I Kolindo 13:9 - O Mikanda Ikola

⁹ Kuma kiki tuejiia ngó mbandu, ku upolofeta tu kunda ngó mbandu.

I Kolindo 13:9 ပူးပေါင်းရင်းမြစ်များ

Jobe 26:14

Iii-phe ngoho, kífua o mizumbu ia jinjila jê! i tuene mu kuívua kua muene iòfelefele ngoho! Nanhi-phe u tena kutongolola kibazu kia nzaji ia kutena kuê?

Jisálamu 139:6

Nga diuana kuijiia ku kala kiki! kua ngi tundu, ki ngi tena-bhu!

Jisálamu 40:5

Jihova, Nzambi iami, madiuanu mé mavulu mʼu ua kalakala, ni mabanzelu mé ma ku tu banza etu; kana-ku dingi muthu tu ku fika-nê; mabanzelu mé se tuambe ku a tanga ni ku a tumbula mu dimoxi-dimoxi, ki bhuala muthu u tena ku a kuata konda.

Jisabhu 30:4

Mukuahi ua bandele kiá ku diulu iu ua tuluka? Mukuahi ua koteka o kitembu bhu maku mê? Mukuahi ua kutila menha bhu kizuatu kiê? Mukuahi ua xikika o jihota joso jaʼxi? Dijina diê nanhi, mba o dijina dia monʼê nanhi, se eie ua mu ijiia.

Matesu 11:27

Ima ioso a ngi bhana-iu kuala Tata iami. O Mona kana muthu ua mu ijiia, inda Tata ngó ua mu ijiia; Tata ue kana muthu ua mu ijiia, inda o Mona ngó ua mu ijiia, ni ió uoso Mona u sola ku mu idikiza-nê.

Loma 11:34

Kala ki ambe o Mikanda Ikôla: Nanhi uejidile o muẋima ua Ngana? Nanhi muene ua tenéne ku mu longesa?

I Kolindo 13:10

Hinu-phe kià kèza kiatenana, kiala ngó mbandu ki bhua-ku.

I Kolindo 13:12

Ki tualʼ iki tu muena mu lumuenu lua fefetela, maji kithanganʼ okio-phe tua kà mona pholo ni pholo. Kiki ngejiia ngó mbandu, kienhokio-phe nga kèjiia kiambote, uila eme-muène ki a ngʼ ijiia kuala Nzambi.

I Kolindo 2:9

Uila kiki-phe, kia ki soneka mu Mikanda Ikôla, exi: Ima kiluua mesu a i mona, kiluua matui a ʼivua, Kiluua ngó muẋima ua muthu u i fika kuila hadia i bhita, Iene ima ia iudika Nzambi mu ku i bhana oso a mu zola.

I Kolindo 8:2

O muthu se ua di fika kuijiia kima, kejiia luua kala kia tokala kuijiia.

Efezo 3:8

Eme muene ngala ngi ndenge ia jindene mu ʼaxaxe ka akua Ngana oso. Maji o Nzambi ua ngi bhange ujitu uosʼú ua ku ngi bhana o kutudila matumbu o Njimbu Iambote, ia jimbongo ja Kristu, jolémbue ku ji tongolola.

I Nzuá 3:2

Enu akuetu, nga mi zola, kiki tuala tu anʼa Nzambi, maji kiluua-phe tu kʼijiia kioso ki tuà kala. Inda, tuejiia ngó kuila, se muène Kristu uedi u tukuluka, etu uetu tua kà di fuangana-nê, mukonda tua kà mu mona katé ni kidifua kiê muène kioso kiala.