I Kolindo 13:8 - O Mikanda Ikola

⁸ O henda ki ia kà bhua. Né-mbe kukala mizambu ia jipolofeta, sai ia kà bhingana, kuma ki i nange kubhita. Némbe kukala uhete ua kuzuela jimbimbi, sai bhu ja kà suka. Né-mbe kukala kuijiia, kua kà jimuka ue nzaká!

I Kolindo 13:8 ပူးပေါင်းရင်းမြစ်များ

Jelemiia 49:7

Ku mbandu ia Idomo, Jihova dia Huxi, uambe kiki: Mbé mu Temane kana-mu dingi kuijiia? Mulongi iuná ua athu ejiia ki uala-mu dingi? O kuijiia kuâ kua tumbuluka kiá?

Luka 22:32

Eme-phe nga ku diondela, Ximá, phala o kuxikana kué ki kúbhue ni ku lémbue. Eie-phe, hinu ki u vutuka dingi kokuami, kolokotesa jiphange jé.

Jipoxolo 13:1

Kikki-phe mu Andiioka, mu Ngeleja mueniomo, mu kala jipolofeta ni alongixi iá: Barnabé, ni Ximinhá a mu edi Muxiketedi, ni Lúsiu mukua Silene, ni Manahene a mu sasa kumoxi ni Helode dia tetalaku, ni Saúlu.

Jipoxolo 19:6

O Phaulu kia a tula o maku mê ku thandu, Nzumbi Ikôla ua a tulukila ene oso. Anga a kuata kutanga madimi mengi, hé a kala ue ni uanji ua kulombolola o Maka ma Nzambi.

Jipoxolo 2:4

Ene oso anga ezala ni Nzumbi Ikôla, hé a kuata kutanga madimi mengi, kala kioso Nzumbi kia a bhana kuzuela.

I Kolindo 12:10

Sai ni iú Nzumbi Ikôla i mu bhana kutena kua kubhanga isumua; sai ni iú a mu bhana uanji ua kutala o Maka ma Nzambi. Sai ni iú a mu bhana o kutena kua kuijiia kutungula o uhete u tunda kua Nzumbi Ikôla, ni iú ki u tundu kua Muene. Sai iú a mu bhana kutena kua kuvula jimbimbi jengi ja kuzuela; sai iú a mu bhana o kutena kua kulombolola o jimbimbi jengi jenʼ iji.

I Kolindo 13:10

Hinu-phe kià kèza kiatenana, kiala ngó mbandu ki bhua-ku.

I Kolindo 13:13

Uila kiki, ima ia xalela-ku o kuxikana, o kudielela, o henda, kitatu kiâ. Kiala-bhu-phe kota, o henda.

I Kolindo 14:39

Uila kiki, phange jami, bhindamenenu jinga o kutula o Njimbu ia Nzambi. Maji kana ue kukidika o kuzuela ni jimbimbi jengi.

I Kolindo 8:2

O muthu se ua di fika kuijiia kima, kejiia luua kala kia tokala kuijiia.

Ngalásia 5:6

Kuma kioso ki tu kala mu umoxi ni Kristu Jezú, ki u kala a ku saie, ki u kala ka ku saie, kiene kioso ki kia kate kima; kia kate-ku o kuxikana ku kalakala ni henda.

Jihebeleu 8:13

O Nzambi kia zuelʼiki kuila kikutu kiobhe, o kikutu kia dianga ua ki mono kiokulu kiá. O kimbamba-phe kiokulu, kiala kiá mu kukuka, kindala kianda kujimuka athu ku mesu.