Izekiiele 2:2 - O Mikanda Ikola

² Bhenhobho kioso muene kia mu zuela ni eme, nzumbi ia Ngana ia bokona momuʼami ii ia ngʼimanesa, eme ngevu ió ua kexi ku ngi zuelesa.

Izekiiele 2:2 ပူးပေါင်းရင်းမြစ်များ

Nehemiia 9:30

Eie-phe ua a vungina ni kilendu kié mu mivu iavulu, anga u kuata ku a bazela ni Nzumbi ié, mu ukunji ua jipolofeta jé; maji ene-phe nguaʼuâ ku ku bhana mátui; kia ku bhangesa ku a bhana bhu lukuaku lua ifuẋi ia akua jixi.

Izekiiele 11:5

O Nzumbi phe ia Jihova anga i tula kokuʼami, i ngʼambela, iexi: Zuela; Jihova uambe kiki, uixi: Kienhiki ki mua zuela enu mu muiji ua Izalaiele; mukonda o ima ia muia ni kuthuthuka ku muenhu uenu, eme nga ijiia.

Izekiiele 24:3

O dibhata didi dia kuẋinuka, tela-diu kifika, u di ambele, kuma: O Jihova Nzambi uambe, kiki: Ta ímbia bhu jiku, o ki u i ta, u ta-mu menha.

Izekiiele 3:12

Anga o Nzumbi ia Nzambi u ngi balumuna, hé ngivua, ku dima diami, dízui dia mutendu ua dikota, dia tokomoka tundé bhu kididi kiê, diexi: O unéne ua Jihova u tane-ku!

Izekiiele 3:14

Bhenhobho, Nzumbi ia Nzambi ia ngi zangumuna, ii ia ngʼambata; eme anga ngiia ni dilamba dia vulu mu kikenene kia! muenhu uami; maji o lukuaku lua Jihova lua kexile ni nguzu iavulu ku thandu diami.

Izekiiele 3:24

Bhenhobho, Nzumbi ia Nzambi ia bokona momuʼami, ii ia ngʼimika, iú ua zuela ni eme uixi: Ndé, u di jikile mʼonzo ié.

Izekiiele 36:27

Anga mʼoxi dienu nga kà tula-mu o nzumbi iami, ni ngi mi bhangese kuenda mu jingonge jami, ni kubhaka o mabatuilu mami, ni muende ni ku a bhanga.

Daniiele 8:18

O muene kia kexe ku ngi zuelesa kiki, nga dibhale ni pholo bhoxi, eme ngʼambuka. Maji o muene-phe ua ngi babata, iú ua ngi imika nzànza bhene bhua ngi sangeʼabha.

Dijingunuinu 11:11

Maji kia bhiti-phe izuua itatu ni kaxaxe, o muha ua muenhu u tunda kua Nzambi hé u a bokona dingi mu thulu jâ, anga a fundumuka, emana nzànza. Ene oso a a mono, anga a bhuuama ni uôma uavulu!

Afundixi 13:25

Nzumbi ia Jihova anga i mateka ku mu vunza moxi ku izuua ni izuua, bhu Kibangu kia Dani, bhuʼaxaxi ka Zola ni Xitaole.

I Samuuele 16:13

Samuuele bhenhobho u sunga lumbinga lua maji, u mu unda muʼaxaxi ka jiphange jê. Nzumbi ia Jihova anga u tula ni nguzu ku thandu dia Davidi tunde kizuua kienʼokio. Kienhiki Samuuele u balumuka, hé u vutuka ku Lama.