I Kolindo 1:9 - O Mikanda Ikola

⁹ Nzambi uene fiiele, muéne ua mʼ ixana phala ni mu tena kuiza mu kisangela kia Monʼ ê Jezú Kristu, Ngana ietu.

I Kolindo 1:9 ပူးပေါင်းရင်းမြစ်များ

Jisálamu 100:5

Kuma Jihova muthu uambote; kulenduka kuê ki kuene kúbhua; o kukumbidila kuê ku xalela ku miji ioso.

Izaía 11:5

O kubatula kua iuka kuene kua kà di bhanga o phonda ia mbunda iê, o kidi kiene kia kà kala phonda ia kinhonga kiê.

Izaía 25:1

Jihova, Tata, eie muene u Nzambi iami; ngi ku zangeleka muene, o dijina dié ngi di ximana jinga, mukonda ua bhange madiuanu; ima i ua tanga, mʼukulu kidi, iakuata, iakolo.

Izaía 49:7

Jihova, Mubhuludi ua Izalaiele, Dilemba diê Ukôla, uambela muthu uoso a mu buangidika, a mu zemba kuala o mundu, o mubhika ua atumini, uixi: Muenhó a-nda ku mu balumukina bhu iandu kuala o jisobha, kia mu mona, ni ilamba uê, anga a kà diunda bhu pholo iê, mukonda dia henda ia Jihova, mukua kitongola, Dilemba Dikola dia Izalaiele, muthu ua ku tungula (ua ku sola).

Dialuilu 23:19

Nzambi ki muthu, kuila u ta makutu. Ki monʼa muthu, kuila u zuela luiadi. Kima kiambe, u kamba ku ki bhanga? Kia mu bhiti bhu dimi, u aluluka?

Matesu 24:35

Oxi ia kà jimuka, ni diulu, o Maka mami-phe, ki mà jimuka.

Nzuá 17:21

O ene oso nʼ a kale umoxi. Tata iami! Mukuâ ni eie ki uala mo muami, eme ngala mo mué, ene ua a kale mo muetu, oso muene a kala umoxi, o mundu phala u xikane kuma eie ua ngi tumu.

Loma 11:17

O kiki o jithangu jamukuâ ja mudiva ua kudima, a ji bukuile-ku, eie u luthangu lua mudiva ua muxitu iá a ku phaphe ku kixina muʼ axaxe ka jithangu. Kiene ue enu ki mu Jijudé, mua di bhange kala o mudiva uenʼ ió ku muxitu, kindala mua tambula ku nguzu ni ku umvuama ua muenhu ua Jijudé.

Loma 8:28

Kuma tua kʼ ijiia kuila mu ima ioso Nzambi u kalakala mu kubhanga o mbote kua iá oso a mu zola, oso kiá a exana mu vondadi ia muène.

Loma 8:30

Kala kiki, Nzambi oso ua a tungula ukulu, uedi ue ni ku a exana. O oso ua exana, uedi ni ku a lungisa, iú ua a xikina. Muène-phe ka a xikina ngó, maji ua a bhana ue kukala ni mbandu ku fuma iê.

Loma 9:24

Mukonda etu-ene oso, Nzambi ua tu ixana; kana ngó o Jijudé, maji ue ni akua jixi jengi, ki Jijudé.

I Kolindo 1:30

Maji enu-phe Nzambi muene ua mi ongeka kumoxi ni Kristu Jezú, a mu bhange kuala Nzambi kukala muene unjimu uetu. O mua Kristu muene mua tu ẋikinina Nzambi bhu pholo iê, ni ku tu bhanga tu mundu ua ngene ua Nzambi, iú ua tu bhulula.

I Kolindo 10:13

O jitendasa jene mù kuiza kokuenu, jene jimoxi ni jala kulua na-ju akuenu oso. Maji o Nzambi-phe kizuelu kiê u ki kumbidila, kehela ku mi diangula kia tundu o nguzu ienu. Maji kioso kʼ iza o mudiangu, Nzambi u mi bhana nguzu phala mu tene kubhalakata, ni ditundilu dia kutena kubhita.

I Kolindo 10:16

Etu tua sakidila Nzambi ua tu bhana o kopho ia mabesá. Manhi kioso ki tu kala mu kunua ku kopho iii, ki tua mu tambula ue mbandu ku manhinga ma Kristu? O kioso ki tu bukujula o mbolo anga tu kala mu kudia, manhi ki tua mu tambula uetu mbandu ku mukutu ua Kristu?

II Kolindo 1:18

Kabasa Nzambi uala fiiele, ua kʼijiia kuma hundu ietu ko kuenu ki ia kuila kiene ni kana:

Ngalásia 1:15

Maji bhu kithangana-phe kioso kia solo Nzambi, ua ngi tungula tundé mu divumu dia mamʼ etu, iú ua ngʼ ixana mu kiadi kiê phala ku mu bhikila.

Ngalásia 2:20

Kiki ki eme dingi ngala ku muenhu, maji Kristu uala ku muenhu moxi diami. O kiki o muenhu u ngala na-u mu xitu, nga u muena mu kuxikana Monʼa Nzambi, ió ua tenene ku ngi zola ni ku di bhakula mukonda diami.

Efezo 3:6

O kikutu kieniiki: Mukonda dia Njimbu Iambote, o akua jixi jengi, ala uâ mu kisangela kumoxi ni Jijudé mu mabesá moso ma Nzambi. Kuma ala idiandu ku mukutu uene umoxi; akua kisangela mu polomesa ia bhana Nzambi mua Kristu Jezú.

Matendelelu 32:4

Muene Tadi dia Muenhu! Kima kioso kia bhanga kitenena! O uendelu uê uoso uatetuluka; Nzambi muene o Kidi, o mua muene ki muene mangonha; izuua ioso muene ngó uaiuka, o kutetuluka ue muene ngó.

Matendelelu 7:9

Tuma-phe ku kʼijiia, kuila o Jihova Nzambi ié muene Nzambi, Nzambi ia Fiiele; muene o mukua ku kumbidila o kikutu kiê kumoxi ni kukuata jihenda ji bhiẋila katé ku midi ia miji ia ió oso a mu zola, ene kualuka ijiia iê.

Kolose 1:24

Kiki nga sanguluka mu jihadi joso ji ngala ku mi talela enu. Mukonda nga kuata kutala hadi ioso ia ngi xindi ku jingongo ja Kristu ja xedi-ku; ngi ji bhita mu xitu iami, mu kubhangela o mukutu uê-muene, muène, o Ngeleja.

I Tesalonika 2:12

Mbebhu enu phala muende kioso kia fuama kuuabhela Nzambi ua mʼixana kuzuama ku Utuminu uê ni ku fuma iê.

II Tesalonika 2:14

O Nzambi muène iú ua mʼixanena mu Njimbu ietu Iambote i tua kola, phala mu tambule ue mbandu ku fuma ia Ngana ietu Jezú Kristu.

II Tesalonika 3:3

Maji o Ngana-phe uala fiiele. Muène u mi suinisa, u mi langa, phala o Mudiangudi ió ka mi kuate.

II Timote 1:9

Kuma muène ua tu bhulula, iú ua tu ixana ni kixanu kikôla, phala, tu kale tu mundu uê. O kiki ki kia kaiela mu imbamba i tu bhanga etu, maji kia kaiela mu kikanenu kiê-Muène, ni mu kiadi kiê. Muène o kiadi kiki ua tu muesa-kiu mua Kristu Jezú, tundé xahulu, ku dimatekenu.

II Timote 2:13

Se tua kambe kukala jifiiele, Muène hanji u xala fiiele, Kuma muène ka tena kualuluka.

Tito 1:2

Ubhezelu ua xamenena mu kudielela o muenhu ki uàbhua. Nzambi ka moneka makutu, muène ua tu kanena-nâ tunde xahulu ku dimatekenu dia ithangana ioso.

Jihebeleu 10:23

Tu kolokotienu ni kufisala o kixikanu kietu sé kubhuila, kuma Nzambi ua tu bhana kizuelu uala fiiele.

Jihebeleu 11:11

Kiejila mu kuxikana, kuila Mbalahamu u kala tata, sumbala ua kexile kiá kikulakaji, o Sala ue muene, thembu ia kuvuala ia mu bhiti kiá. Muène-phe ua xikanene kuila Nzambi uanda kukumbidila polomesa iê.

Jihebeleu 2:17

Uila kiki, Jezú kia mu fuama mu ima ioso o kusokela ni jiphange jê, phala a tene kukala Nganga iâ ia Dikota, ia lenduka, ia fiiele, mu sedivisu iê kua Nzambi. Mu kienʼ iki nʼ a kale kiluuluilu kia ituxi ia mundu.

Jihebeleu 3:1

Uila kiki, enu jiphange jami mu kuxikana, mua tokala mu kixanu kia Nzambi, talenu kua Jezú a mu tumikisa Nzambi phala kukala Nganga ia Dikota, tua mu fisala mu kuxikana.

Jihebeleu 3:14

Kuma o kubhanduluka ni Kristu, ki bhinga o kudielela ku tu andeka na-ku, tu ku jijila katé bhu dizubhilu.

Jihebeleu 6:18

Phala bhu kale ima iiadi iakolo, ia bhingi Nzambi mu ku i tanga ka tena ku kala ni makutu, phala ku tu suinisa kiavulu o miẋima, etu oso tua lengela kua Muène, tueza, tua kuata o kudielela kueniʼuku kua tu bhana.

I Phetele 5:10

O Nzambi-phe ia kiadi kioso, ua mʼixana mua Kristu ku fuma iê ia kalelà-ku, ki mua kà zubha kathangana ka kutala hadi, muène-muene u mi tenesa, u mi kuatesa, u mi suinisa.

I Nzuá 1:3

O kima ki tua mono, ki tuevu, kiene ki tua mi tudila o Njimbu iê, phala enu uenu mu kale ku ukamba kumoxi ni etu, uila etu ki tuala mu kidi kiene ku ukamba kumoxi ni Tata ni Monʼê Jezú Kristu.

I Nzuá 1:7

Maji, o ki kala-phe tuenda mu mukengeji, kala Nzambi muène kiene mu mukengeji, tu kala ku ukamba mudietu, o manhinga ma Jezú, Monʼê, kala kienda jinga Jezú Kristu.

I Nzuá 4:13

Kiene ki tu kʼijidila, kuma tuala ku ukamba ni Nzambi, ni muène ua tungu momuetu, mukonda ua tu bhana o Nzumbi iê.

Dijingunuinu 19:11

Anga ngi mona diulu dia jikuka. Ngedi ngi tala, kua moneka kabalu kazela, o ua xikama-ku a mu ixana Fiiele, a mu ixana Kidi. Muène u fundisa mu kidi, u lua ita mu uiukilu uê.