Izaía 8:9 - O Mikanda Ikola

⁹ Divunzienu, enu mu mundu, a kà mi tolole; bhanenu mátui enu mu akua-jixi ja makanga, bhakatenu, a kà mi batujule ku iẋimbu; ndokuenu, bhakatenu, a kà mi batukule ki iẋimbu.

Izaía 8:9 ပူးပေါင်းရင်းမြစ်များ

I Jisobha 20:11

Sobha ia Izalaiele-phe u vutula, uixi: Uoso uala kuzuata o phonda, ka di nanze kala ió ua mu zula o phonda.

Jisabhu 11:21

Kisuéia né-mbe maku mê ua ma koteka bhu muẋima, hanji kà kamba mulonga; maji o mbutu ia athu a iuka, ia kà bhulaka.

Izaía 28:13

Uila kikiphe, o kizuelu kia Jihova kua ene, kia kà kala ngonge mu ngonge, ngonge ku thandu dia ngonge; phangu ku phangu, phangu ku thandu dia phangu; kama bhabha, kama bhaná; nda aie, a dibhale ni dima, o kia-nda kuila a zoza, a fue bhu mubhetu, nda a a bhange jipelezo.

Izaía 37:36

Bhenhobho anju ia Jihova ua tundu, iu ua nemeka mu kilômbo kia Asídia, hama ni makuinhi-nake a jimidi ni midi jitanu ja makuenze; o kuila muene a balumuka mu kimenemene, talesa, iimbi mu iimbi kiá!

Izaía 54:15

Tala-ze, jinguma jê joso né a di bhongolola nʼa ku kitukila, ijiia-kiu kuma ka tundu kokuami; uoso u di ta ku kionge kia ku ku balukila, ua kà dibhala, mukonda nga ku zola.

Jelemiia 42:11

Ki mu kale ni uoma ua sobha ia Babilonha, mua mu kuatela o uoma; ki mu kale ni uoma, Jihova ua ki tange, mukonda eme ngala ni enu phala ku mi bhulula, ni ku mi bhangesa kubhulaka bhu lukuaku luê.

Jelemiia 46:3

Exi: Zakelenu o ngubu iòfele ni ia dikota muize ku ita.

Jelemiia 46:4

Tenu makomola ku jikabalu mu sambele, enu mu asambedi a jikabalu tukulukenu ni jikapasete ja kuxitila mítue, o matoma menu zelesenu-nâ, zuatenu ivunga-thulu.

Jelemiia 51:20

Eie eie u kiṗhuṗhilu kiami, eie u mata mami ma ita, ngi sasujula miji ioso ni eie, sobha joso ngi ji sengulula nʼeie.

Izekiiele 38:7

Di iudike-phe, xi, u di lunge ni eie ni mundu ué uoso ua di-bande kokué, eie nda u di bhange u kilangidilu kiâ.

Izekiiele 38:8

Mbata kia-nda kubhita izuua ia vulu, a-nda ku ku zungila; o ku zubhilu dia mivu ua kʼèza mu ixi iôtambule ku xibhata, i ia tundu muʼaxaxe ka ifuẋi iavulu mu ku di bhongoluela ku milundu ia Izalaiele ia xalele jinge jingùndu; maji-phe o ixi ioio a i katula muene muʼaxaxe ka ifuẋi, o kiki-phe ene oso a-nda kutunga ni kukondama.

Josuué 11:5

Jisobha joso jiji jiza, anga ji ta kibangu kiâ bhu menha ma Melone, phala kubhânga ni Izalaiele.