I Kolindo 1:11 - O Mikanda Ikola

¹¹ Kuma a ngi kundu-kiu, kioso ki muala kubhita, phange jami, kuala akua bhata dia Koloue, kuma sai-ku makuzoka mudienu.

I Kolindo 1:11 ပူးပေါင်းရင်းမြစ်များ

Dimatekenu 27:42

Kia tange-phe Izaú, o monʼê ua kota, a ki kundila Bebeka; muene anga u tuma kuixana Jakobo, o monʼê ua ndenge, u mu ambela, uixi: O phangʼié Izaú uala ku ku kanena, ua mesena ku ku jibha, kiene kia di xibhilʼê.

Dimatekenu 37:2

Didi diene o dilunda dia muiji ua Jakobo. Zuze kiala hanji mu kuinhi dia muvu ni sambuadi, u kala mu kuinga ibhaku ni jiphange jê; kuma muene ua kexi hanji monʼa ndenge, u kala kumoxi ni anʼa Bila ni anʼa Nzídipa, o akaji a tatʼâ; Zuze anga uia ni ku a tanga kua tatʼâ kuila ala mu bhanga kiaiibha.

Jisabhu 13:10

Ukumbu-phe u bheka ngó jimvunda; athu-phe a tetulukʼó, a bhanga ioso ni unjimu.

Jisabhu 18:6

Mizumbu ia semenhi i mu sotela jimvunda, o dikanu diê di mu kengela kibetu.

I Kolindo 1:10

Nga mi diondo-phe, jiphange, mu dijina dia Ngana ietu Jezú Kristu, kuila mu dʼivua jinga kiambote mu kuzuela, ki mu kale mu kudiuana-uana ku ibuka-ibuka mudienu. Inda mu kala kumoxi kiambote mudienu, mu kala ni kilunji kimoxi, mu fika kiene kimoxi.

I Kolindo 1:12

Nga ki ambela mukonda kala muthu mudienu ua mu zuela ni kiê. Sai-ku ni iú, uixi: Eme ngi mukua Phaulu; o iú uixi: Eme ngi mukua Apolo; o iú uixi: Eme ngi mukua Phetele; o iú uixi: Eme ngi mukua Kristu.

I Kolindo 11:18

Kima kia dianga, a ngi tangela kuila sai ibuka ia athu mudienu a muia ni kudikuata kioso ki mu bhongoloka mu Ngeleja. Ku mbandʼuku eme nga ki xikina kuila kidi.

I Kolindo 3:3

Mbata ki mua di kala ni dixingʼ okio, enu mua mu di kuata mudienu, kifua ki ki mʼidikiza kuila hanji muala mu akua xitu, muala kuenda mu kikexilu kia athu oso?

II Kolindo 12:20

Kuma ngala ni héle, sumba ku matelu-matelu, hinu ki ngi mi sanga, ki mu kala uila ki nga mi mesena kukala, eme uami ki ngi kala uila ki mua ngi mesena kukala. Ngala ue ni hele, sumba ku matelu-matelu hinu nga kà sanga jimvunda ni madixinga, kizembu ni luimbi, makulokalala, kutangelela, ukumbu, ni jikavuanza.

Ngalásia 5:15

Maji se mu kala uila mu iama, ni ku di ta mazu, ni ku di hamena mudienu, di langienu-phe, kuma muanda kudiua enu oso, hé mu jima o mbutu, se mu kamba kukuata kilunji.

Ngalásia 5:20

Ubhezelu ua iteka, uanga, athu a di kuatela unguma, a di dia milonga, a di bhanga kusuina, a di temena, a di kuata jimvunda, akua difuba, akua luimbi. A di zemba, a di muangununa ku madianda-madianda, ni ku ibuka-ibuka.

Ngalásia 5:26

Ki tu kale ni izala, ki tu di thathamese mudietu, ki tu di kuatele dixinga.

Filipe 2:14

Ima ioso i mu bhanga i kale sé kufunda, mba kukuata kuzoka,

I Timote 6:4

muenhó ua nanuka ni ukumbu ua mu kuata, kejiia kima. Muthu u kala kiokio ua juuala ni jiphata ni jimvunda ja kuzuela. Ima kala iii i bhekela dixinga, ni kuzoka, ni kuxinga, ni kufika ima iaiibha,

Tito 3:9

Maji o jiphata-phe ja uoua lenga-ju, ni jingu ja vumu, ni jimvunda, ni mauanji ma kufundila o Kitumu kia Jijudé. Imʼiii ki iala ni kubhanduluka kua kima, kuma ima ia ngoho.