I Kolindo 10:1 - O Mikanda Ikola

¹ Kuma nga mesena, enu jiphange, kuila mu xinganeka hanji kioso mʼ ukulu kia bhitile na-kiu o jitata jetu a kexi mù kaiela Mozé. Ene oso a bhitile moxʼ a dituta dia mvula, ene oso a bhitile mu kalunga kakusuka.

I Kolindo 10:1 ပူးပေါင်းရင်းမြစ်များ

Nehemiia 9:19

eie mu nzungule ia jihenda jé, ku a ehelela mu kikangalakata. Mu muanha dituta dia kilembeketa ki dia a kambele, né o dituta dia túbhia mʼusuku, phala kuia ni ku a muikina, ni ku a edikiza jinga o njila mu endela.

Jisálamu 105:39

U futununa dituta, dia a bhana kilembeketa, ni túbhia tua a muikina mu usuku.

Jisálamu 66:6

O kizanga kia kalunga, ua ki kitula mavu a hatu; ni honga ia menha, athu a i zaúka muene bhoxi dia kukuta; bhenhobho tua sanguluka mukonda dié.

Jisálamu 78:53

U a songuela jinga mu iluezu, ene ka kala ngó ni hele; jinguma jâ-phe ua ji bobesa mu menha.

Makatukilu 14:29

Maji o anʼa Izalaiele-phe muene mua bhitiʼâ, endela bhoxi dia kukuta mu kaẋi ka kalunga, menha ma di bhange phalelu, ku mbandu ia kúdia, ni ku mbandu ia kiasu.

Makatukilu 40:34

Kia zubha kubhanga kiki, dituta dia vungina balaka ia kutakanena, balaka ioso iezala ni kubenha kua Jihova.

Dialuilu 14:14

akua-xi mumu a-nda ku a tangela-kiu. A kʼivu kiá kuma eie, Jihova, ua tungu muʼaxaxi ka kifuẋi kienhiki, a kʼivu ue kuma, eie Jihova, uala ku a tukulukila pholo ni pholo, dituta diê diemana ku thandu diâ, u mukua ku a tuamenena mu philadi ia dituta mu muanha, ni philadi ia túbhia mu usuku.

Dialuilu 33:8

Anga a tunda bhu Hahilote, a bhita mu kaii ka menha a kalunga, a bokona mu kikangalakata; anga enda izuua itatu mu kikangalakata kia Etanu, a ta kibangu bhu Mahala.

Nzuá 4:20

Jitata jetu ja bhezela jinga Nzambi ku mulundu kuku, maji enu mu Jijudé muambe kuma kididi kia kubhezela Nzambi, mu Jeluzaleme.

Loma 1:13

Enu phange jami, nga mesena mu kʼ ijiia kuma luavulu kiá nga solele kuia ku mi kunda ku mualʼ oko, maji katé ni kiki sai kia mu ngi fudisa jinga. Kuma nga mesena kuila kikalakalu kiami ki kale ni ibundu mu ʼaxaxe kenu, kala ki nga mono mu ʼaxaxe ka ió ki Jijudé, o akua jixi jamukuâ.

Loma 11:21

Kuma se Nzambi ka tenene kuehela o Jijudé edi kala jithangu ja di sabhukila ku muvide, mua fika kuila uanda ku mi ehela enu?

Loma 4:11

Kuma muene a mu saie kiá kueza kunu. O kifua kia kusaia ua ki tambula kuma kijimbuete, kidimbu kiedikiza o kulunga kuê kua muena mu kuxikana, kuila hanji-phe iú ku kanga, kiluua a mu saia. Kia bhiti kieniki phala Mbalahamu a kale mu nzumbi, tata ia oso a xikana Nzambi, né ku kanga kú ala, ka a saie, a a bhanga konda kuma alungu.

I Kolindo 12:1

O ki tu kuata ku maka ma mauhete ma tu bhana kuala o Nzumbi Ikôla: Enu jiphange, ki ngi mesena mu kamba kuijiia o kidi.

I Kolindo 14:38

Maji se sai muthu ua huku, a kadiê ni kuhuka kuê, kana ue muthu u mu suua.

Ngalásia 3:29

O ki kala enu oso mua tokala Kristu, muala mu mbutu ia Mbalahamu; mu ibinganu ia polomesa ia bhele Nzambi kua Mbalahamu.

Matendelelu 1:33

ió ua mi tuamenena mu njila ioso iii, mu ku mi kengela kididi kia kizalu bhu mu zekela; anga uenda ni kuila, o mʼusuku uendela mu kitúbhia, mbé o ku mi muikina mu njila i mua tokala o kuila, o mu muanha-phe, mu dituta kiá.

Jihebeleu 11:29

Kiejila mu kuxikana, anʼ a Izalaiele kia zauka o Musanza Uakusuka kala bhoxi dia kukuta. O akua Ijitu kia fikisa ue kuzauka, a boba mu menha a kalunga.

Josuué 4:23

Kuma Jihova Nzambi ienu, ua kukutisa menha a Njolodá bhu pholo ienu, katé mua zubha kuzáuka, kala kia bhange ue Jihova Nzambi ié ku Kalunga Kakusuka, kuma ua ka kukutisa menha katé ki tua zaúka etuʼenhoso;