I Kolindo 1:20 - O Mikanda Ikola

²⁰ Mu kienʼ iki, o njimu iú kuebhi? Mba uatongoloka uebhi? O ṗhoxi ja kuzuela mu ngongo mumu, a suku bhebhi? Nzambi uene mù kuidikiza kuila o unjimu ua mu ngongo mumu ua di bhange uoua!

I Kolindo 1:20 ပူးပေါင်းရင်းမြစ်များ

II Samuuele 15:31

Anga bhu kala muthu u jimbuila Davidi, uixi: Ahitofele ua di te ue mu kikutu ni Abisalone. Davidi anga u zuela, uixi: Eie u Jihova, Nzambi iami nga ku diondo, kitukisa jiphangu ja Ahitofele, ji kale uoua.

II Samuuele 16:23

O phangu ia Ahitofele-phe, ia kexe mu bhana mu izuuʼoio, i kala mukuâ ni kuila ia muthu ua zambuila kua Nzambi, o Nzambi iu ua mu vutuila; kiene muenʼiki kia kexi o jiphangu joso ja Ahitofele, kutale kua Davidi uixi kiala kua Abisalone.

II Samuuele 17:14

Abisalone ni mala oso a Izalaiele, exi: Ua mono? Phangu ia Husai mukua Adiki kota, phangu ia Ahitofele ndenge. Kuma Jihova muene ua ki lekela phala kutudisa o phangu iambote ia Ahitofele, mbé Jihova a bheke divuua ku thandu dia Abisalone.

II Samuuele 17:23

Ahitofele-phe kia zubha kumona kuma o phangu iê ka i kaiela, u zuika o bûlu iê dikombola, uia ku bhata diê ku mbonge iê kua tungu, u ta imbamba iê ioso mu ididi ia tokala, anga u di nhenga; hé u fua anga a mu fûnda mu mbila ia tatʼâ.

Jobe 12:17

Akua kubhana o kaiula, uia na-u a zuluka, ididi a i xa; o afundixi uene mu a bhekesa kujuuala.

Jobe 12:20

Muene o nganji ja maka, o kizuelu u a katula-kiu mu kanu; o ió a kuka kiá, kilunji u a tambula-kiu.

Jobe 12:24

O mixima ia atumini mu ngongo, u a katula-iu, anga u a bhangesa kubungana mu kikangalakata mua kambe o njila.

Izaía 33:18

O muẋima ué ua-nda kuxinganeka mu kulembalala kioso ki kala kimbuua, uixi: O kiki-phe musoneki iú kuebhi? O mukua kutambula lubhaku iú kuebhi? mukua kualula tuthôndo iú kuebhi?

Izaía 44:25

Ngi mukua ku tungununa o iphata ia akua kuzambula o makutu, akua kusuma ngó a kituka maioua; jinjimu ngʼa vutula kuema, unjimu uâ ngi u kitula uôua-mu-uôua.

Izaía 53:1

Nanhi ua xikana o maka metu? Nanhi muene kua mu tukulukila o lukuaku lua Jihova?

Jelemiia 10:7

Eie u Muenexi uavu ifuẋi ioso, mukuahi muene u kamba ku ku kuatela o uoma? Kuma eie ngó ua fuama ku ku kuatela o uoma; mbata muʼaxaxi ka jinjimu joso ja akua jixi, ni mu mautuminu mâ, kana-mu ua di fuangana nʼeie.

Matesu 13:22

A mu kuua mu minha, muenhú uívua maka, maji o luímbi lua mu ngongo-phe ni kusênduka kua jimbongo, kubhaka o maka mu a vundu, anga u tokoka kuima ibundu.

Nzuá 12:31

O kithangana kia kufundisa o mundu iú, kieza-bhu kiá. O sobha ia mundu iú a-nda ku mu kaia.

Jipoxolo 17:18

Anga ku kala jindongixi ja akua kisoko kia Epikulu, ni kia Jistoiku, a takana-nê. Amoxi exi: Muenʼiú ua kambe o kuijiia, uala kusabhula kiebhi? Amukuâ exi: Uedi kala uala ku tu tangela mahamba a jixi jengi. Ene a kexi mu zuela kiokio mukonda Phaulu ua tumbula Jezú ni difukunukinu.

Loma 1:20

Kuma tunde Nzambi kia bhanga oxi, o ima iê-muène ia kambe kumoneka ku mesu, kutale o nguzu iê inanga, uixi o unzambi uê, ki i jimbi, mukonda ia di monekena. Kuma athu ia a jimbulukila mu imbamba ia bhanga Nzambi. Kala kiki, ene kala dingi ni maditatu.

Loma 1:22

Ene a di tange exi tu jinjimu, maji a biluka ioua.

I Kolindo 1:19

Kuma a ki soneka mu Mikanda Ikôla, exi: Jinjimu, ngi buidisa o unjimu uâ; adimuka, o kudimuka kuâ ngi ku kitula kingoho.

I Kolindo 1:26

Enu jiphange jami, kindalʼ iki xinganekenu hanji o ukalelu u mua kexile na-u kioso kia mʼ ixana Nzambi. Mu uijidilu ua mundu iú, athu kà vudile mudienu a kexile jinjimu, mba mazonda, mba anʼ a jingana mu izomba.

I Kolindo 1:27

Maji o Nzambi-phe ua soluʼê kiokio kia mu kuixana o mundu mu ngongʼ umu kuila uoua, phala kukuatesa na-kiu jisonhi ku athu oso ala jinjimu. Phala ue kukuatesa o jisonhi ku mazonda, Nzambi ua soloʼê kiokio athu mu ngongo kia mono kuila kubhuila.

I Kolindo 1:28

Nzambi ua soluʼê ima ia mu tobhesa o mundu mu ngongo mumu ni kuila exi, ia sebuluka, ki i te kima, phala a jikinise na-iu ioio ia mu kuila o mundu kuma iene ia beta o ujitu.

I Kolindo 11:32

O ki tu tambula-phe kaxtiku, Ngana ua tu beta, phala hinu ka kà tu êlese kumoxi ni mundu.

I Kolindo 2:6

Maji-phe eme nga mu tanga o unjimu uene mu ʼaxaxe ka athu a tenena kiá mu nzumbi. Maji kʼ o unjimu-phe ua mu ngongʼ umu, ki unjimu ue ua makota ene kutumina ku mundu, a xikamena kuila o kutumina kuâ kuanda kujima.

I Kolindo 2:8

Makota a mu tumina leluʼ idi ku mundu, o unjimu uenʼ iú ka uijiia. Kuma se a uijidile, hinu Ngana ia fuma ka tena ku mu jibhila ku dikulusu.

I Kolindo 3:18

Ki bhu kale muthu u di nganala. Se muthu ua di fika kukala njimu mudienu, ku unjimu ua mu ngongʼumu, a biluke kiôua phala a kale ni kuijiia kua kidi.

I Kolindo 3:19

Kuma o unjimu ua mundu iú, kua Nzambi uene o uoua. Kiene kia ki soneka mu Mikanda Ikôla, exi: Jinjimu, Nzambi u ji kuatela mu kudimuka kuâ.

I Kolindo 6:2

Inga enu ki mua kʼ ijiia kuma athu a Nzambi hadi a kà fundisa o mundu? Se muedi kuma ene a kà fundisa o mundu, kifua tumilonga tuofele tutu mu tu tokoka?

Tiiaku 4:4

Mu akua jiphànda! Kifua ki mua kʼijiia kuma o ukamba ua mundu unguma kua Nzambi? Uila kiki, uoso ua mesena kukala kamba dia mundu, ua di bhange nguma ia Nzambi.