I Kolindo 10:11 - O Mikanda Ikola

¹¹ Ima ioso ienʼ iii ia bhitile ku jitata jetu mʼ ukulu, ni i kale kijimbuete ku akua, maji ima ienʼ iii-phe a i soneka phala ku tu dimuna etu. Mukonda tuala mu kithangana kia kuila o dizubhilu dia jithembu dia zukama kiá.

I Kolindo 10:11 ပူးပေါင်းရင်းမြစ်များ

Dimatekenu 19:35

Anga a mu nuisa dingi vinhu usuku uenhó; ndenge anga u balumuka uia u zeka-nê; muene-phe ka kʼijiia kioso monʼê kia zeka ni kioso kia balumuka.

Jisálamu 102:18

Kima kiki kia bhingi ku ki soneka, phala ki xale musêndu ku alulu ni ku alaula; athu kiluua ngó a a bhanga, hádia a ximana Jihova.

Izekiiele 5:15

O kusebuluka kué ni fuma iaiibha i ua-nda kukala na-iu, i di-bhanga disá ni kisuma ki bhekela kukakuka ku miji iengi iala mu jimbandu jé, kioso eme ki nga-nda kubhitisa o mabatuilu mami ni njinda, ni kutema ni jikaxitiku ja nguzu. Eme-muène, Jihova nga zuela.

Matesu 13:39

O nguma uoso ua ji kuua, muene Diabhu; o thembu ia kubhongolola, o dizubhilu dia mundu; abhongolodi, o jianju.

Matesu 13:40

Kala-phe kia bhongolola o jimbundu ja iangu, a ji oha mu túbhia, kiene ue kia kà bhita ku dizubhilu dia mundu.

Loma 13:11

Nga ki ambe kuila enu mua fuama mu bhanga kieniiki, mukonda o thembu i tuala mua ijiia. Kumbi diezabhu kiá, dia kubalumuka ku kilu. Mukonda, kiki o kubhuluka kuetu kua zukama dingi kiengi, ki ki soko ni ki tua mateka o kuxikana.

Loma 13:12

O usuku iú batuka, kua kambe ngó kuma kukia. Kala kiki, tu ehiʼenu kubhanga o imbamba ia usuku. Tu maneke o mata ma kulua-nâ mu muanha.

Loma 15:4

Kuma ima ioso iósokene mʼ ukulu mu Mikanda Ikôla, a i sonekena phala etu ku di longa, phala mu kinhenge, ni mu kutula o muẋima mu kutanga o Mikanda, tu kale ni kudielela.

Loma 4:23

Kieniokio ka ki soneka ngó mukonda dia Mbalahamu muene, kuila a mu bhangele-kiu konda.

I Kolindo 10:6

Ima ioso iii ia bhiti mu kukala ijimbuete ietu, phala ki tu kuate jihanji ja ima iaiibha, uila ene kia ji kuatele,

I Kolindo 7:29

Ngambe-phe kiki, jiphange, kuma o thembu ia butu, kua bhingi ku pholo ku tuia, oso ala ni ahatuʼâ, a kale uila kala-nâ.

I Kolindo 9:10

Inga ua ki ambela muene mukonda dietu? Kidi kiene, muene ua ki ambela mukonda dietu! Mukonda uoso u dima, u tokala u dimina dilau, ni uoso u vunda, u dielela kuma uanda kudia-ku.

Ngalásia 4:24

Imʼ iii-phe ia di bhange kala kifika. Kuma ahatu aiadi enʼiâ, ikutu iiadi: Umoxi u tunda ku mulundu ua Sinai, anʼ ê ua a vualela mu ubhika, kifua abhika, muene-phe Hangale.

Filipe 4:5

Kalenu mu athu mua tetuluka, athu oso a mʼ ijiie na-kiu. Ngana ua zukama.

Jihebeleu 10:25

Kana kufula ku di bhongolola jinga, uila amoxi ki ene kufula, maji tu di longesa mudietu. Uila kiki, tu di suinisienu mudietu, kota-kota dingi kioso ki mu mona o Kizuua kia Ngana kí zukama.

Jihebeleu 10:37

Mukonda, kala kia tange o Mikanda Ikôla: Kuma kua kambe ngó kathangana, kathangana kʼ ofele muène, o Ió tua mu xikamena, uiza; uanda kuiza muène, ka kokoloka.

I Nzuá 2:18

Enu tuana tuami, kumbʼidi diene dia sukidila-ku. O ki muevuʼokio, kuila hinu kuiza Kristu ia makutu, kiene kiabhuʼiki. Kuma kiki kueza kiá jikristu javulu ja makutu, kiene ki tua kʼijidila kuila o kumbʼidi diene kiá dia sukidilaku, o dizubhilu dia zukama.