iki phala kana muthu a mu bhomba kuala o ituxi nʼ a kole muẋima.

I Phetele 5:12

Nga mi sonekena kamukanda kofediʼaka kua Sila, phangeʼietu ia fiiele, kala ki nga mu mono eme. Tumaka ki tua vulu, mukonda ngandala ku mi longesa, ni ku mi bhana umbangi kuma o kiadʼiki kiene kia kidi kia Nzambi, kolokotenunu muenhumu.

Juda 1:20

Maji enu-phe, akuetu, nga mi zola, suinenu ni kuia dingi ku pholo mu kuxikana kuenu ku muala na-ku, kuma kiene o kixikanu kikôla ki mua kuata. Muila ni kusamba jinga mu nguzu ia Nzumbi Ikôla.