I Jisobha 2:3 - O Mikanda Ikola

³ Kumbidila o utuminu ua Jihova Nzambi ié, u ende jinge mu njila jê, u aluke o ijila iê, ni itumu, matetuluilu mê, ni maumbangi mê, kala kia i soneka mu ngonge ia Mozé, phala u kale ni kubhanduluka mu ima ioso i u bhanga, ku ididi ioso ku u di tela.

I Jisobha 2:3 ပူးပေါင်းရင်းမြစ်များ

II Samuuele 8:14

Anga u ta jipoxto mu Edomo, akua Edomo oso anga a kala mu bhikila Davidi.

II Samuuele 8:6

Davidi anga u ta jipoxto mu Sídia ia Damasku, akua Sídia anga a kala mu bhikila Davidi, enda ni ku mu bhakuila madijimu. Jihova anga u bhana uzonda kua Davidi, kuoso-kuoso kuambe kulunga ni kúlua, u kala mu tolola.

I Jisobha 3:3

Solomá anga u zola Jihova, u kala mu kuenda mu ijila ia tatʼâ Davidi; inda kima kimoxi ngó; u kala mu satela ku matala, ni kuohela-ku o fumasa ia dizumba.

II Jisobha 18:7

Kienʼiki ue o Jihova iú ua kexile jinge ni muene; o kuoso-kuoso kuʼaia, o uendelu uê ua ku di-langa kinéne; muene anga u bilukila sobha ia Asídia, u di-tuna ku mu bhikila.

I Malunda 29:19

O Solomá dia monʼ ami, mu bhane muẋima ua tenena, phala aluke o ijila iê, ni maumbangi mê, ni itumu iê; ni kubhanga ioso, ni kutunga o dizemba didi di nga mu lungila o ima ioso íii.

Jisálamu 119:111

Umbangi ué uene u nga tambula kuma undundu uami sé thembu, mukonda uene ua ngi bhana o kusanguluka mu muẋima.

Jisálamu 119:138

Umbangi ué u ua tubhula ua tetuluka muene, uezala kitongola katé bhu mbambe.

Jisálamu 119:2

A lungu ió aiuka o umbangi uê, a mu u sota muene ni muẋima uoso.

Jisálamu 19:7

Ngonge ia Jihova ia di uabhela, i bhekela muthu muenhu uobhe; umbangi ua Jihova ua kidi, u ijidisa atobho.

Ndongixi 12:13

Ku ioso i uene mu kuívua, zubhilu diê dienhidi: Xila Nzambi, u aluke o ijila iê, mukonda kiene kia fuama athu oso ku ki bhanga.

Ijila 8:35

Mu kala-phe bhu muelu ua balaka ia kutakanena usuku ni muanha, mu sambuadi dia izuua, mu kukumbidila kia mi tendelela Jihova, phala ki mu fue; kuma eme kiene kia ngi tendelesa.

Malakiia 4:4

Lembalala jinge-nu o ngonge ia Mozé selevende iami, i nga mu tendelela bhu Holebe phala akua Izalaiele oso, kuma iene o itumu ni mabatuilu.

Matendelelu 29:8

Oxi anga tu a tambula-iu, etu tua i bhana akua Lubene ni akua Ngadi ni kaxaxi ka muiji ua Manasa, mu ubhinganu.

Matendelelu 29:9

Maka ma Kikutu kiki bhakenu-u, muende ni ku ma bhanga; phala mu zediue mu ima ioso i mu bhanga.

Matendelelu 4:1

Kiki-phe Izalaiele, tata, ívua o jingonge ni maubatuilu u ngala ku mi longesa lelu. Phala mu ma kumbidile, nda mu kole muenhu, mu kutuke, muʼvue oxi ia-nda ku mi bhana kuala Jihova, Nzambi ia jitate jenu.

Matendelelu 4:45

Ene-phe o maumbangiʼama, ni jingonge, ni mabatuilu, ma tange Mozé ku anʼa Izalaiele, kia tundu ku Ijito;

Matendelelu 4:5

Mua mono-ze kuila nga mi longesa o jingonge ni mabatuilu, kala kioso kia ngi lekelela Jihova Nzambi iami; kiene-phe kiá ki mu enda jinga ni kubhanga mu ixi i mua-nda kubhingana.

Matendelelu 4:8

Muiji uadikota uala-ku uebhi, uala ni jingonge ni mabatuilu ma iuka kiki, kala o kitumu ki ngala ku mi bhana leluʼiki?

Matendelelu 5:1

Mozé anga uixana Izalaiele ioso uʼambela, uixi: Îvua eie u Izalaiele, o jingonge ni mabatuilu u ngala ku mi tendelela lelu mu mátui menu, muile ni ku di longa-u ni ku ma lunda, mbé o ku ma bhanga.

Josuué 22:5

Kima kimoxi-phe, kia mi fuama: kuatenu muanu ua kualuka kiambote o ngonge ni kitumu kia mi lekelela Mozé, ngunza ia Jihova; uixi; Zolenu Jihova Nzambi ienu, mu endele jinge mu jinjila jê muene, jingonge jê mu ji lange, mu zuame kua Muene, mu kuate jinge ku mu bhikila ni muẋima uenu uoso ni muenhu uenu uoso.

Josuué 23:6

Mua bhingi-phe mu di suinisa kinène muene, mbé o kulunda ni kubhanga ima ioso iòsoneke mu divulu didi dia ngonge ia Mozé; kana ku i abhuka, mu kuila ku kadilu, mba ku kakiasu;

I Samuuele 18:14

Davidi anga u kumbidila ni kilunji mu jinjila jê joso; Jihova anga u kala-nê.

I Samuuele 18:30

Jisobha ja akua Fidíxia anga ji kala mu tunda ku izuua-izuua phala kúlua-nâ; maji kioso-phe kia tunda, Davidi u beta kukala ni kilunji kia kulenda o kutolola jisobha ja akua Fidíxia, makuenze oso a Saúlo ndenge; dijina diê anga di fumana dingi kiavulu.

I Samuuele 18:5

Davidi anga uia ni ku tunda kuoso kua mu tumu Saúlo, u kumbidila ni kilunji u bhanga unjimu mu ima ioso. Saúlo anga u mu bhana kijingo kia kutumina makuenze a ita, anga ki uabhela mundu uoso katé ni akua mbele ia Saúlo ene ue kia a uabhela.