Izekiiele 7:2 - O Mikanda Ikola

² Eie-phe, u monʼa muthu, zuela, uixi: O Jihova Nzambi ua tenge kiki ku ixi ia Izalaiele: O dizúbhilu dí-diza, dí-diza o dizubhilu ku thûngi jiuana jaʼxi.

Izekiiele 7:2 ပူးပေါင်းရင်းမြစ်များ

Dimatekenu 6:13

Nzambi anga u ambela Noué, uixi: Dizubhilu dieza dia xitu ioso; kia ngi tetulukila muene; kuma ixi ioso iezala usuéia mukonda dia athu; ijiia na-kiu kuma nga-nda ku a buidisa kumoxi ni ixi ioso.

II Malunda 34:7

O kia zubha kubula o jikalatódio joso ni mixitu, ni iteka ia kusonga katé kia i kitula fufutila, ni kia zubha o kubatujula o iteka ioso ia dikumbi mʼoxi ioso ia Izalaiele, u vutuka kiua mu Jeluzaleme.

Izaía 47:7

U kuata kuzuela, uixi: Eme ngi kala jinga muene na mvuale katé ku hádia ni hádia; katé-phe bhu uezʼabha ima iii ki ia ku bokona mu muẋima, kuala kuxinganeka ue bhu ia kà suka.

Jelemiia 12:4

Enu mala! mbambe bhebhi oxi i kuata ku dila kiki, o iangu ioso ku mukáu hé i kuata kuelela kiná? mukonda dia usuéia ua iá a tungu-mu ni iama ni jinjila ji kuata ku buika; mbata ene exi: Muene disukilu dietu ka-nda ku di mona.

Jelemiia 5:31

O Misesedi a tanga ima ia makutu, o jinganga a tumina ku maku mâ-ene; o mundu uami uene, kiene ue kia a uabhela; o ku kia kà suka mua-nda kubhanga kiebhi?

Jelemiia 51:13

Eie, tata! Ua tunga ku thandu dia menha ma ndumba, uezala ni jimbongo ja vulu! Zubhilu dié dia bhixila, kala o kizongelu kia unjenje ué!

Kuditenda 1:9

Dixidilu diê dia mu kala ku izuatu iê, muene ka lembalele kuila o ku dizubhilu diê ua-nda kutala hadi; kiene-phe kia mu bhela o kibhalu kia kalunga kiki; ki bhuala u mu konda malamba. Eie, Jihova, ngi tale bhu nga tatela; mbata o nguma ua di te nzabala.

Kuditenda 4:18

O ki tua zangula jinga díkanda dia kuenda, akala mu ku tu tola, o kuenda mu jiluua jetu-phe kia tu bhonzele: Tuexi-phe: Lamba dietu dia tuiza, izuua ietu ieza-bhu; xi, kuma disukilu dietu dia bhixila.

Izekiiele 11:13

Anga ki bhita kuila kioso ki nga mu zambuila mu uanji ua upolofeta, Pelatiia, monʼa Bebaia, uafu. Kienhokio hé ngi di ṗhudikila o pholo bhoxi, anga ngi di kola ni dízui dia suína, ngixi: Ahá! Jihova, Ngana, tata! o masubhu a Izalaiele mbé ua-nda ku a zubhidisa dingi?

Izekiiele 12:22

Monʼa muthu, Sabhu iahʼii, i muala na-iu enu mʼoxi ia Izalaiele, muexi: O izuua ia-nda kuvula, o isuma ioso ki ià kala-ku dingi?

Izekiiele 21:2

Eie monʼa muthu, lungulula o pholo ié mu ku bilukila Jeluzaleme, o maka mé lundulula-u mu kubilukila o ma dibhezelu, u te muzambu ua kuxoka ni ixi ia Izalaiele,

Izekiiele 21:25

Eie-phe, kilamba kia Izalaiele, u mukua phulu ku moneka Nzambi, ua bhingi hádia kumbi dié di ku sanga bhu kithangana kia phulu ia dikota.

Izekiiele 21:4

Kienhiki-phe, nga-nda kujibha mu kaxi ké o muthu ua iuka ni mukua phulu, o xibhata iami ia kà fuomoka mu kizu mu kuzoka ni xitu ioso, tundé ku Sulu katé ku Suku.

Izekiiele 21:7

Anga kia kà bhita-phe kuila, kioso ene kia kuibhula, exi: Eie-phe ua mu di tudilaʼhi mienhu? Eie-phe ua ambela, kiki: Mukonda dia njimbu, mbata ia-nda kuiza muene; o miẋima ioso ia-nda kuambuka, o maku oso a kà bokotomoka, o mienhu ioso ia kʼèzala kikote, o phuma joso ja kà kituka menha; tala, imʼiii ia-nda kuiza hé ia kà bhita muene, Jihova ua ki tange.

Izekiiele 35:5

Kuma eie o unguma ué ki uene mbambe, o anʼa Izalaiele ua ehelela ku njinda ia xibhata mu thembu ia kituxi kia dikota,

Izekiiele 40:2

mu isuma ia Nzambi, lua ngʼambata katé mu ixi ia Izalaiele, lú lua ngi tula ku mulundu ua di leka kinéne, o kuenhoko kua kexile kima kiedi kala mbanza iòtunge, ku mbandu ia Sulu.

Izekiiele 7:1

Kieneʼokio o kizuelu kia Jihova kieza kokuami, kuamba:

Izekiiele 7:3

Kindala-phe o dizubhilu dí-diza kokué, mukonda nga-ndu tumikisa o njinda iami ku thandu dié, anga ngi ku fundisa kala kia fuama o njila jé, o ku thandu dié anga ngi bheka-ku o maufusa mé moso.

Jouele 1:15

Uaué! Kizuuʼokio, tata! Kuma kizuua kia Jihova kia zukama! Kiene kia kèza mukuâ ni disengulukilu di tunda kua Muteni-a-Ioso.

Amoji 8:10

O jifesa jenu nga kà ji kitula jithambi ja kuteka ndômbe; o mimbu ienu ioso ia kà kituka jingololo. Bhua kàla ku di kuta jisaku bhu inhonga ioso, o mu mítue ioso mua kàla mabhaia kala mua bhiti phoko ia bhutu. Nga kà bhangesa kuila ima iii lamba diê dila kala thambi ia mona umoxièlele a mu vuala ngûmba; zubhilu diê mukua ni kizuua kia kubhondalala.

Amoji 8:2

Uixi-phe: Eie, Amoji, ihi i ua-lu mona? Eme ngixi: Kinda kia ibundu iabhi ia kixibhu. Bheneʼobho Jihova ua ngʼambela, uixi: Dizubhilu-phe dia Kifuẋi kiami kia Izalaiele, dia bhiẋila! Tundé kiá lelu ni ku pholo dia kuia, ki nga-nda ku a kuatela dingi henda mu kithangana kia dikota.

Matesu 24:6

Muà kèvua ita, ni jingolokela ja ita; talenu, miẋima ki i mi titile. Mbata ima iíi ia bhingi i dianga kubhita, maji ki diene luua o dizubhilu.

Matendelelu 32:20

Uixi-phe; Ngʼa suekela pholo, ngi mone hanji o zubhilu diâ; mbata a di bhange muiji ua lusébu, ana kamoneka ufiiele moxi diâ.

I Phetele 4:7

Disukilu-phe dia ima ioso dia zukama. Kuatenu-phe kilunji, mu kale ku mesu azele, mu kale mù samba.

Dijingunuinu 20:8

Hé u tunda mu kubhomba akua jixi, a di muangena mu ngongo ioso, ene a Ngongo ni Mangongo. Enhá Satana ua-nda ku a bhongolola phala kuiza ku ita, o kuvula kuâ mukuâ ni kisèkele bhu ndúndu ia kalunga.

Dijingunuinu 7:1

Kia bhiti kiki, nga mono anju jiuana jemana ku hota jiuana ja ʼxi, ja kuata o itembu iuana ia ʼxi, phala kana kitembu ki bhuke mʼoxi, mba ku musanza ua kalunga, mba ku muxi uoso-uoso.