I Kolindo 14:1 - O Mikanda Ikola

¹ Kaielenu o henda. Sotenu ue ni muanu o mauhete ma nzumbi, kota-kota-phe ua kukola o Njimbu ia Nzambi.

I Kolindo 14:1 ပူးပေါင်းရင်းမြစ်များ

I Kolindo 14:39

Uila kiki, phange jami, bhindamenenu jinga o kutula o Njimbu ia Nzambi. Maji kana ue kukidika o kuzuela ni jimbimbi jengi.

Jihebeleu 12:14

Sotenu kukala ku paze ni athu oso, mu kolokote mu kukala ni muenhu uazele, kuma uoso ua kambe kuzela ka tena kumona Ngana.

I Timote 4:14

Uhete ió ua ku bhana mu uanji ua kuzuela kua Jipolofeta ja Ngaleja, kia ku tudile o maku ma adiakime ku thanduʼa mùtue ué, phala ku ku lumba mu kikalakalu kia Ngana, kana kukala na-u ni kaxixi.

I Kolindo 16:14

Ioso i mu bhanga, mu i bhanga ni henda.

I Kolindo 12:1

O ki tu kuata ku maka ma mauhete ma tu bhana kuala o Nzumbi Ikôla: Enu jiphange, ki ngi mesena mu kamba kuijiia o kidi.

I Kolindo 13:13

Uila kiki, ima ia xalela-ku o kuxikana, o kudielela, o henda, kitatu kiâ. Kiala-bhu-phe kota, o henda.

I Tesalonika 5:20

Kana kutenda o mizambu ia jipolofeta.

Jisabhu 15:9

Njila ia muthu uabhumu, kua Jihova kisunji; maji muene-phe ua diuabhela ni uoso u kaiela o kuiuka.

I Timote 6:11

Maji eie-phe u muthu ua Nzambi, ima ienhiʼii lenga-iu. U kaiele jinge o kuiuka, o kuxila Nzambi, o kuxikana, o kuzola, o kukolokota ni kubelesela.

I Kolindo 14:37

Se bhuala muthu ua di fika kukala mukunji ua Nzambi mba uala ni uhete ua nzumbi, a tume ku kʼ iijiia kuma ima i nga mi sonekenʼ iii, ijila iene Nzambi.

Izaía 51:1

Enu-oso mua ku ta muẋima ku ufundisilu ua kidi, ngʼivienu, nʼenu muala kusota Jihova, talenu ku ditadi kuoso ku a mi bamiune, talenu ku dikungu dia dibânda mu a mi kandele.

I Timote 5:10

Muène kikale ue a mu tumbula o ikalakalu iê iambote iene mu kubhanga, se ua sase kiambote ana, se ua zalela jinga asonhi, se ua sukula jinga o inama ia akua Ngana, se ua bindumuna jinga jingadiama, mba o imbamba ioso iambote ua i bhanga jinga ni muanu.

Efezo 1:3

Tu ximane Nzambi, Tata ia Ngana ietu Jezú Kristu! Mukonda ua tu benzela mua Kristu ni ku tu bhana o mabesá moso ma nzumbi, ku ididi ia diulu.

I Kolindo 12:31

Uila kiki, bhinda-menenu-phe o mauhete moso ma beta ukota. Maji eme ngi mʼ idikiza dingi o uendelu uala kotʼ elele mu ujitu.

Jisabhu 21:21

Uoso u kaiela o uiukilu, nʼa jijila kubhanga o mbote, ua-nda kobonga muenhu, ni kulunga ni kijingo.

III Nzuá 1:11

Kamba diami, mukuetu, kana kufikisa phulu, inda o kufikisa mbote. Uoso u bhanga mbote, muène mukua Nzambi; o uoso u bhanga phulu, ió kala kumona Nzambi.

II Phetele 1:7

o ku uôma ua Nzambi mu bandekeza-ku o ku di tuma ni jiphange, o ku ku di tuma ni jiphange mu bandekeza-ku o henda.

Loma 12:6

Kiene ue, tuala ni mauhete, iú uengi, iú uengi, kioso kiá kia tu uanena mu kiadi kia Nzambi. Tu kalakale mu mauhete metu ma tu bhana muène. Hé o uhete uetu ua kutula Njimbu ia Nzambi, kikale tu u sokesa mu muxinda ua kuxikana ku tuala na-ku.

II Timote 2:22

Jihânji-phe ja unzangala, lenga-ju, u kaiele o kuiuka, ni kuxikana, ni henda, ni paze, kumoxi ni ene oso kiá a dikola kua Nzambi ni muẋima uazele.

Loma 9:30

O kiki-phe, tuila kiebhi? Kuma ió ki Jijudé, o akua jixi jengi, ka sotele o kulunga kua Nzambi, kulunga a ku mono, kuene-phe kua kulungila mu kuxikana.

Loma 14:19

Uila kiki, tu kaiedienu o ima i bheka paze, ima i bhekela kutungiua mudietu.

I Samuuele 10:5

Kutunda bhobho ua kà bhita kalundu ka Nzambi, bhuala o kibangu kia akua Fidíxia; kia kà bhita-phe kuila, mu kutula bhu bhata bhobho, ua ka takana ni kibuka kia jipolofeta, ala mu tunda ku thala ni kuxika kakoxi, ni ngoma, ni mbéndu, ni mbanza, a kà kala mu zuela ni uanji ua upolofeta.

I Kolindo 13:2

Se ngi kala ni uhete ua upolofeta, katé o ijinganu ioso nga ijiia, o kuijiia kuoso nga ku zubha; se ngi kala ni kuxikana kuoso, katé ngi tena kusondolola o milundu bhu ididi iê, maji ngi kamba o henda, ki ngi kala ngi kima.

I Kolindo 14:22

Uila kiki, o uhete ua kuzuela o jimbimbi jengi, kijimbuete, kana kia athu a xikana, maji kia athu a kambe kuxikana. Maji o ujitu ua kutula o Maka ma Nzambi-phe, kijimbuete, kana kia ió a kambe kuxikana, maji kia ene jikidistá a xikana.