Izaía 9:21 - O Mikanda Ikola

²¹ Manasa ni Ifalaimi, Ifalaimi ni Manasa, kiiadi kiâ a balukila Juda; ku ima iosuʼiii-phe, njinda iê ki bhene bhu ia suku, maji hanji kia sunununa o lukuaku luê.

Izaía 9:21 ပူးပေါင်းရင်းမြစ်များ

II Jisobha 15:30

Kieneʼokio-phe, Ozeia, monʼa Hela ua te kikutu kia ufe kua Peka, monʼa Lemadiia, iú ua mu nemeka, hé u mu jibha, muene hé u hinga o ungana bhu kididi kiê, mu muvu ua makuinhi a iadi a utuminu ua Jotamu, monʼa Uziia.

Izaía 10:4

Ni mu kambe ku di buila-buila muʼaxaxi ka jihutile ni kubuila ngambo muʼaxaxi ka iimbi? Ku ima ioso iii, njinda iê ki bhene bhu ia suku, maji hanji kia sunununa o lukuaku luê.

Izaía 11:13

Ifalaími dixinga dia-nda ku mu bhua muene, loló; o jinguma ja Juda a kà ji buikisa; Ifalaími ká ka a kuatela dingi dixinga, mba luimbi. Juda ue ka kà bhondeleka dingi Ifalaimi.

Izaía 5:25

Ki kia bhangesa o njinda ia Jihova ku uama ku thandu dia mundu uê, iú ua sunununa lukuaku luê, iú ua a bhana kaxitiku, katé ni milundu ia teketa; o imbi iâ iedile kala maxita muʼaxaxi ka nzunga; ku thandu dia iosuʼiii, njinda iê ki ia suku, maji lukuaku luê hanji ua luʼoleka.

Izaía 8:21

Mu ngongo a kà bhita-mu ni hadi ia vulu ia ku a tatesa, ni nzala; o kia-nda ku a bhondeleka o nzala, njinda ia a kuata, o kia tala bhulu, a kà lebhula sobha iâ ni Nzambi iâ.

Izaía 9:12

A-nda ku dianga o kuiza, akua Sídia; o kuema kua-naa kukaiela akua Fidíxia; anga a bhana mu kanu, Izalaiele hé a mu minha; ku thandu dia ima iosuʼiii o njinda iê ki i bhu, maji hanji kia sunununa lukuaku luê.

Izaía 9:17

Kala kiki o Jihova ka tena ku kala ku ngalasa ni minzangala iâ, o jihukunhi jâ ni atudiʼâ, Jihova ka xikina ku a kuatela henda, mbata ene-oso akua-mangonha, akua-phulu, makanu mâ mazuela ulaji uoso. Ku ima iosuʼiii-phe, njinda iê ki bhene bhu ia suku; maji hanji kia sunununa lukuaku luê.

Jelemiia 13:14

Hé nga a sasujula ni ku a bekujula ku akuâ, jitata bhuamoxi ni anʼâ, Jihova ua ki tange, uixi: Ki nga-nda ku loloka, ki nga-nda ku kondejeka, mba ku a kuatela henda, kuila ngi kamba kua buikisa.

Jelemiia 4:8

Kala kiki zuatenu idinhaji, dilenu dikokolo, endenu ni kukumba mbata o kutema kua njinda ia Jihova ki kua tu eha.

Zakadiia 11:14

Anga ngi bukula mbangala iami ia kaiadi “Kuongama” phala kumuanga uphange bhu kaxi ka Juda ni Izalaiele.

Matesu 24:10

Kienhókio, avulu à keha kuxikana, hé a kà di bhala. A kà di bhanga ufe, a kà di zemba mudiâ.

Ngalásia 5:15

Maji se mu kala uila mu iama, ni ku di ta mazu, ni ku di hamena mudienu, di langienu-phe, kuma muanda kudiua enu oso, hé mu jima o mbutu, se mu kamba kukuata kilunji.

Afundixi 7:2

Jihova anga u ambela Ngidiione, uixi: O mundu-ze u uala-nâ ua vuluʼé ngó, kuila eme ngi bhana akua Midiiana bhu lukuaku luâ. Sumba Izalaiele u ngi tela nzabala, kuila: Lukuaku luami eme-muène lua ngi bhulula.

I Samuuele 14:20

Ni Saúlu-phe, ni mundu uoso aia-nê, a bhongoloka hé eza ue ku ita, Anga a sanga ene oso ala ku di jibha-jibha kiá mu diâ, hé bhu bhita kibuika kia dikota ku jifilisteu.