I Kolindo 13:1 - O Mikanda Ikola

¹ Eme né-mbe ngi zuela jimbimbi ja athu, katé ni ja ji-anju, maji ngi kamba o henda, ioso i ngi zuela, nga di bhange ngi utadi u bhana mutendu, ngi ngoma ia ngondo i ngulungunda.

I Kolindo 13:1 ပူးပေါင်းရင်းမြစ်များ

Jisálamu 150:5

Mu ximanienu ni jingoma ja ngondo, mu ximanienu ni kuxika ku ji theia ni ku manuma.

Matesu 25:45

Muène ua kà kumbulula: Kidi kiene ngi mi ambela: kioso ki mua kamba kubhanga ku jiphange jamiʼ ji ja ndenge, Eme-muème mua kamba ku ngi bhanga-kiu.

Marku 16:17

Ijimbuete iíi kaiela io oso a xikana: Mu dijina diami, a ka tundisa madimonho, a ka zuela ni madimi mengi;

Loma 14:15

Mukuenu se ua mu kenanesa mukonda dia kudia kué, eie kua mù bhanga dingi ima ia henda. Mukuenu kana ku mu texikisa mu kudia kué ku ua mù dia, mbata muène ue muthu a mu fuila kuala Kristu.

I Kolindo 12:10

Sai ni iú Nzumbi Ikôla i mu bhana kutena kua kubhanga isumua; sai ni iú a mu bhana uanji ua kutala o Maka ma Nzambi. Sai ni iú a mu bhana o kutena kua kuijiia kutungula o uhete u tunda kua Nzumbi Ikôla, ni iú ki u tundu kua Muene. Sai iú a mu bhana kutena kua kuvula jimbimbi jengi ja kuzuela; sai iú a mu bhana o kutena kua kulombolola o jimbimbi jengi jenʼ iji.

I Kolindo 12:16

O ditui ue se dʼ ila, eme mukonda nga lémbua kukala ngi diesu, ku mukutu ki ngalaku, né mbe kiene, ku mukutu ki di kambe kutokala-ku.

I Kolindo 12:8

Kuma sai iú a mu bhana kuala Nzumbi Ikôla, hundu ia kutongolola; sai iú a mu bhana hundu ia kuijiia, maji ienda ni Nzumbi iene imoxi.

I Kolindo 13:8

O henda ki ia kà bhua. Né-mbe kukala mizambu ia jipolofeta, sai ia kà bhingana, kuma ki i nange kubhita. Némbe kukala uhete ua kuzuela jimbimbi, sai bhu ja kà suka. Né-mbe kukala kuijiia, kua kà jimuka ue nzaká!

I Kolindo 14:2

Kuma uoso u zuela mu mbimbi jengi, ki athu a zuelela, maji ua zuelela Nzambi, mukonda kana muthu uevu-mu. O ia zuela mu Nzumbi-phe ua tange kidi kia ima iajingana.

I Kolindo 14:4

Uoso u zuela mu mbimbi jengi, ua di kuatekesa ngó muène, maji uoso-phe u tanga o Maka ma Nzambi, u kuatekesa o Ngeleja ioso.

I Kolindo 14:5

Nginda-phe kuila, enu oso mu zuelela mu jimbimbi jengi, maji inda kotakota dingi nga mesena mu kala ni uhete ua kutanga o Maka ma Nzambi. Kuma uoso u tanga o Maka ma Nzambi uala kota, o u zuela ni jimbimbi jengi ndenge, kuma ki bhinga bhu kala muthu u tena kulombolola ioso ia mu zuela, phala o Ngeleja ioso nʼ a i kuatekese mu nzumbi.

I Kolindo 8:1

Kindala nganda ku kuata ku maka ma makudia ma satela o iteka. Ni kidi kiene, kala kiene mú ki tanga, etu oso sai kuijiia kuetu. O kuijiia kuenhuku-phe ku nanukisa o mukua ukumbu; maji o henda-phe i tungisa.

II Kolindo 12:4

O kuenioko anga u ivua ima ki i xikina ku i lombolola mu maka, ima i kola ki i xikina ku i zuela ni mizumbu ia muthu.

Ngalásia 5:22

Maji o ibundu iima o Nzumbi-phe, henda, ngalasa, kutululuka, kuxididika, kulenduka, kubhanga mbote, kukala fiiele,

Ngalásia 5:6

Kuma kioso ki tu kala mu umoxi ni Kristu Jezú, ki u kala a ku saie, ki u kala ka ku saie, kiene kioso ki kia kate kima; kia kate-ku o kuxikana ku kalakala ni henda.

I Timote 1:5

Mutendelelu iú-phe, mahezuʼê o henda i tunda mu muẋima uazele, ni mu kitongoluelu kiambote, ni mu kuxikana kua kidi ki kua kudibhangesa.

I Phetele 4:8

Mu ima ioso kotʼèlele o henda ienu mudienu i fulujuke, kuma henda i sueka nzungule ia ituxi.

II Phetele 2:18

Kuma ene a tanga maka ma ku di kaka, a zuela izala ioso, o mu hânji jâ ja xitu ni mu ufusa, a bhomba athu ió oso ambe kiá kubhuluka mu akuâ a nanga mu kutondala.

Dijingunuinu 14:2

Anga ngʼivua dízui ku diulu, kala dízui dia dibhubha dia dikota dia menha, mba kala dízui dia kinuminu kionéne kia nzaji. O dízui di ngevu diedi kala dia akua jimbànza ala kuxika o jimbànza jâ.