I Kolindo 13:2 - O Mikanda Ikola

² Se ngi kala ni uhete ua upolofeta, katé o ijinganu ioso nga ijiia, o kuijiia kuoso nga ku zubha; se ngi kala ni kuxikana kuoso, katé ngi tena kusondolola o milundu bhu ididi iê, maji ngi kamba o henda, ki ngi kala ngi kima.

I Kolindo 13:2 ပူးပေါင်းရင်းမြစ်များ

Matesu 13:11

Muène u a vutuila, uixi: Enu Nzambi ua mi bhana-kiu, o kuijiia ikutu ia Utuminu ua Diulu, ene-phe ka a bhana-kiu.

Matesu 17:20

Muène ua ambela, uixi: Mukonda o kuxikana kuenu kua tolo. Kuma ngi mi ambela kidi, se mu kala ni kuxikana né kua sokoʼé ngó ni lumbundu lua mbutu ia mustarda, mua kʼàmbela mulundu iú, muixi: Sondoloka bhabha, uie bhaná! Uene ua kà sondoloka. Enu mu kala ni kutena, kana kima ki mu lémbua. [

Matesu 21:19

Kia mono mufiku bhu mbanduʼa njila, u bhiẋila-bhu. U sanga-phe kana-ku kima, máfue ngó mala-ku. Muène anga u uambela, uixi: Ko kué ki kuà kale dingi kibundu! Muẋi anga u lela kindala.

Matesu 21:21

Jezú u a vutuila, uixi: Kidi kiene ngi mi ambela: Se mu kala ni kuxikana, sé phata, kia di bhange ku mufiku, ki kiene ngó ki mu bhanga, maji né mbe muà kela mulundu iú: Zangumuka bhobho, ua kà di kuzule mu ʼalunga, kiene ki di bhanga!

Jipoxolo 13:1

Kikki-phe mu Andiioka, mu Ngeleja mueniomo, mu kala jipolofeta ni alongixi iá: Barnabé, ni Ximinhá a mu edi Muxiketedi, ni Lúsiu mukua Silene, ni Manahene a mu sasa kumoxi ni Helode dia tetalaku, ni Saúlu.

Loma 11:25

Uila kiki, ki ngi mesena jiphange, kuila mu kamba kuijiia o kijingano kiki, mba mu kala mu jinjimu ja ku di metena: mukonda o kuxita mu thulu kua kuata Izalaiele, ki kuanda kujiza, maji katé ngó kia kà bokona muvimba ua dialuilu dia akua jixi jengi, ió oso ki Jijudé, ki eza kua Nzambi.

Loma 15:14

Eme uami-phe, phange jami, ngejiia kidi kuma enu muezala ni vondadi iambote, muezala ni kuijiia; uila kiki mua soko-bhu ku di longesa mudienu.

Loma 16:25

Tu ximane Nzambi! Kala ki nga mu tanga mu Njimbu Iambote i nga mu kola—o Njimbu ia tokala Jezú Kristu—kuila Nzambi ua soko-bho ku mi bhaka mu kuxikana. Kala ue ki kia tukuluka mu kijinganu kiòbhake mu kabuu mu jihama ja mivu ni mivu, tunde mu xahùlu.

I Kolindo 11:4

Diiala dioso di kala mù samba, mba mù tula o Njimbu Iambote ia Nzambi mu mabhongolokelu a kubheza, nʼ a futu o mutue, ió ua kambe ujitu kua Kristu.

I Kolindo 12:28

Kiene kia bhekesa kuila, mu Ngeleja, ima ioso Nzambi ua i te mu ididi iêʼ Moxi, ua diangesa o Jipoxolo; iadi, kua kaiela o jipolofeta; o tatu, uate jimesene ja kulonga mu Ngeleja. Iú uate-ku dingi ni abhangi a isuma; uixi ni ia a tambula o umesene ua kusaka jihaxi; amukuá a tambula uhete ua kukala akuatekexi, mba ua kukala atumini, mba ue kuzuela jimbimbi jengi.

I Kolindo 13:1

Eme né-mbe ngi zuela jimbimbi ja athu, katé ni ja ji-anju, maji ngi kamba o henda, ioso i ngi zuela, nga di bhange ngi utadi u bhana mutendu, ngi ngoma ia ngondo i ngulungunda.

I Kolindo 13:3

Se ngi bhana o jimbongo jami joso ji ngala na-ju mu kubhindumuna o jingadiama, katé ngi bhana o mukutu uami phala ku u oha mu tubhia, maji ngi kamba o henda, ki ngi bhanduluka-ku kima.

I Kolindo 13:8

O henda ki ia kà bhua. Né-mbe kukala mizambu ia jipolofeta, sai ia kà bhingana, kuma ki i nange kubhita. Némbe kukala uhete ua kuzuela jimbimbi, sai bhu ja kà suka. Né-mbe kukala kuijiia, kua kà jimuka ue nzaká!

I Kolindo 14:29

O ki bhu kala kiiadi mba kitatu a tambula maka kua Ngana Nzambi phala ku a tudila akuá, enʼ iâ a zuele, maji akuá a kale mù tongolola kioso kia mu zuela ene.

I Kolindo 14:39

Uila kiki, phange jami, bhindamenenu jinga o kutula o Njimbu ia Nzambi. Maji kana ue kukidika o kuzuela ni jimbimbi jengi.

I Kolindo 14:4

Uoso u zuela mu mbimbi jengi, ua di kuatekesa ngó muène, maji uoso-phe u tanga o Maka ma Nzambi, u kuatekesa o Ngeleja ioso.

I Kolindo 15:51

Ivenu kiambote o kijinganu ʼiki: Etu ene oso ki tua kà sokela-ku mu kufua, maji etu ene oso tua kà kituluka muʼ anzanzʼomo.

I Kolindo 16:22

Se bhu kala muthu ua kambe o kuzola Ngana, a kale muthu a mu bhubhidila! Malanata—Ngana ietu ʼza kiá!

I Kolindo 4:1

Etu tua tokala kuila enu mu tu banza kuma tu jingunza ja Kristu, tu imbadi a tu tuika kulonga o kidi kia ijinganu ia Nzambi.

I Kolindo 7:19

O kukala u muthu a ku saie, ki kima; o kukala u muthu a kambe o ku ku saia, ki kima. Kia kate-ku o kualuka ijila ia Nzambi.

I Kolindo 8:4

Uila kiki, ku mbandu ia kudia kua satela o iteka, tua kʼ ijiia kuma kiteka kima kia ngoho mu ngongo, kuma ki ala bhu kididi kia kima ki kiene-ku. Etu-phe tuejiia kuma kuala ngó Nzambi imoxi, kana-ku iengi.

II Kolindo 12:11

Eme nga zuela kala ngi semenhi, enu-enu-phe mua ngi bhinjika o ku ki bhanga. Nga fuamene enu mu ngi ximana. Kuma jipoxolo jojo ja tundu akuʼâ, ki ja ngi tundu ni kima, sumbala ki ngi kima.

Ngalásia 5:16

Ki ngambe-phe, kiki: Ehelenu o Nzumbi ia Nzambi ku endesa o mienhu ienu, ki mu kale mu kutumaka dingi o jihanji ja xitu.

Ngalásia 5:22

Maji o ibundu iima o Nzumbi-phe, henda, ngalasa, kutululuka, kuxididika, kulenduka, kubhanga mbote, kukala fiiele,

Ngalásia 6:3

Kuma se o muthu ua di fika kukula, manhi muene ki kima, muene ua dinganala.

Efezo 3:4

se mu tu tanga kiambote muanda kuijiia kuma o kikutu kia Kristu eme kia ngi jimbulukila).

Efezo 6:19

Eme uami ngi diondelienu, phala Nzambi a ngi bhane o maka ni kusakalala mu kuzuela ki ngi jikula o dikanu, mu kulonga sé uôma o kijinganu kia Njimbu Iambote.

Kolose 1:26

Mukonda o Maka enhá, kiene o kijinganu kia jinganene tundé ku xahulu ni ku miji ioso, lelu-phe kí kia jingunukina akua Ngana.

I Timote 3:16

Kia kidi kiene, kana muthu u tena kudituna-kiu kuila o kijingano kia ubhezelu uetu mua Nzambi kia dikota muene: Muène ua tukulukila mu kidifuanganu kia athu, o Nzumbi ia Nzambi ua mu tange kuila ualungu, o muène a mu mono kuala o ji-anju. A mu kola muʼaxaxe ka akua jixi, o mundu mu ngongo ua mu xikana, ia a mu tambula ku diulu ku ungana.

I Nzuá 4:8

Uoso ua kambe kuzola, kejiia Nzambi, kuma Nzambi henda.