I Kolindo 11:20 - O Mikanda Ikola

²⁰ O kioso enu ki mua mu bhongoloka, o Seialu ia Ngana ki iene i muala kudia.

I Kolindo 11:20 ပူးပေါင်းရင်းမြစ်များ

Hozeia 8:13

Mu kubhana jisata ja ilumbu a jibha ibhaku ia sata hé a i dia o xitu, maji Jihova muene ka i xikina; kuma Jihova u lembalala o mangonha mâ, o ituxi iâ ua bhela-iu kastiku; mukonda hádia a vutukila ku Ijitu.

Zakadiia 7:6

O kioso ki mua dia jinga ni ki mua nuá jinga, ki enuʼenu mua di dila jinga, mua di nuina jinga?

Jipoxolo 2:42

Ene oso anga a kolokota mu ulongelu ua jipoxolo, ni mu ukamba mudiâ, anga a kala mu kubhongoloka jinga kumoxi mu kubukula o mbolo, ni mu kusamba.

Jipoxolo 2:46

Izuua ioso a jiza ni muẋima umoxi o kubhongoloka jinga mu Tembulu ni kubukula o mbolo ku bhata, hé a kuata kúdia jinga kumoxi ni kusanguluka ni kubatama muẋima.

I Kolindo 11:17

Kiki, ku maka amukuá u ngandù kuata ku mi lomboluela, ki ngi mono ku mi ximana. Mukonda o kubhongoloka kuenu mu Ngeleja ki kua kubhanga mbote, maji kua kubhanga kiaiibha.

I Kolindo 11:19

Kana-bhu-phe phata, kuila kua bhingi mudienu mu kala kudiuana ku ibuka, phala ió oso ala mu kidi a di monekene.

I Kolindo 11:21

Mua mu kuila, kioso ki muia mu kudia, kala muthu u tuamena mukuá mù dia o seialu iê-muene. Kí kia mu bhangesa, o kuila o iá hanji ala ni nzala, o iá a bhixila bhu ditala dia kukodiua.

Jihebeleu 10:25

Kana kufula ku di bhongolola jinga, uila amoxi ki ene kufula, maji tu di longesa mudietu. Uila kiki, tu di suinisienu mudietu, kota-kota dingi kioso ki mu mona o Kizuua kia Ngana kí zukama.

II Phetele 2:13

Athu a uabhela kubhanga o isunji ia jivondadi jâ ja bolo mu muanha uatu! O kioso ki mu kala mu kudia-nâ mu fesa jenu, a bhekesa jisonhi, edi kala mabaka ku kizuatu. O ima ioso a i bhanga ni kádia.

Juda 1:12

Enʼ iâ a di bhanga dilebhu phala enu, ki mu kala kudia-nâ mu fesa jenu ja ukamba, ni kukodiua kuâ ku kuatesa jisonhi. A kala mu ku di dikila, ni kudisuua ngó ene. Edi kala matuta ma kambe menha, ma phephuluka ni kitembu, ki ma bhana mvula ia kima. A di bhange mixi ia tokoka o kuima, né bhu mvula ia kudinji, ki i moneka kibundu. A di fuangana mixi iòvuze ni jindanji, ia fuila-ku kiá muene.