I Kolindo 14:2 - O Mikanda Ikola

² Kuma uoso u zuela mu mbimbi jengi, ki athu a zuelela, maji ua zuelela Nzambi, mukonda kana muthu uevu-mu. O ia zuela mu Nzumbi-phe ua tange kidi kia ima iajingana.

I Kolindo 14:2 ပူးပေါင်းရင်းမြစ်များ

Dimatekenu 11:7

Ndokuenu, tu tuluke, tu a bhidike mu kuzuela kuâ, phala a lémbue ku dʼivua mudiâ.

Dimatekenu 42:23

Ene-phe ka kʼijiia kuila Zuze ua evu kia zuela; kuma bhu kaẋi kâ sai muzumbu uemana-bhu ku a lomboluela.

II Jisobha 18:26

Bhenhobho ni Eliiakime, monʼa Hilikiia, ni Sebena, ni Nzoua, ambela Labesaki, exi: Tua kudiondo, etu tu abhikʼé, tu zuelesele mu mbimbi ia akua Sídia, kuma tu ivua muene kiambote, kana ku tu zuelesela bhu pholo ia mundu iú, uala ku thandu dia kimbaka, mu mbimbi ia akua Judeia.

Jisálamu 78:2

Ngi jikula dikanu mu kuata kifika; ngi tanga nongonongo jami ja imbamba ia xahulu.

Matesu 13:11

Muène u a vutuila, uixi: Enu Nzambi ua mi bhana-kiu, o kuijiia ikutu ia Utuminu ua Diulu, ene-phe ka a bhana-kiu.

Marku 16:17

Ijimbuete iíi kaiela io oso a xikana: Mu dijina diami, a ka tundisa madimonho, a ka zuela ni madimi mengi;

Marku 4:11

Muéne anga ua ambela, uixi: Enu Nzambi ua mi bhana o kuijiia ikutu ia Utuminu ué. Ió-phe, oso ala ku kanga, ima ioso a a tela-iu mu ifika.

Jipoxolo 10:46

Kuma ene a evu kuzuela ni madimi mengi, ni kujingisa unene ua Nzambi. Phetele anga u kumbulula, uixi:

Jipoxolo 19:6

O Phaulu kia a tula o maku mê ku thandu, Nzumbi Ikôla ua a tulukila ene oso. Anga a kuata kutanga madimi mengi, hé a kala ue ni uanji ua kulombolola o Maka ma Nzambi.

Jipoxolo 22:9

Mala ene ngende-nâ, o mukengeji a u mono kidi. O dizui-phe ka dʼivu dia ió ua ngi zuelesa.

Loma 16:25

Tu ximane Nzambi! Kala ki nga mu tanga mu Njimbu Iambote i nga mu kola—o Njimbu ia tokala Jezú Kristu—kuila Nzambi ua soko-bho ku mi bhaka mu kuxikana. Kala ue ki kia tukuluka mu kijinganu kiòbhake mu kabuu mu jihama ja mivu ni mivu, tunde mu xahùlu.

I Kolindo 12:10

Sai ni iú Nzumbi Ikôla i mu bhana kutena kua kubhanga isumua; sai ni iú a mu bhana uanji ua kutala o Maka ma Nzambi. Sai ni iú a mu bhana o kutena kua kuijiia kutungula o uhete u tunda kua Nzumbi Ikôla, ni iú ki u tundu kua Muene. Sai iú a mu bhana kutena kua kuvula jimbimbi jengi ja kuzuela; sai iú a mu bhana o kutena kua kulombolola o jimbimbi jengi jenʼ iji.

I Kolindo 12:28

Kiene kia bhekesa kuila, mu Ngeleja, ima ioso Nzambi ua i te mu ididi iêʼ Moxi, ua diangesa o Jipoxolo; iadi, kua kaiela o jipolofeta; o tatu, uate jimesene ja kulonga mu Ngeleja. Iú uate-ku dingi ni abhangi a isuma; uixi ni ia a tambula o umesene ua kusaka jihaxi; amukuá a tambula uhete ua kukala akuatekexi, mba ua kukala atumini, mba ue kuzuela jimbimbi jengi.

I Kolindo 13:1

Eme né-mbe ngi zuela jimbimbi ja athu, katé ni ja ji-anju, maji ngi kamba o henda, ioso i ngi zuela, nga di bhange ngi utadi u bhana mutendu, ngi ngoma ia ngondo i ngulungunda.

I Kolindo 13:2

Se ngi kala ni uhete ua upolofeta, katé o ijinganu ioso nga ijiia, o kuijiia kuoso nga ku zubha; se ngi kala ni kuxikana kuoso, katé ngi tena kusondolola o milundu bhu ididi iê, maji ngi kamba o henda, ki ngi kala ngi kima.

I Kolindo 14:16

O ki kala u sakidila Nzambi ngó ni nzumbi, ió uoso uala kiximba ua xikama-nê bhu kididi, uanda kuila kiebhi, Amén, ki a ku ivu ua sakidila, o muene ki ua zuela ki ki mu jimbulukila?

I Kolindo 14:26

Muedi-phe kiebhi, enu jiphange? Ngandala ku mi ambela kiki: O ki mu bhongoloka mu Ngeleja, iú u kuata muimbu, iú u kuata maka ma kulonga, iú u kuata kujingununa ima ia jinganana ia Nzambi, iú u kuata kulonga mu mbimbi jengi, o iú u kuata kulombolola kioso kia jimbulula o maka a mu longa ió. Inda ima ioso mu i bhanga kala kia fuama mu kukuatekesa o Ngeleja.

I Kolindo 15:51

Ivenu kiambote o kijinganu ʼiki: Etu ene oso ki tua kà sokela-ku mu kufua, maji etu ene oso tua kà kituluka muʼ anzanzʼomo.

I Kolindo 2:10

Maji etu-phe Nzambi ua tu tukuluila-iu kua Nzumbi iê. Kuma o Nzumbi u tungulula ima ioso, katé ni ima ia zongo ia sueka Nzambi.

I Kolindo 2:7

Tu tanga-phe unjimu ua Nzambi mu kijinganu, unjimu ki u monekene mʼ ukulu, Nzambi-phe tunde xàhulu ua tu kanena-u, mu ku bhana fuma, kioso o ngongo kiluua ngó a i bhanga.

Efezo 6:19

Eme uami ngi diondelienu, phala Nzambi a ngi bhane o maka ni kusakalala mu kuzuela ki ngi jikula o dikanu, mu kulonga sé uôma o kijinganu kia Njimbu Iambote.

Matendelelu 28:49

Jihova ua kà ku kasela muiji ua akua makanga ku jihota jʼaxi, uijiia bhulu mukuâ ni holokoko ia di ambatesa ni kuôna; muiji ua athu a dingula a bhingi o dízui dia zuela eie ku tena ngó ku dʼivua;

Kolose 2:2

Nginda a bhetuke mu miẋima iâ, a takane kumoxi mu henda, a kale ni jimbongo ja kubhua phata mu kutongoloka, ejiie o kijinganu kia Nzambi, muène Kristu.

I Timote 3:16

Kia kidi kiene, kana muthu u tena kudituna-kiu kuila o kijingano kia ubhezelu uetu mua Nzambi kia dikota muene: Muène ua tukulukila mu kidifuanganu kia athu, o Nzumbi ia Nzambi ua mu tange kuila ualungu, o muène a mu mono kuala o ji-anju. A mu kola muʼaxaxe ka akua jixi, o mundu mu ngongo ua mu xikana, ia a mu tambula ku diulu ku ungana.

I Timote 3:9

Ki bhinga ene a kuata o kidi kia kikutu kia kuxikana ni kitongoluelu kiazele.

Dijingunuinu 10:7

Maji kioso-phe anju ia kasambuadi ki ia-nda kuxika o koloneta iê, kiene o Nzambi kia-ndu zubha kubhitisa o ima iê ia kasuekèle, uila kia tanga Muène ku jiselevende jê, o jipolofeta.