Anga mu nzala iâ u a bhana kúdia mbolo ia diulu, o mu dinhota diâ u a katuila menha a fuáfua mu ditadi; Eie anga u a tangela kuila a bokone kiá mu tambula o ixi i nga lekela o lukuaku ni kuloka ngixi ngʼa bhana-iu muene.
Anʼa Izalaiele kia zubha ku ki mona, a dibhula mudiâ exi: O kiki kima kia-hi? kuma ka kʼijiia, kiluua a ki mona. Mozé anga u a ambela, uixi: O iii iene o mbolo, ia mi bhana Jihova phala ku i dia.
Anʼa Izalaiele anga a dia maná mu makuinhi auana a muvu, katé kia bhiẋila ku ixi ia tungu athu; iá a dia jinga o maná katé kieza mu jimbámbe ja ixi ia Kanana.
Jihova bhenhobho anga u ambela Mozé, uixi: Talesa-ze, ngi mi nokesa mbolo i tunda mu diulu; mundu a kale mu tunda izuua ioso mu i nona bhoxi, a fikise ioso ia soko ku i dia kizuua kimoxi, ngʼa lole mba a ẋikina kuendela mu ngonge iami, mba kana.
Muene ua mi bateka, ua mi ehela kukala ni nzala, iu ua mi disa ni maná, enu nuka mua ijidile, né jitata jenu ue ka ijidile; phala ku mʼijidisa kuila muthu ka laiela ngó ku mbolo, maji ku ima ioso i tunda ku dikanu dia Jihova kuene kulaiela o muthu.
