Izekiiele 2:3 - O Mikanda Ikola

³ Muene ua ngʼambela, uixi: Eie monʼa muthu, eme nga mu ku tuma ku anʼa Izalaiele, ku miji ia ẋinuka, a ngi ẋinukina eme; ni ene ni jitata jâ a ngi tondalela, katé ni mu lelu muenhumu.

Izekiiele 2:3 ပူးပေါင်းရင်းမြစ်များ

II Jisobha 17:14

Maji ene-phe nguaʼiê kubhana mátui; inda a ngangamanesa o jixingu jâ kala kia ngangamana jinga o jixingu ja jitata jâ, a kambele o kuxikana kua Jihova, Nzambi iâ.

II Jisobha 17:15

Iá a tènde o jingonge ni kikutu kia Jihova, kia tele ni jitata jâ, kiene ue kimoxi ni maumbangi mê ma a bazela jinga na-u kuala Muene; iá a kaiela ngó ukumbu, a kituka kingoho; a kaiela ue miji ia matumbu ia kexile mu jimbandu jâ, ioio ia ambelele Jihova, kuila: Kana ku a fikisa ni kubhanga ima kala ene.

Ejidala 9:7

Tundé mu izuua ia jitata jetu ndú mu lelu, tuala mu kuela kua dikota; mukonda dia ikuma ietu, a tu bhakula, nʼetu, ni jisobha jetu, ni jinganga jetu bhu maku ma jisobha ja akua jixi jengi, etu tua kituka tu mbole ia xibhata, ni ubhika, ni ku tu bhûnda, ni pholo ia tu tandanganha, kala ki kia di monekena lelu!

Nehemiia 9:26

Kua eza-phe kubhukumuka anga a ku balukila eie, a texi o kitumu kié ku dima diâ, anga a jibha o jipolofeta jé, a kexi mu fuila o ku a bazela, sembele ene a diele nʼa vutuke kokué. Kienhiki anga a kala mu bhanga isunji ia makota.

Jisálamu 106:28

Anga aia dingi mu ku di ta kua Bahale-Piiole; hé a dia o jisata ja satela o iteka iafu.

Izaía 30:1

Jihova uambe, uixi: Kokolo dia ana oso a bhukumuka, a mu tambula phangu kuengi, o kokuami kana; ia a di futu ni divunga diengi, ki diene dia tundu kua Nzumbi iami; mbé o ku bandekeza kituxi ku thanduʼa kituxi.

Jelemiia 1:7

maji Jihova ua ngambela, uixi: Kana kuila: eme ngi monʼa-ndenge: mbata kuoso eme ku ngi ku tuma, uia; o ioso i ngi ku tuma, ua kà i zuela.

Jelemiia 3:25

Tua xalela mu jisonhi jetu; a tu vungina kuala o kavuanza ketu, mbata Jihova Nzambi ietu tua mu te kituxi, nʼetu ni adietu, tundé mu undenge uetu katé mu kizuua kia lelu; etu tua fulu ku bhana matui ku dízui dia Jihova Nzambi ietu.

Jelemiia 36:2

Katula dilanda dia divulu nda u soneke muenhomo o maka oso u ngène ku ku zuelela, a tokala Izalaiele, ni a Juda, ni a jixi joso tunde mu kizuua ki nga kuzuelela eie, tundé mu izuua ia Joziia ndú mu lelu.

Jelemiia 44:20

Bheneʼobho-phe, Jelemiia uambela kifuẋi kioso, o mala ni ahatu, ni mundu uoso a mu vutuilile kiki, uixi:

Jelemiia 44:21

Manhi enu mua fika kuila Jihova ua kambe ku kʼijiia, mba ku muẋima uê ki ki mu bhiti-ku, o uasu ua dizumba u muʼohela mu jimbonge ja Juda, ni mu jinzunga ja Jeluzaleme, enu ni jitata jenu, ni jisobha jenu, ni ilamba ienu, kumoxi ni mundu uoso uala mu ixi?

Jelemiia 7:2

Imana bhu muelu uaʼnzu ia Jihova, u boke o hundu iii, uila kiki: ivenu hundu ia Jihova, enʼuoso mu akua Juda, oso mua mu bokuena bhu mielu iii, mu kubheza Jihova.

Izekiiele 17:12

Uila kiki, o dibhatʼodio dia jimbaluke tangela-diu, uixi: O ima iii ki mua ijiia kioso ki ia lombolola? Zuela uixi: Tala-ze, o sobha ia Babilonha ueza mu Jeluzaleme, iu uambata-mu o sobha iê ni ilamba iê, iu uaii-nâ ku Babilonha:

Izekiiele 24:3

O dibhata didi dia kuẋinuka, tela-diu kifika, u di ambele, kuma: O Jihova Nzambi uambe, kiki: Ta ímbia bhu jiku, o ki u i ta, u ta-mu menha.

Izekiiele 40:4

O muthu muenhú hé u ngʼambela, uixi: Eie monʼa diiala, tala ni mesu mé, uívue ni mátui mé, o ioso i ngi ku muesa ta-iu muene ku muẋima ué; mukonda kiene kia ku bhekela bhabha, mbé o ku ku londekeza; o ioso-phe i u mona, tangela-iu o muiji ua Izalaiele.

Amoji 7:15

Maji-phe Jihova ua ngi katula mu kuinga ibhaku, iú ua ngi tangela, uixi: Ndé ua kà zambuile kifuẋi kiami kia Izalaiele mu upolofeta.

Malakiia 3:7

Tunde mu izuua ia jitata jenu, jingonge jami mua ji te dikunda, ki mua ji aiuka; ngi vutukidienu eme, phala eme ue ngi mi vutukile enu, eme ngi Jihova dia Ifuẋi; enu-phe muixi: Mu ima iahi mu tu vutukila kua Jihova?

Dialuilu 20:10

Anga Mozé ni Alá a bhongoluela o mundu bhu ndanji, hé a a tangela, exi: Enu mua bhukumuka, kindala ivuenu: manhi o mu ndanjiʼumu ta tundisa-mu o menha phalʼenu?

Jipoxolo 7:51

Mu kuzumbuka Xitevá, uixi: Enu mua thathamena-hi kiosuʼiki, tata! Mua kolela-hi kinéne o muẋima, matui a mi xiluka, mua lémbua kuivua o maka ma Nzambi! Enu izuua ioso mua di bhange kala o jitata jenu, nuka mu kamba kuẋinukina o Nzumbi Ikôla!

Loma 10:15

O Njimbu a ivua kiebhi kua kambe o akunji a i tula? A i tula-phe kiebhi, a kambe o ku a tuma? Kala kia ki soneka mu Mikanda Ikôla, exi: O uijilu uâ kuuabha kuahi, ió eza mù bhana jingolokela ja Njimbu Iambote!

Matendelelu 9:24

Xi! Kífua tunde kiá bhu kizuua ki nga mʼijiia, katé ni lelu, enu Jihova Nzambi mua mu bhukumukina muene kienhiki.

Matendelelu 9:27

Xinganeka u lembalale Mbalahamu, ni Izake ni Jakobo o jiselevende jé; o povo i kola muxima kiki ku i landukile, o phekalu iâ kana ku i ta muxima, kana kusuua o mulonga ua kituxi kia ku te.