Izaía 9:18 - O Mikanda Ikola

¹⁸ Kuma o phulu ioso-lolo i uama kala túbhia, iximika katé ni ivunda ni misonge. Kiene muene, i bambula katé ni mixi ioso ia di-bhidijika ku muxitu, anga dixi diê di bhana matuta a xiketela bhulu.

Izaía 9:18 ပူးပေါင်းရင်းမြစ်များ

I Jisobha 16:21

Bhenhobho akua Izalaiele a di uana mu ibuka iiadi: kaxaxi ka kaiela Tibini, monʼa Jinate, phala ku mu bhanga sobha; o kaxaxi ka mukuá a kaiela Omidi.

Jisálamu 37:20

Maji isuéia-phe i buila muene; jinguma ja Jihova a soka ni iẋinji ia túbhia; aia ni kujidila mu dixi, kindala a jimi.

Jisálamu 68:2

Mukuâ ni dixi kia di kaia kuala o kitembu, ene ue a a kaie; mukuâ ni sela ki i sangumuka ku túbhia, kiene ue isuéia i buile bhu pholo ia Nzambi.

Jisálamu 83:14

Kala túbhia tu ximika o kitumba, kala mulengo u uamena ku milundu,

Izaía 1:31

Anga o dizonda ua kà biluka kibhiaẋi, o kikalakalu kiê mukua ni soso ia túbhia, anga kiiadi kiâ a kà uamena bhuamoxi, u a jimina ka moneka.

Izaía 1:7

Ixi ienu ia xala ngùndu, madiembu menu ma jikata mu túbhia; o mikáu ienu enda ni ku mi dia-iu kuala athu engi, akua jixi ja makanga, enu mu ki mona mesu; kibuika-phe kia athu engi kia mi vubuka.

Izaía 26:11

Jihova, tata! Sumbala lukuaku lué lua zangalala muene, maji ene hanji a tokoka ku lu mona! Maji-phe, a kà lu mona anga adiuana, mukonda dia muanu u ua kuatela o mundu ué; o túbhia-phe hádia tua kà buikisa o jinguma jé.

Izaía 27:4

O kuthathamana, momuʼami, ki kuala-mu dingi. Mukuaʼhi muene u ngi xitila isakelu ni minha ku pholo iami mu ita? Eme ngeji ku dilukula ku thandu diâ, anga ngʼa jikatesela bhuamoxi.

Izaía 3:5

Mundu phe a kà u bhondeleka; bhua kà kala ku dikuata jimvunda, kala muthu ua kà lungulukila mukuâ; Mona ndenge, ukitukila muadi-akime; o sébhue, u balukila mona-ngana bhu kididi.

Izaía 30:30

Jihova ua kʼèvisa o fuma ia dízui diê, anga ua kà bhangesa kutala kia tulula o lukuaku luê ni kutemanana ni njinda, ni mulengo ua túbhia tuê tu buikisa, ni jinzaji ni dilúviu ni matadi ma mvula.

Izaía 30:33

Kuma Tofete a i iudika kiá, tunde mazá; xi, a i iudikila sobha; a i zongolola, a i kudisa; o sáma iê túbhia mu túbhia, o jihunhi jivula jala-mu; o muha ua Jihova ua kà uama kala muxónge ua xofidi.

Izaía 33:12

O ifuẋi ku mundu, ia-nda kukala mukuâ ni hâla ia bambuka túbhia; a kà bhia mu túbhia kala minha ió-batujule.

Izaía 33:14

Akua-ituxi mu Ziione uoma ua a kuata, akua-mangonha kua a tula kiteketela. Mukuahi mudietu u tena kutunga bhuamoxi ni mulengu ki uene kujima?

Izaía 5:24

Kienhiki-phe, kala ki kuata o dimi dia mulengu ku ibhiaẋi, kala ki uama iangu ku mulengu, kiene ue kianda ku lukuta o lundanji luâ, mukuâ ni kubola; kuuabha kuâ, mbambe ni kitulu, kua kà jimuka kala fufutila: mbata o ngonge ia Jihova dia Ilômbo Ieta a i tènde, o kizuelu kia Dilemba dia Izalaiele a ki sebulula.

Izaía 50:11

Talesa, enu oso mua bambula túbhia, mua di-ẋiẋika jisoso ja túbhia tu mua uika, endelenu mu milengo ia túbhia tuenu, ni muʼaxaxi ka jisoso jenu ji mua bambula; bhu lukuaku luami bhene bhua tundu ima iosuʼiii, hé mua kà zeka mu kialala kia kalunga.

Jelemiia 9:3

Oleka o dimi diâ kala uene o mufula uâ, mu kuta o makutu; a di suinisa maji ki phala o kidi, kana: mukonda a muia dingi ku pholo ni kubhanga usuéia mu usuéia, eme a lémbua ku ngʼijiia, Jihova ua ki tange.

Hozeia 13:3

Kienhiki ene a-nda kukala mukua ni dituta dia kimene, kala dimume dia kamene-mene, ki diene mu kunanga kubhita; ela kala ibhiate bhu dizanzu dia kubetela, a i ambata kuala o kitembu kia suina; a di bhanga kala dixi dia mu tunda mu xaminé.

Jouele 2:20

Ió ua tokala ku suku ngi mu bhangesa kuia dikanga nʼa mi xisa; ngi mu takuila dikanga ku ixi ia kukuta ia kikangalakata; u di lulama ni musanza ua kalunga ku mutundila kumbi, ku dima diê kuene ku kala musanza ua kalunga ka mufuila kumbi; dizumba diê dia bolo diʼà kala muʼtukumuka, o kibuzu kiê kia kàla mu banda bhulu, kuma Jihova ua bhange ima ia makota!

Jouele 2:3

Ku pholo iê ku dianga túbhia tuamuzukuta, o kuema diê milengu iia ni Kiaula; o ixi bhu pholo iê mukuâ ni Díbhia dia Edene, maji o kuema diê-phe i di bhanga kikangalakata kiósengulule; kiene muene, kuma kana kama ka kà mu somboka.

Amoji 7:4

Jihova Nzambi anga u ngi londekeza dingi kiki: Talesa, ngi mona Jihova Nzambi iú handekela, uala kuixana túbhia phala ni tu mu batuila milonga ioso; tuene anga tu jikinisa o kidikungu kia dikota, anga tu sota kujikinisa ue o mikáu ia undundu uangene ua Jihova.

Obadiia 1:18

Dibhata dia Jakobo dia kà kituka túbhia, o dia Zuze mulengu, maji o dia Ezau di di bhanga mafe a kukuta, a kuuika túbhia tu tunda kua ió katé muene kia buila; phala ki bhu xale dingi muthu mu dibhata dia Ezau; mukonda dikanu dia Jihova dia ki tange.

Nahumu 1:10

Mukonda né hanji ene a di lunga-lunga kala minha, anga ezala ni vinhu kala jihólua, a kà jimuka ene oso muene kala iangu iakukuta.

Nahumu 1:6

Nanhi ua kèmana bhu pholo ia njinda iê? Nanhi ua kà kolokota mu kutema kua njinda iê? Kutema kuê kala túbhia tua muzukuta, o matadi moso muene u a lundumuna.

Malakiia 4:1

Talesenu mukonda, kizuua kiókio kia-nda kua kèza, kiza ni kuuama kala kidijiku kia túbhia tua muzukuta, ene oso a di zangeleka, akua izala, ni iá oso a bhanga ima ia ufusa, a kèla kala iangu ia mbúdila; mu kizuua kiókio kiala kuiza-ku, a kà uama muene katé abhu-bhu, kiene kia tanga Jihova dia Ifuẋi; ki bhua kà a xala lundanji né luthangu.

Matesu 25:41

Muène anga ua kʼàmbela iá ala ku kiasu: Tundenu bhu mbandu iami, enu a mi bhubhidila kuala Nzambi! Ndenu mu túbhia ki tuà jima, a tu iudikila Diabhu ni ji-anju jê!

Matendelelu 32:22

Kuma kiene ki ngalʼiki njinda iami iauama túbhia, tua kà uama muene, katé tua bhiẋila mu jihota joso ja mukiukuluku; phala kubuikisa oxi ni funza iê ioso; ni ku jikatesa o madisesa ma milundu.

Jihebeleu 6:8

O ki kala-phe ma bhana ngó minha ni holokoso, ma kuata usudi; kua kambe ngó a ma ta mazui kuala Nzambi, o hinu kua suka a ma ta mu tubhia.

Dijingunuinu 14:11

O dixi dia túbhia tua kà a tatesa, dia kà banda jinga katé ku hádia ni hàdia! Momo, oso a bheza kiama ni kitèka kiê, ni oso a tambula kidimbu kia dijina diê, a kà tala hadi muanha ni usuku ka nhoha.