I Kolindo 12:1 - O Mikanda Ikola

¹ O ki tu kuata ku maka ma mauhete ma tu bhana kuala o Nzumbi Ikôla: Enu jiphange, ki ngi mesena mu kamba kuijiia o kidi.

I Kolindo 12:1 ပူးပေါင်းရင်းမြစ်များ

Loma 1:13

Enu phange jami, nga mesena mu kʼ ijiia kuma luavulu kiá nga solele kuia ku mi kunda ku mualʼ oko, maji katé ni kiki sai kia mu ngi fudisa jinga. Kuma nga mesena kuila kikalakalu kiami ki kale ni ibundu mu ʼaxaxe kenu, kala ki nga mono mu ʼaxaxe ka ió ki Jijudé, o akua jixi jamukuâ.

I Kolindo 10:1

Kuma nga mesena, enu jiphange, kuila mu xinganeka hanji kioso mʼ ukulu kia bhitile na-kiu o jitata jetu a kexi mù kaiela Mozé. Ene oso a bhitile moxʼ a dituta dia mvula, ene oso a bhitile mu kalunga kakusuka.

I Kolindo 14:37

Se bhuala muthu ua di fika kukala mukunji ua Nzambi mba uala ni uhete ua nzumbi, a tume ku kʼ iijiia kuma ima i nga mi sonekenʼ iii, ijila iene Nzambi.

II Kolindo 1:8

Kuma ki tua mi mesena, jiphange, kuila mu kamba kuijiia o hadi ioso i tua tale mu Azia. Kuma o hadi i tua bhiti na-iu ia tu xinine koko, ia vudile kinéne, ni kinemenu kiê kia vudile ue, katé ki tua di fikile dingi kuila tu tunda-ku ni kukola muenhu.

Efezo 4:11

Muène ua uanena o maujitu ku athu. Amoxi-moxi ua a bhana kukala Jipoxolo; amoxi Jipolofeta; amoxi akunji a kutula o Njimbu Iambote; amoxi jipaxtolo; amukuâ jimesene ja kulonga mu Ngeleja.

I Tesalonika 4:13

Tuinda-phe, enu jiphange, kuila ki mu kambe kuijiia kikexilu kia ió oso aia ku kilu, phala ki mu kale ni mukondo kala athu amukuâ ka moneka kia dielela.

II Phetele 3:8

Inda kima kimoxʼiki-phe ki ki mi jimbe, enu akuetu, kuma: Kizuua kimoxi kua Ngana, mukuâ ni midi ia mivu, o midi ia mivu mukuâ ni kizuua kimoxi.