I Kolindo 10:10 - O Mikanda Ikola

¹⁰ Kana ue kulongolola, kala kia longoluele ene amoxi-mu, anga a a jima mbutu kuala o Anju ia Mubuikixi.

I Kolindo 10:10 ပူးပေါင်းရင်းမြစ်များ

II Samuuele 24:16

Kioso kia zenga anjo lukuaku luê ku thandu dia Jeluzaleme mu ku i buikisa, Jihova u diela divuua dia bheka, anga u ambela anjo iala ku buikisa, uixi: Kuabhu! Lukuaku lué lu suke bhenhobho! Anjo ia Jihova anga i suka bhu dibhiatelu dia Alauna, mukua Jebusi.

I Malunda 21:15

Jihova, anga utumikisa anju imoxi ku Jeluzaleme, phala Jeluzaleme ku i sengulula; o muene mu ku i buikisa. Ngana ua talesa, anga u di êlesa o kibuika kiokio, henda i mu kuata anga uambela o anju ia mubuidixi, uixi: Kuabhu! Kindala katula-ku kiá o lukuaku lué! O kienhokio-phe, anju ia Jihova iakexile bhu mbandu ia kididi kia dizanzu dia kubhiatela dia Holonane, mukua Jebuze.

II Malunda 32:21

Kieneʼokio o Jihova ua tumikisa anju imoxi i ia jikinisa o mala oso a mazonda, ni makota ma jingana, ni atumini mu kilômbo kia sobha ia Asídia; sobha anga u vutuka ni pholo ia zenzama ni jisonhi kʼoxi iê; maji-phe, mu kutula kueneʼoko, o kia bokona mʼonzo ia dihamba diê, ene muene a tundu mu divumu diê, a mu jibhila mueneʼomo ni xibhata.

Jisálamu 106:25

A hina-hina ngó ni kulongolola mu jifundu jâ muala; o kuívua dízui dia Jihova, a ditunu.

Makatukilu 12:23

Kuma Jihova ua-nda kubhita mʼoxi ioso mu kuama akua Ijitu; o kia-nda kumona manhinga ku phidika ni ku mikangala iiadi ia dibhitu, Jihova u somboka dibhitu diodio, kehela mubuikixi kubokona mu jinzu jenu phala ku mi kuama.

Makatukilu 15:24

O mundu anga a kuata ku longolola Mozé, exi: Tua-nda kunua-hi?

Dialuilu 14:2

Anʼa Izalaiele oso anga a longolola Mozé ni Alá: Kilômbo kioso anga a ambela, exi: Tamanu tua fuidile mʼoxi ia Ijitu! Mba tu fuila ngó mu kikangalakatʼumu!

Dialuilu 14:37

enhó muene a fumanesa ixi anga a fuila ku dibhebhu dia tundu kua Jihova.

Dialuilu 16:11

Ki kia mi bhekesa dingi kuila ni eie ni kionge kié kioso mua di bhongolola mu kuzoka ni Jihova; o Alá, muene kima kiahi, muala ku mu longololʼenu?

Dialuilu 16:41

Maji mu kizuua kia kaiadi, o kilômbo kioso kia anʼa Izalaiele a kuata o kulongolola Mozé ni Alá, exi: Enu mua jibha o mundu ua ngene ua Jihova.

Dialuilu 17:10

Bhenhobho-phe Jihova uambela Mozé, uixi: Tona dingi ku ta o mbangala ia Alá bhu pholo ia umbangi, phala ku i bhaka, i kale kijimbuete phala o ana a ẋinuka; mu kubhanga kiki ua-nda ku a zubha o makulongolola mâ ene ku ngi longolola na-u, nʼa kambe o kúfua.

Dialuilu 17:5

Hé kia kà kala-phe kuila, o mbangala ia muthu uoso ngi mu sola eme ia-nda kutuluka; mu kubhanga kiki ngi zubha-ku o makulongolola ma ana a Izalaiele a mu ngi longolola na-u eme, mu ku mi longolola enu.

Jipoxolo 12:23

Mu kithanganʼokio, anju ia Ngana i mu kuama, mukonda ua kambe kujingisa Nzambi; anga u diua ku mabhuka, u zubhidisa.

Filipe 2:14

Ima ioso i mu bhanga i kale sé kufunda, mba kukuata kuzoka,

Jihebeleu 11:28

O mu kuxikana, muène ua bhitisa o Phasu ia dianga, iú ua tumine kutesa o kidimbu kia manhinga ku mabhitu a jinzu ja anʼ a Izalaiele phala o Anju ia Kibuika ki ia a jibhile o ana a jiphande-kumbi.

Juda 1:16

Athu kala iá, akua kudizumina jinga ni kulongolola ni kufunda, enda kioso kia a tumu o jihânji, a kala ni dikanu dia ku di kaka, a kala ni kathombo kʼ athu mbebhu o kunganhala.

Dijingunuinu 16:1

Anga ngʼivua dízui dia suina mu Tembulu, di ambela sambuadi dia anju, dixi: Ndenu, mu lundulule mu ngongo o sambuadi dia nganza ia njinda ia Nzambi!