I Kolindo 1:4 - O Mikanda Ikola

⁴ Eme ngene mù sakidila jinga Nzambi, mukonda dienu, mukonda dia kiadi kia Nzambi kia mi bhana mua Kristu Jezú.

I Kolindo 1:4 ပူးပေါင်းရင်းမြစ်များ

Matesu 19:11

Muène-phe ua ambela, uixi: Athu oso ka tena kutambulula makʼama, kikale ene ngó a bhana-kiu kuala Nzambi.

Nzuá 10:30

Mbata eme ni Tata, etuʼ ene umoxi.

Nzuá 14:14

Se mua bhingi kima kioso-kioso mu dijina diami, eme ngi ki bhanga.

Nzuá 14:16

Eme nga kà bhinga Tata, muène u mi bhana Mukuatekexi ua mukuá, u xalela-ku kiá, ka kà mi xa dingi. Muène o Nzumbi Ikôla.

Nzuá 14:26

Maji o Mukuatekexi ió-phe, muène muène Nzumbi Ikôla, a-ndu mu tumikisa kuala Tata mu dijina diami, muène u mi longa ima ioso, hé u mi lembalesa ima ioso i nga mi ambela.

Nzuá 15:26

O Mukuatekexi ió-phe, ua-nda kuiza, muène Nzumbi ia Kidi, u tunda kua Tata. Eme ngi mi tumikisa-nê koko kua Tata, anga u kala mbangi iami, mukonda ua-nda kuzuela ima ioso ia ngi tokala eme.

Jipoxolo 11:23

Muene kia zubha kutula, anga u mona kiadi kia Nzambi ku athu ió, u kala ni ngalasa iavulu. Anga u a suinisa ene oso kuma a kolokote kuenda mu kidi ni Ngana, ni kutetuluka kua muẋima.

Jipoxolo 21:20

Ene kia zubha ku mu ivua, a ximana Nzambi, anga a mu ambela, exi: Ua mono, mukuetu, o Jijudé ja xikana mu ukidistá ja tena jimidi ni jimidi, maji ene oso a suinina o Kitumu kia Mozé.

Loma 1:8

Kima kia dianga, nga sakidila Nzambi iami kua Jezú Kristu mukonda dia enu oso; kuma o kuxikana kuenu kua fumana mu ngongo ioso.

Loma 6:17

Maji tu sakidilienu-phe Nzambi, mukonda sumbala mua kexile mu abhika a ituxi, o kiki mua tumaka ni muẋima uoso o phangu ia ulongelu iú u mua tambula kunu ku mua sambuka.

I Kolindo 1:3

Ku kale kiadi ku mualʼ oko, ni paze i tunda kua Nzambi, Tata ietu, ni kua Ngana Jezú Kristu.

I Timote 1:14

O Ngana ietu, iú ua lundulula o jinzungule ja kiadi kiê ku thandu diami, iú ua ngi bhana o kuxikana ni henda i tuene na-iu mu kisangela ni Kristu Jezú.