I Jisobha 13:9 - O Mikanda Ikola

⁹ Mukonda Ngana ua ngi tumina kiki mu kizuelu kiê, uixi: Kana kua kà dia kúdia mba ua kà nua menha; mba ua kà vutukila dingi mu njila i uendela.

I Jisobha 13:9 ပူးပေါင်းရင်းမြစ်များ

I Jisobha 13:1

Kienhokio anga mu Juda mu tunda muthu ua Nzambi, uiza mu Betele ni kizuelu kia Jihova; u sanga Jelobouamu uemana bhu mbanduʼa kalatódio, mu kuoha uasu ua dizumba.

I Jisobha 13:10

Anga u di tela kiá njila iengi, o njila iejila mu kutunda ku Betele, ki iene dingi ia vutukila.

I Jisobha 13:16

Muene-phe, uixi: Eme ki ngi tena kuvutka nʼeie, né ngó kua kà bokona monzo ié. Né ngó kuila ngi dia kúdia, mba ngi nua menha mu kididi kiki.

I Jisobha 13:19

Anga muene ualuluka, hé uiza, anga u dia mbolo mʼonzo iê anga u nua menha,

I Jisobha 13:8

Maji o muthu ua Nzambi-phe uambela sobha, uixi: Né-mbe ua ngi bele kaxaxi ka inzo iê ioso, eme ki ngejʼuia nʼeie, né kúdia dikoka mba kúnua menha bhu kididi kiki.

Jobe 23:12

Ku kijila kia mizumbu iê, tundeʼami ukulu kiluua ngi tunda-ku; o maka ma dikanu diê, ma beta ku ngi uabhela o kúdia kuami ndenge.

Jisálamu 141:4

Muẋima uami ki u zuame ku kima kiaiibha, ki ngi lalame ni imbamba ia kubhukumuka. Nguami kukaiela athu a kalakala ima iaiibha, o kúdia kuâ kua fina, eme ki ngi ku indi.

Dialuilu 16:26

Muene hé uambela o kifuẋi, kuila: Nga mi diondo, o ku jibalaka ja athu iá a bhukumuka, sondolokenu-ku, ki mu babate ku kima kiâ kioso kia a tokala, mbebhu enu ue ki mu bhituke mu ituxi iâ ioso.

Nzuá 13:17

Kindala ima iíi se mua ijiia, mu zediua se iene i mu bhanga.

Nzuá 15:14

Enu mu makamba mami se mu bhanga ima ioso i nga mi tumu.

Loma 16:17

Nga mi diondo-phe, jiphange, di langienu ni enʼió oso ala kubheka o makudimuanga ni kutondalesa akuâ mu kuxikana o ulongelu uâ uengi, ki uene u mua di longo enu. Enʼiá muenda ni ku a ebha.

I Kolindo 5:11

Maji ki tualʼ iki, eme ngambe kuila se muthu a mu ixana phange ietu u kala ndumbu, mba kinjenje, mba mubhezi a iteka, mba muxingi a jindaka, mba hôlua, mba mukua kutatela akuá ima ka i bhange, mba munhani, athu a kala kiki, kana ku di tambulula-nâ, né ngó kuxikama mu kudia-nâ ku meza.

Efezo 5:11

Kana kukala mu kisangela kia imbamba ioio ia kitombe, ki iene ni kuima, iene mù bhanga akuenu. Kota mu kala mu ku i bazela, phala ku i bheka muazele.

Dijingunuinu 18:4

Anga ngʼivua dízui dia mukuá ku diulu, dixi: Tundenu moxi dia mbanza íii, enu mu mundu uami! Tundenu-mu! Kana ku di lunga-nê mu ituxi iê, phala ki mu tambule mbandu ku mabhebhu mê!

I Samuuele 15:22

Samuuele-phe, uixi: Kifua ki uabhela kiavulu Jihova maujitu ma kuoha ni jisata, inga ki mu uabhela o kutumaka dízui dia Jihova? Mukonda, o kutumaka kota, kusatela ndenge, o kubelesela ue kota ki ku soko ni banha ia jimbudi.