I Kolindo 13:5 - O Mikanda Ikola

⁵ Ki iene kubhanga ufusa, ki iene kusota ngo o kiê. O henda ki iene mu kala ni njinda, ki iene kufutuluka, ki iene kufika ima iaiibha.

I Kolindo 13:5 ပူးပေါင်းရင်းမြစ်များ

II Samuuele 10:3

O makota-phe ma jitata ja anʼa Amone, ambela Hanuni, muadiʼâ, exi: Eie ua fika Davidi ua ki bhangela ujitu ua tatʼenu, kia tumu ku ku konda malambʼiki? Manhi Davidi ka tumikisa akua mbèle iê mu ku ku lónda o mbànza, ni ku i ijiia kiambote, phala ku i lundumuna?

Jobe 21:27

Talenu muene kuma ixinganeku ienu nga ijiia kiambote, ni ima ia ibha ia makutu i mua ngi zukutisa na-iu.

Jisabhu 14:17

Muthu u thathamana lusolo, u zanga ima; o mukua ilunji ia mudiangu, athu a mu kuma.

Izaía 3:5

Mundu phe a kà u bhondeleka; bhua kà kala ku dikuata jimvunda, kala muthu ua kà lungulukila mukuâ; Mona ndenge, ukitukila muadi-akime; o sébhue, u balukila mona-ngana bhu kididi.

Jelemiia 11:19

Eme-phe ngedile kala kambudi ka belesela, kaia bhu dijibhilu; mbata ki nga kʼijidile kuamba ala ku ngi ta kikutu, exi: Tu jikinisienu o muxi ni ibundu iê; tu mu batudienu mʼoxi ia athu a muenhu, phala ki bhu kale dingi kulembalala o dijina diê.

Dialuilu 12:3

Mozé-phe ua kexi muthu ua xididika, athu oso mu ngongo ndenge.

Dialuilu 16:15

Kienhókio Mozé o njinda i mu kuata kiavulu, anga uambela Jihova, uixi; Kana kusuua ku ujitu uâ; eme né ngó bulu imoxi ki ngi i tambula kokuâ, mba nga bhange kiaiibha ku muthu mudiâ.

Dialuilu 32:6

Mozé anga u ambela anʼa Ngade ni anʼa Lubene, uixi: Kífua akuenu aia ku ita, enu mu xikama ku sámbua kunu?

Matesu 5:22

Eme-phe ngi mi ambela kuma, uoso u kuatela ngó mukuá njinda, u kala muêdi ua ku mu fundisa kuala afundixi. O uoso uâmba mukuá, uixi: U semenhi, u kala muêdi ku kionge kia jitata. Uoso-phe uila: U kiôua kia ngoho, u kala muêdi ua túbhia tua ifernu.

Matesu 9:4

Jezú kuma uejiia mabanzelu mâ, uixi: Phala-hi muala mu xinganeka kiaiibha mu miẋima ienu?

Marku 3:5

Muene ua exi suí, ene oso, ni dilamba ni njinda, mukonda kia mu iibhila o kukola kua kua muẋima, mbata nguâ-uâ ku tongolola, nʼejiie. Anga u ambela o diiala: Sunununa lukuaku. Muene kia lu sunununa, lukuaku lue lua disanze kala lua mukua.

Luka 7:39

Falizeu-phe ua mu ixanene, kia ki mono, uedi ni muẋima uê, uixi: Muenhú se ua kexile polofeta, ueji kuijiia mbutu ia muhatu uoso ua mu mu kuata kiki, kuma mukua-ituxi.

I Kolindo 10:24

Muthu ka sote kubhanduluka ngó muene, maji a sote ue o kubhanduluka kua akuâ.

I Kolindo 10:33

Bhangenu uila ki ngene mù bhanga eme-muène. Athu oso ngi sota ku a uabhesa miẋima mu ima ioso i ngi bhanga, kuma ki ngi bhindamena eme-muène ngó kubhanduluka, maji nginda ue ene oso a bhanduluke, phala nʼ a bhuluke.

I Kolindo 11:18

Kima kia dianga, a ngi tangela kuila sai ibuka ia athu mudienu a muia ni kudikuata kioso ki mu bhongoloka mu Ngeleja. Ku mbandʼuku eme nga ki xikina kuila kidi.

I Kolindo 12:25

Phala mu kiki, mu mukutu ki mu kale kizembu mba kudimuanga, maji idindu iene ioso i di kuatele muanu mudiâ.

I Kolindo 7:36

Oso-phe a di solo ngó, maji nguauâ dingi kukazala, eme-phe ngʼ a tangela kuila: Se mu kubhanga kiki o monʼ a diiala ua fika kuma kianda kubhangʼ iki ku kilumba kiê ki ki fuama, mukonda o henda ia mu zolo na-iu hanji iavulu, iú ua bhindamena u sakana-nê—Kuabhu-phe, a sakane! Kana-ku kituxi mu kubhanga kiki.

II Kolindo 5:19

O hundu ietu ienhiʼii: Kuma Nzambi mua Kristu ua mu luulula o mundu ni muène, iú ua mu bhangesa kuila athu oso a kala makamba mê, sè kukuata-nâ konda ia ikuma iâ. Etu-phe Muène iú ua tu bhana o maka mê ma kuluulula athu nʼa kale makamba mê.

Ngalásia 5:13

Kuma enu, jiphange, a mʼ ixanena kukala mu jifôlo. Maji o ku ofôlo uenu ki mu katule-ku maditatu ma kuehela o jihanji ja xitu ku mi tumina, maji muenda ni ku di bhikila mudienu ni henda.

Filipe 2:21

Mukonda akua ene oso a bhindamena ima iâ-ene, ka bhindamena ima ia Jezú Kristu.

Filipe 4:8

Mu ku mi bhana-phe o mahezu, jiphange jami, ioso ima ia kidi, ioso ima ia ujitu, ioso o ima iaiuka, ioso o ima iazele, ioso ima iauabha, ioso o ima iene ku i tumbula, se sai-ku uthu, se sai-ku kia kuximana, iene ima i mu xinganeka.

II Tesalonika 3:7

Mukonda enʼuenu mua kʼijiia kioso ki mua tokala o ku tu fikisa etu. Kuma athu etu ka tu muene ni usonde ua ku kamba kukalakala ki tua kexile muʼaxaxi kenu.

II Timote 2:10

Uila kiki, ima ioso ngi kolokota na-iu, mukonda dia athu a ngene a Nzambi òsole. Ngi ki bhangela phala a tambule ubhulukilu uene mua Kristu Jezú, kumoxi ni kijîngo ki kié-kiene kutunuka dingi.

II Timote 4:16

Ku dimanda diami, ki nga diangele kufunda, kana muthu ua ngi bandele. Ene oso a ngi xile. Nzambi tamanu ka a tela na-kiu mu konda iâ!

Tiiaku 1:19

Lembalala jingenu-phe kiki, enu jiphange jami nga mi zola. Muthu ni muthu-phe a lenguluke kuivua, maji a kokoloke kuzuela, a kokoloke o kutêma.