I Kolindo 1:8 - O Mikanda Ikola

⁸ Muene uanda ku mi imika katé bhu bhuilu, phala ki mu kale ni kisemu mu kizuua kia Ngana ietu Jezú Kristu.

I Kolindo 1:8 ပူးပေါင်းရင်းမြစ်များ

Jisálamu 37:17

Kuma akua phulu ió, a kà bukuka o maku; Jihova-phe u fikidila athu ua a mono kuiuka.

Jisálamu 37:28

Kuma Jihova kia mu uabhela o kubatula mu kidi; a di tuma-nê ka ehelela, u a kondeka katé bhu kizuua. Maji o mbutu-phe ia akua kubhuma, a xikamena ku a batula-bhu.

Luka 17:24

Mukonda, kala o nzaji ki i telaka ku mbandu imoxi ia diulu, hé itajima katé ku mbandu iamukuá ia diulu, kiene ue kia kà kala Monʼ a Muthu mu kizuua kiê.

Luka 17:30

Kiene kimoxi kia kà bhita mu kizuua ki tukuluka o Monʼa Muthu.

Loma 14:4

Eie-muene, eie nanhi uala mù kuelêsa o selevende iangene? Ngana iê muene uanda kumona o phangu, se muène u tolola mba uanda kubhubhuka-ku. Maji-phe u tolola muène, kuma Ngana uala ni nguzu ia ku mu bhangesa kutolola.

Loma 16:25

Tu ximane Nzambi! Kala ki nga mu tanga mu Njimbu Iambote i nga mu kola—o Njimbu ia tokala Jezú Kristu—kuila Nzambi ua soko-bho ku mi bhaka mu kuxikana. Kala ue ki kia tukuluka mu kijinganu kiòbhake mu kabuu mu jihama ja mivu ni mivu, tunde mu xahùlu.

Loma 8:19

Kuma o ibhangelu ioso ia xibhidila ni ku kinga o kithangana kia kutukuluka kua anʼ a Nzambi.

I Kolindo 3:13

Kala muthu, o utungilu uê ua kà di monekena mu kizuua kia Kristu. Mukonda o tubhia tua kizuuʼ ikio, tuene tuà kedikiza o ukalakelu ua muthu ni muthu; kuma o tubhia tuene tu lola o utungilu uê, mba ua kidifua kiahi.

I Kolindo 5:5

Enu muthu u kala kiki mu bhakuidienu Satana, phala a mu buikise o mukutu uê, maji o nzumbi iê phala i bhuluke mu kizuua kia Ngana Jezú.

II Kolindo 1:13

Kuma ki tua mi sonekena ima iengi, maji iene kiá i mua tena kutanga ni kuijiia. Nga kinga-phe kuila mu zubha muene kutetuluka kia mbote,

II Kolindo 1:14

mu ima ioio kindalʼiki i muejiia ngó mbandu, phala o mu kizuua kia Ngana ietu Jezú Kristu mu zangalale mukonda dietu, uila etu mukonda dienu.

II Kolindo 1:21

Maji u tu kuatenesa ni enu ni etu mua Kristu, ua tu undu o maji, muène Nzambi;

Efezo 5:27

Ua ki bhange ue phala nʼ a tena kubheka o Ngeleja bhu pholo iê Muène-muene ni uuabhelu uengi, ki u moneka dixaka, mba kifuta, mba kima ngó kia difu; maji i kale ni kuzela, sé ngó kisému.

Filipe 1:10

phala mu tene kusola o ima ioso iauabha, nda mu kale sé kadia, sé ngó kima ki mi fudisa, katé bhu kizuua kia Kristu.

Filipe 1:6

Kuma ngedi ni kudielela kima kiki, kuila: O Nzambi, ua mi andekela o kikalakalu kiambotʼiki mu mienhu ienu, uanda ku mi zubhila-kiu katé bhu kizuua kia Jezú Kristu.

Kolose 1:22

Maji leluʼdi, ua mi luuluila mu kufua kua Monʼ ê, iú ua mi bhange mu makamba mê, phala nʼ a tene ku mi bheka bhu pholo iê mu athu azele, sé ngó dixaka, sé kuêla.

Kolose 2:7

Mu ta jindanji jenu mua muéne, anga mu sabhuka mua muène, mua di sokejeka mienhu ienu mua muène, mua kolo mu kuxikana kuenu, kala kioso kia mi longo na-ku. Hé muizala ue ni ku mu sakidila jinga muène.

I Tesalonika 3:13

Phala o muène a mi kuatese miẋima mu kuzela ku kamba kuêla, bhu pholo ia Nzambi ietu, Tatʼetu, katé bhuoso bhua kà tukulukila Ngana ietu Jezú kumoxi ni akua Ngana oso.

I Tesalonika 5:2

Mukonda enʼuenu mua kijiia kiambote, kuma o Kizuua kia Ngana, hinu kʼiza kala kiza o muiii mu usuku.

II Tesalonika 2:2

Ki mu kuate kulungujuka mu ixinganeku ienu, mba mu sasumuka se bhu kala muthu u mi ambela kuila o Kizuua kia Ngana kieza-bhu kiá. Sumba ima ienʼ iii a mi tangela-iu ku muthu uoso-uoso uene mù kola o Njimbu Iambote, mba a i tange kuala musésedi, mba a mi ambela kuila etu tua i soneka mu mukanda uosouoso.

II Tesalonika 3:3

Maji o Ngana-phe uala fiiele. Muène u mi suinisa, u mi langa, phala o Mudiangudi ió ka mi kuate.

II Timote 1:12

Mukonda dia kiki, kiene ki nga mu talela o jihadi josuʼiji. Maji ki ngala-phe ni jisonhi, kuma nga dielela, mukonda ngejiia ió uoso nga mu xikana, phata ia ngi-bhu, kuma muène ua soko-bhu o kubhaka kioso ki nga mu bhana kulûnda, katé bhu kizuuʼokio.

II Timote 1:18

Ngana a mu bhese o ku mu kuatela henda mu kizuua kiná. O ima ioso ue ia bhangele mu ku ngi kuatekesa mu Efezo, eiemuène uaʼijiia kiambote.

I Phetele 5:10

O Nzambi-phe ia kiadi kioso, ua mʼixana mua Kristu ku fuma iê ia kalelà-ku, ki mua kà zubha kathangana ka kutala hadi, muène-muene u mi tenesa, u mi kuatesa, u mi suinisa.

II Phetele 3:10

Maji kizuua kia Ngana-phe, hinu kʼiza kala kʼiza o muii. Mu kizuuʼokio o maulu ma kà jimuka ni mutendu ua dikota, ima ioso ia moneka ku mesu iala mu dimbinza, ia kà jokota ku tubhia. O oxi ni imbamba iê ioso iala-mu, ia kà jimuka.

II Phetele 3:14

Uila kiki-phe, enu akuetu, nga mi zola, kuma mua kinga o Kizuuʼ okio, kuatenu muanu phala ki mi sange muala ku paze ni Nzambi, sé ngó dixaka, sé kuêla, ku mesu mê.