Izaía 9:5 - O Mikanda Ikola

⁵ Mukonda o ibhakatu iene ioso ia ió a kexi mu kúlua ni kilungutu, ni izuatu ia dimbujukile mu manhinga, a kà ioha, ia kà kituka luandu lua túbhia.

Izaía 9:5 ပူးပေါင်းရင်းမြစ်များ

Dimatekenu 32:30

Jakobo anga u ixana kididi kienhókio, uixi: Peniiele: kuma uambe uixi: Nga mono Nzambi pholo ni pholo, maji muenhu uami iú-ué.

Jisálamu 46:9

Ita ua i suikika katé ku maẋokolo aʼxi; uta ua mufula ua u bukula, dionga ua di batula mu kaẋi; o makalu a ita ua oha mu túbhia.

Jisálamu 72:3

Ku milundu ku tunde kutululuka phala o mundu, ni ku mikáu ku kale o kutunga ni kusoma, mukonda dia ufundixilu ua kidi u tunda ku tumilundu tuofele.

Makatukilu 23:21

Di tumienu-nê kiambote, mu ivue dízui diê; kana ku mu xibhaka, kuma kà ẋikina ku mi loloka o kubhukumuka kuenu; mukonda o dijina diami diala mua muene.

Izaía 13:4

Milôlo ia kifuxi ia dʼivisa kiá ku milundu, kala kibulukutu kia mundu uavulu; diene o dízui dia minumango ia jimbanza ni ifuẋi ia di-phopho kiá. Jihova dia Ilômbo Ieta iú bhita ni kukindana o ilômbo ia ita.

Izaía 2:4

Muene ua kà tetuluila akua-jixi, ua kà bazela miji ia nzungule; enhá, kuila a xikina kia a bazelʼiki, jixibhata jâ a kà ji kitula matemu, jisosa jâ a kà ji kitula jimvo; ki bhua kà kala dingi ku-di-zengela jixibhata kifuxi ni kifuxi, né ku di-longa dingi kúlua ita.

Izaía 30:33

Kuma Tofete a i iudika kiá, tunde mazá; xi, a i iudikila sobha; a i zongolola, a i kudisa; o sáma iê túbhia mu túbhia, o jihunhi jivula jala-mu; o muha ua Jihova ua kà uama kala muxónge ua xofidi.

Izaía 37:36

Bhenhobho anju ia Jihova ua tundu, iu ua nemeka mu kilômbo kia Asídia, hama ni makuinhi-nake a jimidi ni midi jitanu ja makuenze; o kuila muene a balumuka mu kimenemene, talesa, iimbi mu iimbi kiá!

Izaía 4:4

kioso o Jihova kia kà sukula ufusa uoso ua ana-ilumba mu Ziione, anga uzelesa Jeluzaleme ku kikuma kia manhinga muʼaxaxi kê ni nzumbi ia kuiuka ni nzumbi ia huii.

Izaía 9:4

Mbata o jungu ia a xinine, eie ua i bukujula, ni mbangala ia kexi mu ku a batujula na-iu o dikunda, katé ni mbasá ia mubhikixi uâ, kala mu izuua ia akua Midiiane kia a tolola.

Izaía 9:6

Kuma a tu vualela mona, a tu bhana mona ua diiala; o kutumina a mu tuika-ku bhu isuxi iê, o dijina diê a kà mu luka: Kidiuanau, Ndongixi, Nzambi ia Nguzu, Tata Inangenena, Kilamba kia Paze.

Jelemiia 23:5

Jihova uixi: Talesenu, kua-nda kuiza izuua, Davidi nga kà mu balumuina Mbutu ia Iuka; kuma muene sobha, ua kà tumina hé u bhanduluka kiavulu, anga u bhanga ima ia tokala ubatuilu ua kidi ni uiukilu mu ngongo

Jelemiia 47:3

O mu kuívua o mixindu ia ikoto ia jikabalu jâ ja nguzu, ni jibuia ja makalu mâ, ni kunumina kua malola mâ; jitata a lembua kubhanga kioso kʼiandalele tuana tuâ mukonda dia (kubulukuta) kua maku mâ.

Jouele 2:5

Kinuminu kiê mukuâ ni makalu a muia ni kutuka-tuka ni lusolo bhu thala ia milundu; kia kà di fuangana mukuâ ni kinuminu kia milengu ia túbhia tua mu jikinisa ibhiate, kala kifuẋi kia nguzu, a ki tumina ku bokona mu ita.

Ijila 3:11

O Nganga anga u i ohela ku kalatódio; kuene o kúdia kua ujitu ua kubhakula ni túbhia kua Jihova.

Ijila 3:16

o nganga anga u i ohela ku kalatódio; kifua kuene kúdia kua ujitu ua kubhakula ni túbhia, kua dizumba diambote; o banha ioso iangene ia Jihova.

Mikeia 5:1

Kindala bhongolola o masoladi mé ku ibuka-ibuka, eie monʼa kilumba, a ku vuala kuala ilolo ia ita! Kuma a-nda ku tu kondela bhu kaxi; o mufundixi ua Izalaiele a-nda ku mu kuama ni mbangala ku jinganzuánzua.

Nahumu 3:2

Kibulukutu kia kibetu kiala-mu, ni kutitila kua mixindu ia malola; o jikabalu jala kuia ni kutitila, o makalu aia ni kutuka-tuka.

Zakadiia 6:13

Muene-muène ua kà tunga o Tembulu ia Jihova, a kà muizalesa ni fuma ni unène; anga ua kà xikama bhu kiandu kiê, nʼa kala mu ku tumina anga ua kà kala nganga bhu kiandu kiê; o ima i iadi iii anga ia kà divisa muene kiambote ni kutululuka kuoso.

Matesu 3:11

Eme ni kidi, nga mi batizala ni menha mu kudiela; uoso-phe ua ngi kaiela ku dima ua ngi tundu, eme ki nga tokala ngó ku mu ambatela o jihaii jê. Muène ua kà mi batizala ni Nzumbi Ikôla ni túbhia.

Jipoxolo 2:19

Nga kʼ èdikiza isumua mu diulu, ku thandu, ni idiuanu mu ngongo, bhoxi! Kua kà kala manhinga, túbhia, ni ifuke ia dixi.

Jipoxolo 2:3

Kua a tukulukila ni madimi ma di uanununa kala túbhia tuala kulekujuka, kala muthu kua mu tula o diê ku thandu, ene oso a sokelá-ku.

II Tesalonika 1:8

Muène uà kèjiia mu tubhia tu bhana milengu, mu ku a bhesa kaxtiku, oso kejiia Nzambi, ni ió nguauâ kutumaka o Njimbu Iambote ia Ngana ietu Jezú Kristu.

Afundixi 13:18

Kuala anju ia Jihova, u ngʼibhuila-hi dijina diami, oko dijina di kôla?

I Samuuele 14:19

Anga ki bhita kuila, kioso kiala kuzuela Saúlo ni nganga, kibulukutu bhu kibangu kia akua Fidíxia, kiala kuia ni ku di bandekeza. Saúlo anga u ambela nganga, uixi: Eie tunda-ku! Mukonda ki mua bhingi ngoho kuiza ni álaka.