Izaía 9:13 - O Mikanda Ikola

¹³ Hanji-phe, o mundu iú ki u xikina kutolokela uoso ua mu beta, mba a sota Jihova dia Ilômbo Ieta.

Izaía 9:13 ပူးပေါင်းရင်းမြစ်များ

II Malunda 28:22

O mu kithangana kia mu bhondeleka sobha ia Asidia, muene ue ua beta dingi o ku tondalela Jihova, ni kubhanga kia ibha; kienhiki o kikexilu kia sobha Akaji;

Jobe 36:13

Athu a ibha mixima, a di bhakela nzungule ia njinda ku thandu diâ; kia-nda kuila Nzambi ua a kutu mu jingidinhá, a lémbua kudikola phala ku a kudila.

Izaía 1:5

Ngi mi betelaʼhi dingi, se hanji mua-nda kuẋinukenunu? Mítue ienu ioso iezala uhaxi; o miẋima ienu ioso ia botomoka.

Izaía 19:15

Ijitu ka kà tena kukatula-ku kima ku kikalakalu kià bhanga mútue, mba mukila, mba luthangu, mba lumbamba.

Izaía 26:11

Jihova, tata! Sumbala lukuaku lué lua zangalala muene, maji ene hanji a tokoka ku lu mona! Maji-phe, a kà lu mona anga adiuana, mukonda dia muanu u ua kuatela o mundu ué; o túbhia-phe hádia tua kà buikisa o jinguma jé.

Izaía 31:1

Kokolo dia ió oso a kulumuka ku Ijitu mu ku sota-ku dikuatekesu, anga a ta o muẋima ku jikabalu; a dielela o makalu mukonda a di-xala, ni a-mondadi ala i-mazonda ionéne; maji ka xikina kusuua Dilemba dia Izalaiele; ka xikina ku sota Jihova.

Izaía 57:17

Njinda ia ngi kuatele mukonda dia usuéia ua unjenje uâ anga ngʼa beta; kuma kia ngi kuata o kutema, pholo nga i sueka; maji ene, hanji-phe, mu kubhukumuka kuâ, akaiela njila ia muẋima uâ.

Izaía 7:20

Bhu kizuua kieneʼokio Jihova ua kà sobha phoko ia bhutu, iene ku sámbua dia ngiji, muene sobha ia Asídia, anga u konga na-iu o mútue ni kindemba kioso kia inama; katé ni muezu uoso muene u u konga.

Jelemiia 15:7

Nga-nda ku a bhiata ni mbangu bhu mielu ia oxi; o mundu uami nga u buba, o ana nga a katula-nâ; maji ene o kuvutuka ku jinjila jâ ja iibha, nguâ.

Jelemiia 29:11

Kuma ixinganeku ioso i ngala ku mi xinganeka na-iu, nga ijiia kiambote muene, eme ngi Jihova, ixinganeku ia uembu, ki ia phulu, kana, nda ngi mi bhane dizubhilu di muene ku kinga.

Jelemiia 5:3

Jihova tata, mesu mé ma kamba kutonginina o kidi? O ki ua a betʼokio, ene ki kia a kate: eie ua a huha kiua, maji ene nguauâ kutoloka ni kutambula mulongi: jipholo jâ a ji kolesa muene ditadi ndenge, a ditunu kuvutuka.

Izekiiele 22:24

Eie monʼa diiala, mu tangele, kuila: Eie u ixi ia xidi, ia kambe o mvula, bhu kizuua kia njinda.

Izekiiele 24:13

O mu ufusa ué ua ndumba, muene muala o kusembama kué, kuma eme nga mesenene ku ku zelesa, eie-phe ngué ku di zelesa; ki mungu dingi a kà ku sukula ku dixidilu dié, katé eme ki ngi bhanga kunhohesa o njinda iami ku thandu dié.

Daniiele 9:13

Uíndua uoso uòsoneke mu ngonge ia Mozé ua tu tula muene! Maji-phe hanji tua tokoka kumbolomoka bhu pholo ia Jihova Nzambi ietu, phala ni tu biluka hé tu bhana dikunda ku ikuma ietu, anga tu kuata kudielela ku kidi kiê.

Hozeia 5:15

Anga ngi katuka, hé ngi vutuka ku bhata diami, katé kia-nda kumona kuila a zange, anga a sota o pholo iami; mu kuila a bhondalala kiá, a-nda kudimeneka ku ngi sota.

Hozeia 7:10

O Izalaiele, izala iê ia-nda ku mu jimbulukila muene ku mesu mê; maji mu ioso iii ene ka-nda kualukila kua Jihova Nzambi iâ, né ngo ku mu sota.

Hozeia 7:16

Ene, o kia vutuka, kana, ka vutuka kua Suke-ku; a di bhange kala uta ua mufula ua ngangamana, u landukisa ngó; o ilolo iâ ia kà laúka ku xibhata, mukonda dia isuéia uâ ua a kala bhu dimi; o kienhiki hinu a-nda ku a tela-kiu kabáxia mʼoxi ia Ijitu.

Amoji 4:10

Nga mi tumikisa dibhebhu dia kipheku mukuâ ni mu Ijitu; minzangala ienu ia mala nga a jibha ku mazu a xibhata; o jikabalu jenu nga jʼehela o ku ji kuta ni ku ji bhûnda ia aii na-ju; o dizumba dia kibuzu kia ifuẋi ienu nga di tukumuna muene ni ku mazulu enu tute; maji Jihova uixi: Né kieneʼokio ue, enu mua lémbua kudiela ni mu bhiluke kokuami.

Amoji 4:6

Kiene ki nga bhela mazu ala ni uengenge mu jisanzala jenu joso, o mu ididi ienu ioso ki muala mbolo ia kúdia; sumbala kiene, maji enu-phe nguenu kudiela ni muize kokuami, Jihova ua ki tange.

Sofoniia 1:6

ni iá a xisa kuendela mu njila ia Nzambi, ni iá aditunu kusota Nzambi mba kuibhula dingi kua muene.

Matendelelu 4:29

Kienhokio-phe, kuenhoko ua kà sota Jihova Nzambi ié, anga u mu sanga, se u mu sota ni muxima uê uoso ua muvimba, ni muenhu uê uoso ua muvimba.