I Kolindo 1:5 - O Mikanda Ikola

⁵ Kuma mu kudituma kuenu ni Kristu, mu ima ioso mua tambula umonhi mua muène,—kixi mu ioso i mu zuela,

I Kolindo 1:5 ပူးပေါင်းရင်းမြစ်များ

Jipoxolo 2:4

Ene oso anga ezala ni Nzumbi Ikôla, hé a kuata kutanga madimi mengi, kala kioso Nzumbi kia a bhana kuzuela.

Loma 11:12

O kituxi kia Jijudé kia bheka mabesá mʼ onéne mu ngongo ioso, o uadiama uâ mu nzumbi ua bheka umoni phala oso ki Jijudé. O ku hadia-phe mabesá kuvula kuê kua kà soka kiebhi, kioso kia kà tenena o konda ia Jijudé ja kà bhongoloka dingi kua Nzambi!

Loma 15:14

Eme uami-phe, phange jami, ngejiia kidi kuma enu muezala ni vondadi iambote, muezala ni kuijiia; uila kiki mua soko-bhu ku di longesa mudienu.

Loma 15:4

Kuma ima ioso iósokene mʼ ukulu mu Mikanda Ikôla, a i sonekena phala etu ku di longa, phala mu kinhenge, ni mu kutula o muẋima mu kutanga o Mikanda, tu kale ni kudielela.

I Kolindo 12:10

Sai ni iú Nzumbi Ikôla i mu bhana kutena kua kubhanga isumua; sai ni iú a mu bhana uanji ua kutala o Maka ma Nzambi. Sai ni iú a mu bhana o kutena kua kuijiia kutungula o uhete u tunda kua Nzumbi Ikôla, ni iú ki u tundu kua Muene. Sai iú a mu bhana kutena kua kuvula jimbimbi jengi ja kuzuela; sai iú a mu bhana o kutena kua kulombolola o jimbimbi jengi jenʼ iji.

I Kolindo 12:8

Kuma sai iú a mu bhana kuala Nzumbi Ikôla, hundu ia kutongolola; sai iú a mu bhana hundu ia kuijiia, maji ienda ni Nzumbi iene imoxi.

I Kolindo 13:2

Se ngi kala ni uhete ua upolofeta, katé o ijinganu ioso nga ijiia, o kuijiia kuoso nga ku zubha; se ngi kala ni kuxikana kuoso, katé ngi tena kusondolola o milundu bhu ididi iê, maji ngi kamba o henda, ki ngi kala ngi kima.

I Kolindo 13:8

O henda ki ia kà bhua. Né-mbe kukala mizambu ia jipolofeta, sai ia kà bhingana, kuma ki i nange kubhita. Némbe kukala uhete ua kuzuela jimbimbi, sai bhu ja kà suka. Né-mbe kukala kuijiia, kua kà jimuka ue nzaká!

I Kolindo 14:26

Muedi-phe kiebhi, enu jiphange? Ngandala ku mi ambela kiki: O ki mu bhongoloka mu Ngeleja, iú u kuata muimbu, iú u kuata maka ma kulonga, iú u kuata kujingununa ima ia jinganana ia Nzambi, iú u kuata kulonga mu mbimbi jengi, o iú u kuata kulombolola kioso kia jimbulula o maka a mu longa ió. Inda ima ioso mu i bhanga kala kia fuama mu kukuatekesa o Ngeleja.

I Kolindo 8:11

Kienʼ iki eie o kuijiia kué ku uala na-ku kua bhekela phange ié kutexika, muthu a mu fuila ue kuala Kristu!

II Kolindo 4:6

Mbata o Nzambi ió, uoso ua ki ambe kuila: O mukengeji u muikine muʼavundu, muène ua bhangesa mukengeji ku tu muikina ku miẋima ietu. Mbe o ku tu bhekela mukengeji ua kuijiiʼoko kua fuma ia Nzambi, ia mu benha mu pholo ia Jezú Kristu.

II Kolindo 6:10

Sai ni bhabha a tu vunzila malamba, maji etu tua sanguluka jinga. Tuedi kala tu jingadiama, maji athu avulu tuala ku a muesa jimbongo. Tuedi kala ki tu moneka kima, maji ima ioso tua i vu.

II Kolindo 8:7

Mu ima ioso enu mua londekesa kuila muala kota, o akuenuʼ oso ndenge; ni mu kuxikana, ni mu kuzuela, ni mu kuijiia, ni mu vondadi ioso i muala na-iu ia kukuatekesa akuenu, ni mu henda, i mua tu kala na-iu. O mu kikalakalu kia henda, tuandala ue kuila enu mu kala kota mu kubhanga, o akuenu oso ndenge.

II Kolindo 9:11

Muène ua kà mi bhanga kukala mu jimvuama mu ima ioso, katé ni ua kubhana kia nzungule. Anga kia kà bhekela athu avulu kusakidila Nzambi mukonda dia ujitu uenu u muala ku a tumikisa bhu maku etu.

Efezo 1:17

Eme ngalù bhinga kua Nzambi ia Ngana ietu Jezú Kristu, Tata ia fuma, kuila a mi bhane o Nzumbi iê, mukua kuijidisa ni kujingununa o ima, phala mu tene ku mu ijiia muène kala kia fuama.

Efezo 2:7

Nzambi ua bhange kiki, phala ku hádia ni hádia a kà tene kuidikiza o jinzungule josuʼ ojo ja kiadi kiê, mu mbote ia tu bhange etu mua Kristu Jezú.

Efezo 3:8

Eme muene ngala ngi ndenge ia jindene mu ʼaxaxe ka akua Ngana oso. Maji o Nzambi ua ngi bhange ujitu uosʼú ua ku ngi bhana o kutudila matumbu o Njimbu Iambote, ia jimbongo ja Kristu, jolémbue ku ji tongolola.

Efezo 6:19

Eme uami ngi diondelienu, phala Nzambi a ngi bhane o maka ni kusakalala mu kuzuela ki ngi jikula o dikanu, mu kulonga sé uôma o kijinganu kia Njimbu Iambote.

Filipe 1:9

Mu musambu uami nga bhingi-phe kiki: Kuma o henda ienu i vule dingi kinéne, mbé mu kale ni kuijiia, mu kale ni kilunji kia tongoloka,

Kolose 2:3

Kuma ima iambote ia unjimu ni kuijiia i tunda kua Nzambi, iene ioso iosueke mua Kristu. Kristu mué ne o sabhi ijikula ioso.

Kolose 3:10

enu mua zuata muthu uobhe. O kikexilu kia ubhe kiki muène o muthu uobhe ala ku mu umba kuala Nzambi ni kuijiia kuengi, phala kudifangana ni muène uoso ua mu bhanga.

Tiiaku 3:13

Nanhi mudienu uejiia, uala njimu? Kiene-phe! Edikize o unjimu ni kuijiia mu muenhu uê uambote ni imbamba ioso ia bhanga mu kubelesela kua unjimu ni kuximbakata.

II Phetele 3:18

Endenu-phe ni kukula mu kiadi dia Ngana ietu, Mubhuludi, Jezú Kristu, ni mu kuijiia kuê. O fuma i kale iê-muene, ni kiki, ni ku hádia ni hádia! Amén.