Izaía 9:4 - O Mikanda Ikola

⁴ Mbata o jungu ia a xinine, eie ua i bukujula, ni mbangala ia kexi mu ku a batujula na-iu o dikunda, katé ni mbasá ia mubhikixi uâ, kala mu izuua ia akua Midiiane kia a tolola.

Izaía 9:4 ပူးပေါင်းရင်းမြစ်များ

Dimatekenu 27:40

Mu kukala, u laiela ku xibhata ié, o phangʼié u mu bhikila; Hadia-phe ki u sutunuka, ophi iê u di zula-iu mu xingu.

Jisálamu 125:3

Mukonda o mbasá iâ ia usuéia ki i tula ku kibatu kiangene kia athuʼê aiuka; kuiengesa kuila ni ió uaiuka imoxi u zenga o lukuaku mu bhanga kima kiaiibha.

Jisálamu 81:6

Kisuxi kiê nga ki katula ku kimbamba, o makuʼê nga ma tudisa kuambata o kinda.

Izaía 10:16

Kala kiki, O Ngana, Jihova dia Ilômbo Ieta, ua kà bheka dibhèlu kua oso a nete muʼaxaxi kâ, o bhoxi dia kizunda kiâ ua kà uikabhu túbhia kala kitumba kia uama.

Izaía 10:5

Asídia, lamba diê! Ua di bhanga mbasá ia njinda iami: Kuma o njinda iami mukua ni mbangala bhu maku mê.

Izaía 14:25

Asídia nga kà mu huhila moxi iami muene, nga kà mu titidila ku milundu iami, phala o kànga iê ia tula mundu uami ngʼa sondolola-iu, o kimbamba kiê ki tunde bhu isuxi iâ.

Izaía 16:4

Oso atungani ami, a a balakala, enzela-u a tunge muʼaxaxi kaʼxi ié; akua Mouabhe kioso ki a oseka kuala abhundi, eie-phe kala kiá u dilengelu diâ; mbata kiluami ua-nda ku kala ni sukilu diê; o dibuikilu di sasuka hé di bhua, abhondeleki a jima mbutu kulu dia mundu.

Izaía 47:6

Nga thathamana kiavulu ni mundu uami, undundu uami nga u kasanesa, eme nga ku bhakuila-nâ bhu lukuaku lué; eie-phe ngué ku a kuatela jihenda, katé ni ikulakaji, akuka, ua a tuika kimbamba kia neme.

Izaía 49:26

O ió a ku bhondeleka ngʼa dikila niʼxitu jâ-ene, a kà kodiua ni manhinga mâ kala maluvu; anga xitu ioso ia kejiia kuma eme ngi Jihova, ngi Mubhuludi ué, Ngi Mukudi ué, ngi Dizonda dia Jakobo.

Izaía 51:13

Anga u jimba Jihova ua ku bhanga, uoleka o maúlu iu ua xikika oxi, anga kumbi dioso dia kambàmba uizalʼé ngó kimbuua kia mubuikixi, kia di iudika phala kubuikisa? o kiki-phe, o njinda ia ió uoso ua ku tatesele, ii kuebhi?

Izaía 52:2

Dikukumune o fufuta, balumuka u xikame, Jeluzaleme, tata; mona-kilumba mu Ziione uene bhu lubhambu di-jitune o mukolo mu xingu.

Izaía 54:14

Nga kà ku xikika ku thanduʼa uiukilu; o kubhondalala kua kà ku kala dikanga, kuma eie kuà kala dingi ni kekenha ia kima; kimbuua ki ku bhue, kana-ku dingi kizuelu kia kà ku bhixila.

Izaía 9:5

Mukonda o ibhakatu iene ioso ia ió a kexi mu kúlua ni kilungutu, ni izuatu ia dimbujukile mu manhinga, a kà ioha, ia kà kituka luandu lua túbhia.

Jelemiia 30:8

Kuma, Jihova dia Ifuẋi, uixi: Mu kizuua kienhokio, kiene ki nga-nda kua ká bukula o jungu ia ku kala ku thanduʼa xingu ié, ophi ié nga-nda kua kà i bukula; ki mungu dingi akuaʼxi iengi a kà bhanga abhika o kifuxi kiki,

Jelemiia 48:17

Mu kuatedienu henda, enuʼenu oso mua mu kala mu jimbandu jê, enuʼenu oso mua muʼijiia o dijina; zuelenu-kiu, muexi: o mbangala ia kolo, dikoue dia iuka kinéne, dia bukuka kiebhi?

Ijila 26:13

Eme-muene-ze ngi Jihova Nzambi ienu, nga mi katula kʼoxi ia akua-Ijitu, phala ki mu kale mu abhika a-ene; o ʼphapha ja ophi ia kexile bhu xingu ienu nga ji bukujula, eme nga mi bhetula phala mu ende kiambote o nzánza.

Nahumu 1:13

Maji kindala ngi bukula ophi ia kute ku thandu dié, malubhambu mê nga kà a batujula.