Izaía 9:3 - O Mikanda Ikola

³ Eie ua sokolola o mundu iú, ua a bandekeza ue o kusanguluka; ene oso a-nda kusanguluka bhu pholo ié, kala ki sanguluka athu bhu thembu ia kumuna, mukuâ ni kiene kutana athu mu kuuana o madibhundila.

Izaía 9:3 ပူးပေါင်းရင်းမြစ်များ

Nehemiia 9:23

Anga u sokolola anʼâ mukuâ ni jithéthembua ja diulu, anga u a bhiẋidisa mu ixi i ua tangelele o jitata jâ ku i bokona, nda a i tambula ni a ivue.

Jobe 12:23

O ifuẋi ia athu u i sokolola, anga u i bhangesa kujikinina; muene u i muanganesa anga u i ongeka dingi.

Jisálamu 107:38

Ku dibesá diê, a di sokolola muene kiavulu; o ibhaku iâ, ki i tebhunuka, lémbue!

Jisálamu 119:162

Nga sanguluka mu kuívua o maka mé, kala muthu ua bongo mbole ia dikota.

Jisálamu 4:7

Ngalasa i ua ngi te ku muẋima uami kota, ia athu ndenge mu thembu ia kuvula o masa ni vinhu.

Izaía 10:26

Kuma Jihova dia Ilômbo Ieta ua kà mu fundumuina mabhebhu a soka ni kijibha kia bhitile mu Midiiane, bhua zukama ni ndanji ia Olebe; mukuâ ni mbangala ié ku thandu dia Kalunga Kakusuka; kiene kia kà bhanga Asídia kala kia bhangele akua-Ijitu.

Izaía 12:1

Mu kizuua kiná, eie ua kà kumbulula, kuamba: Jihova, nga ku sakidila, tata, mukonda, sumbala ua ngi kuatelele njinda, leluʼidi njinda ié iabhu, uala kiá ku ngi konda malamba.

Izaía 14:5

Mbangala ia akua-phulu Muadi Jihova lelu ua i bukula, o mbasá ia atumini-a-jixi ue kiómuene.

Izaía 25:9

Mu kizuua kiókio, a kèla: Muenhú muene Ngana, tua mu kingile; ni kutana ni kusanguluka tua kà ku muena mu ubhulukilu uê.

Izaía 26:15

Eie Jihova, mundu iú ua a sokolola, ua u vudisa muene: Nʼeie ua jingi dingi kiengi; maji o ki uiza-ku-phe, ua a tande dikanga, katé ua a uanena ku maẋiokololo moso maʼxi.

Izaía 35:10

O jihule ja Jihova a kà vutuka, hé a kèza mu Ziione ni kuimba mimbu ia kutana; o kusanguluka, ki kuene kúbhua kua kà kala ku mítue iâ, a kʼèzala ni kutana ni kusanguluka, o dilamba ni mikemu ia kà a lenga kiá!

Izaía 35:2

Dia kà tulula muene kiavulu, di sanguluka ni kutana kuonéne, dia kà tumbujuka ni ngalasa; a mu bhe kijingo kia Libano, ni makembu ma Kalamelu ni Salone; ene a kà mona o fuma ia Jihova, kioso kiene o unéne ni kujinga kua Nzambi ietu.

Izaía 54:1

Tana-ku eie u mbaku ua kambe kuvuala; imba, u dikole, u te nzôngo, eie kiluua uívua mika; kuma anʼa kisula kota mu kuvula, uala ni munumiʼê ndenge, kiene kia zuela Jihova.

Izaía 55:12

Mbata enu mua kà katuka ni kusanguluka, anga a kà mi endesa ni uembu; o milundu iònene ni iòfele ia kà dikola ni kutana bhu pholo ienu, o miẋi ioso ku mukáu ia kà bhabha jimbanda;

Izaía 61:10

Nga kà sangulukila kiavulu mua Jihova, muẋima uami u tanena mua Nzambi iami; mukonda ua ngi zuika ni izuatu ia kubhuluka, ua ngi vungu dibeka dia kuiuka, mukuâ ni ngàiala ua kembela ubhanga, kala dibhanga dia di-zakela ni makembu mê.

Izaía 61:7

Mukonda dia sonhi i mua tambula mu luiadi ni malebhu, mua kà sangulukila ku dikânda dienu; kala kiki moxi ienu, o ima i mua kʼàvua ia kà di-budika mu luiadi, mua kà kala ni kusanguluka ku nangenena.

Izaía 65:14

Talesa, jiselevende jami ja kà kala mu kuimba mukonda o miẋima iâ ia sanguluka, maji enu-phe mua kà ta jingololo mbé o ngongo; muʼá kala ni kukumba mukonda dia kikote kia muẋima uenu.

Izaía 65:18

Maji enu mua-nda kusangulukila kiá muene mu kima ki ngi iudika, enu muene mu mua-nda kutanena; kuma talenu kunu, Jeluzaleme ngi mu iudikila o kusanguluka; O athuʼ ê ngi a iudikila o kimuenhu.

Izaía 66:10

Tanenu kumoxi ni Jeluzaleme, sangulukilenu-nê bhuamoxi, oso kiá mua mu zola; izalenu ni kusanguluka mukonda diê, enu-oso mua kexe kudila-nê o jingololo;

Jelemiia 31:7

Mbata Jihova uixi: Imbenu ni ngalasa kua Jakobo; tanenu mukonda dia Kitoto kia ifuẋi; tenu nzongo, imbenu diximanu, zuelenu muexi: Bhulula, Jihova, o mundu ué iá, a subhuka kua Izalaiele.

Hozeia 4:7

Kala ene kioso kia di sokolola, kiene ue kia te o ituxi iavulu ko kuami; eme-phe nga-nda ku a lungulula o kijingu kiâ, hé a ka bonga malebhu ni jisonhi.

Ijila 26:13

Eme-muene-ze ngi Jihova Nzambi ienu, nga mi katula kʼoxi ia akua-Ijitu, phala ki mu kale mu abhika a-ene; o ʼphapha ja ophi ia kexile bhu xingu ienu nga ji bukujula, eme nga mi bhetula phala mu ende kiambote o nzánza.

Zakadiia 10:8

Eme nga kà exana ni supiia, nga kà a bhongolola kuma eme nga a kula kiá; anga a kà di sokolola dingi kala kia di sokoluele mu ukulu.

Zakadiia 2:11

Bhu kizuuʼokio miji ia ndumba ia-nda kua kà bhongolokela kua Jihova, anga a kà kala kifuẋi kiami; hé nga kà tunga muʼaxaxi kè-eie, anga ua kà kʼijiia kuila Jihova dia Ilombo muène-muene ua ngi tumikisa kokué.

Zakadiia 8:23

Jihova dia Ilombo Ieta uambe, kiki: Bhu kizuuʼokio kia kà bhita-phe kuma kuinhi dia muthu a tokala ku madimi mʼengi ma miji ioso mu ngongo, a kà naminina, ni kidi-ze muene, a kà naminina ku muxiku ua kizuatu kia Judé imoxi, anga a muambela, exi: Tuanda kuia ni enu, mukonda tuene mu kuívua kuila o Nzambi uala ni enu.

Luka 11:22

Se kuiza-phe kindanda kia mukuá kia mu tundu ku nguzu, anga u mu tolola, hé u mu tambula uta uê ua dielela, u mu bhûnda imbamba ioso ia kexi na-iu hé u i uanauana.

Jipoxolo 8:8

Kienʼiki, mu mbonge ia Samádia, anga mu kala ngalasa iavulu.

Filipe 4:4

Enu-phe, sanguluka jingʼ enu mua Ngana. Ngi tona o ku ki zuela: Sangulukenu!

I Phetele 1:8

Sumbala Kristu muene kiluua mu mu mona, maji mua mu zola. Sumbala kiki ki mua mu mono, maji mua mu xikana. Kienʼ iki, enu mua sanguluka kiavulu ni ngalasa ki i ẋikina ku tanga, ngalasa iavulu o uuabhelu.

Afundixi 5:3

Ivenu, enu mu jisobha; bhanenu mátui enu mu anʼa jinganga; ngimba, eme bhabha ngimbila muene Jihova, ngimba mu ximana Jihova, Nzambi ia Izalaiele.

Afundixi 7:22

A xiki kia kuata kuxika o hama jitatu ja jimbungu, Jihova u bhangesa kuila mu kifuẋi muthu ni muthu xibhata iê u i fomuena mukuá, anga kifuẋi kioso (kia akua Midiiana) a kala mu di ta mudiâ ni ku di jibha-jibha. Kifuẋi kioso anga ki lenga katé bhu Bete-xita, ala kuila njila ia Zelela, katé mu jimbambe ja Abele-mehola bhua lulama ni Tabate.

Afundixi 8:12

Ni Zeba ni Zalumuna-phe anga a lenga; muene-phe anga u a kaia; jisobha jiiadi ja Midiiana Zeba ni Zalumuna, ua kuata, kifuẋi kioso u ki muanga-muanga ni ku ki kaia-kaia.

I Samuuele 30:16

Anga u a kulumuisa. Kia zubha ku mu bheka, u sanga a di zanze mu mukâu uoso uenhó, ala mu kúdia ni mu kúnua, ni mu kina, mukonda dia imbamba iavulu ia bhûndu mʼoxi ia akua Fidíxia, ni mʼoxi ia Juda.