Izekiiele 1:3 - O Mikanda Ikola

³ O kizuelu kia Jihova anga kiza muene kua Izekiiele, monʼa Buzi, o nganga, mʼoxi ia akua Kaldeia, bhu kibumu kia ngiji ia Kebale, bhenhobho bhene muene bhua mu tudila o lukuaku lua Jihova ku thandu diê.

Izekiiele 1:3 ပူးပေါင်းရင်းမြစ်များ

I Jisobha 18:46

Lukuaku-phe lua Ngana anga lu kala ni Elija, kuma o kia di kutu bhu kinhonga, u lenga ni lusolo anga u somboka Akabe, hé u dianga kubhiẋila mu Jezeleiele.

II Jisobha 3:15

Uila kiki, ngi bhekedienu Kixikilu. Anga ki bhita-phe kuila, o muene kioso kia xiki ku kixikilu, lukuaku lua Jihova lueza muene ku thandu diê.

Jisálamu 137:1

Bhu mbanduʼa jihonga, ja jingiji mu Babilónha, bhene bhu tua xikama jinga, anga tu kuata kudila, kioso ki tu xinganeka Ziione.

Jelemiia 1:2

Kua muene kuene kuejile kizuelu kia Jihova, mu izuua ia Joziia, monʼa Amoni, sobha ia Juda mu muvu ua kakuinhi niʼtatu ua utuminu uê.

Jelemiia 1:4

Kienhiki, kizuelu kia Jihova kia ngi sange, kixi:

Jelemiia 29:15

Mbata enu mua mu kuila, muexi: Jihova ua tu balumuina jipolofeta ku Babilonha.

Izekiiele 1:1

Ku muvu ua makuinhi a tatu, mu kizuua kia katanu ku mbeji ia kauana, anga ki bhita kuila, kioso ki ngala mu kaxi ka jihutile, bhu ndundu ia ngiji ia Kebale, maúlu a jikuka eme hé ngi mona isunji ia Nzambi.

Izekiiele 10:15

O jixelubini anga a zangumuka bhulu; iii iene o iama i nga muene bhu mbanduʼa ngiji ia Kebale.

Izekiiele 12:13

O uanda uami ue nga kà u tandeleka ku thandu diê hé a mu kuata mu dibhebhe diami; anga nga kà mu bheka ku Babilonha, o ixi ia akua Kaldeia, maji ka kà i mona mesu, sumbala ua kà fuila momo.

Izekiiele 3:14

Bhenhobho, Nzumbi ia Nzambi ia ngi zangumuna, ii ia ngʼambata; eme anga ngiia ni dilamba dia vulu mu kikenene kia! muenhu uami; maji o lukuaku lua Jihova lua kexile ni nguzu iavulu ku thandu diami.

Izekiiele 3:15

Anga ngiza ku iá a a kutu, bhu Tele-Abibe bhua tungile ene ku mbandu ia ngiji ia Kebale, eme ue ha ngi tunga bhuoso bhua tungile ene; anga ngi kala bhenhobho sambuadi dia kizuua, nga bhuuama mu kaxi kâ-ene.

Izekiiele 3:22

O lukuaku lua Ngana, bhenhobho, lua kexile ku thandu diami, iú ua ngʼambela, uixi: Balumuka uie mu í honga, o muenhomo muene mu nga kà zuela ni eie.

Izekiiele 3:23

Anga ngi balumuka, hé ngi tunda nga-lu-ia mu dikôlo, mu ku bhixila-mu, tala, o unéne ua Ngana iú momo uila ki nga u muene bhu mbanduʼa ngiji ia Kebale; anga ngi di-bhala ni pholo iami bhoxi.

Izekiiele 33:22

Kienhókio o lukuaku lua Jihova lua kexile nʼeme ku kiemba, kioso hanji ió ua subhuka kʼeza luua; lua ngi jikula o dikanu katé ió kia ngʼendela mu kimenemene; o dikanu diami dia jikuka, eme ue ki ngi di xibha dingi.

Izekiiele 37:1

O lukuaku lua Jihova lueza ku thandu diami, o Jihova hé u ngʼambata mu nzumbi, hé u ngi tula mu kaxi ka dikôlo diezala ni ifuba.

Izekiiele 40:1

Mu muvu ua makuinhi aiadi ni kitanu a uhutuile uetu, ku muandeku ua muvu, mu kizuua kia kakuinhi ku mbeji, kuila bhua bhiti kiá kuinhi dia muvu ni kiuana, hanji kia kuama o mbonge, mu kienhókio muene o lukuaku lua Jihova ki lueza kokuami, lú lua ngʼambata ʼte kuenhoko,

Izekiiele 43:3

O kidifua kia kisunji ki nga mono, kiedi kala o kisunji ki nga muene kioso ki ngʼeza mu kusengulula o mbonge; anga o isukila iê i di fuangana kala i nga muene bhu mbanduʼa ngiji ia Kebale; hé ngi di ṗhudikila o pholo bhoxi.

Izekiiele 8:1

Anga ki bhita kuila, mu muvu ua kasamanu, bhu mbeji ia kasamanu, mu kizuua kia katanu ku mbeji, kioso eme ki nga xikama mʼonzo iami, o adiakime a Juda a xikama ue bhu pholo iami, kiene kia ngi tulukila o lukuaku lua Ngana Nzambi bheneʼobho ku thandu diami.

Daniiele 10:4

O mu kizuua kia makuinhi aiadi ni kiuana ku mbeji iadianga, eme nga kexe kiki ku kibumu kia ngiji ionéne ia Hidekele (muene Tigre);

Hozeia 1:1

Maka ma Jihova, u ma tudila Hozeia, monʼa Bedi, mu izuua ia Uziia, ni Jotamu, Akaji, ni Ezekiia, jisobha ja Juda, ni mu izuua ia Jelobouamu, monʼa Jouaze, sobha ia Izalaiele.

Jouele 1:1

Kizuelu kia Jihova kiótumikise kua Jouele monʼa Petuuele.

I Timote 4:1

O Nzumbi ia Nzambi ua ki ambe ni kujimbuluka kuoso kuma, mu jithembu ja sukidila, sai athu a kà jimbila o kuxikana. A kà kaiela jinzumbi ji sendula, ni maulongelu ma madimonho.

II Phetele 1:21

Mbata nuka kukala muzambu ua polofeta uijiia ku vondadi ia muthu. Maji athu a zuela jinga mu kutula o Njimbu i tunda kua Nzambi kala kioso kia a tuma jinga kuzuela kuala o Nzumbi Ikôla.