Izaía 8:7 - O Mikanda Ikola

⁷ mukonda dia kiki, Jihova ua-nda kubheka ku thandu diâ menha ma ngiji, ma kunguluka ni kusuina; muene sobha ia Asídia ni kijingu kiê kioso; menhʼama ma-nda ku banda anga mʼezalesa mu mijinga iâ ioso, ma ẋamukina ku ibumu iâ, iene ioso.

Izaía 8:7 ပူးပေါင်းရင်းမြစ်များ

Dimatekenu 6:17

Mukonda ijiia na-kiu kuma eme nga-nda kulundulula dilúvio dia menha mu ngongo, phala ku buidisa o xitu ioso iala ni muenhu bhoxi dia diulu; ima ioso mu ngongo ia kà buika.

II Jisobha 19:32

Kala kiki, o Jihova ua tange ku mbandu ia sobha ia Asídia, uixi: Mu mbanza mumu ka-nda ku bokona-mu; ka-nda kutena ue kuʼasa-mu musongo uoso-uoso; ni ngó ku ki sesa o kuiza ni ngubu ku pholo ia mbanza iii mba u i kandeia jimbonge joso-joso mu jimbandu.

Ejidala 4:10

Ni ifuẋi dingi ia mukuá, iejile na-iu sobha ia dikota ua fumanene kiavulu, Azenaphale, anga ua bhana kutunga mu mbonge ia Samádia, ni amukuá ku sámbua kunu dia honga ia Ufalate, mu thembu ieneʼio.

Jisálamu 46:4

Sai-ku ngiji o milombo iê i tekela o mbanza ia Nzambi; kididi kiangene kia mabhata ma Sukè-ku.

Jisálamu 72:8

Utuminu uê u tunda ku musanza katé ku musanza ua mukuá, mbambe o ngiji ia dikota katé ku maẋokololo maʼxi.

Izaía 10:16

Kala kiki, O Ngana, Jihova dia Ilômbo Ieta, ua kà bheka dibhèlu kua oso a nete muʼaxaxi kâ, o bhoxi dia kizunda kiâ ua kà uikabhu túbhia kala kitumba kia uama.

Izaía 10:5

Asídia, lamba diê! Ua di bhanga mbasá ia njinda iami: Kuma o njinda iami mukua ni mbangala bhu maku mê.

Izaía 11:15

O Jihova ua kà jikinisa lalá o kisanga kia musanza ua Ijitu, ua kà zambesa lukuaku luê mu kubilukila o Ngiji, ni nguzu ia kibhungu kiê; o kia-nda kuila ua i kuama, u i uana mu lusambuadi; sambuadi diê dioso dia mijinga, u i kukutisa katé athu enda ni kubhitila-mu ni jisabhatu ku inama.

Izaía 28:15

Enu, kuma muambe, muixi: Kalungʼangombe tua bangana-nê, o inferno tuate na-iu kikutu kia ukamba; kioso kia-nda kuiza divuua dia kibeto kala mvula ia dilúvio, etu ki kia-nda ku tu bhixila, kana; kuma dilengelu dietu o makutu, disuamenu dietu o kudinga o kidi.

Izaía 28:17

Ubatuilu ngi u ta mu dinha, o kulûnga ngi ku zonga ni pulumu, anga bhuà kala mvula ia matadi ia kà kungulula o dilengelu dia makutu, o menha anga a kà bobesa o disuamenu diâ.

Izaía 28:2

Talesa, Jihova ua kà tuma dizonda diê, kusuina kuvula; mukuâ ni ki sonoka mvula ia matadi, mvula ia kibuika, mukuâ ni imenha i bhanga jihungulule ji kungulukila mu jimbandu, muene ue kitundu kiâ ua kà ki zubila ni nguzu ioso bhoxi.

Izaía 43:2

Kioso ki ua kà bhita mu menha mua zongo, tuà kala kiiadi; kioso ki uà bhita mu jingiji, kua-nda ku boba; ki uà kà bhita mu túbhia, kua-nda kujikata; o mulengo ki ua kà tena ku kuata kokué.

Izaía 59:19

Kiene kia kà xila kiua dijina dia Jihova tundé ku mazanga, anga aẋila kijingo kiê tundé kutundila dikumbi. Kioso kiza nguma kala hungulule ia menha, Nzumbi ia Jihova u oleka mvela phala ku mu kaia.

Izaía 7:17

Maji nʼeie, ni mundu ué, ni dibhata dia tatenu, Jihova ua-nda ku mi bhekela izuua ia iibha, ijila kua sobha ia Asídia; o ienhiʼiii kiluua mu i mona, tundé bhu kizuua kia batuka Ifalaími kua Juda.

Izaía 7:20

Bhu kizuua kieneʼokio Jihova ua kà sobha phoko ia bhutu, iene ku sámbua dia ngiji, muene sobha ia Asídia, anga u konga na-iu o mútue ni kindemba kioso kia inama; katé ni muezu uoso muene u u konga.

Jelemiia 47:2

Jihova, uambe, kiki: Tala o menha a tunda kusuku a-ndo balumuka anga a di bhanga kihungulule ki subhajaka, anga a kʼèzalesa ixi ioso muene ni uvimba uê, ni mbonge ni oso a tungu momo; athu a kà di kola-kola, ene oso a tungu mu ngongo a kà dila jingololo.

Jelemiia 51:42

O musanza ua kalunga ua bande ku thandu dia Babilonha, ndumba ia mabhuku ma kalunga ia mu vungina.

Izekiiele 26:19

Mukonda o Jihova Nzambi uambe kiki, uixi: Kioso eme ki nga-nda ku ku bhanga ngùndu hé u kala u mbanza iòsengulule mukuá ni jimbanza ki ji xikina dingi ku tunga-mu, kioso ki nganda kubhanga kidikungu ku thandu dié, anga o ndumba ia menha i ku vungina,

Daniiele 11:10

Maji anʼê a kà di ta mu kúlua ita, a ka phopha ndumba dia ilômbo ia makuenze; umoxi mudiâ anga ua kʼèza ni lusolo, u koka o mundu uoso anga u somboka, u vutukila dingi ku di-ta mu ita, hé uia ni kúlua katé ku mbonge ia sulu.

Daniiele 11:22

O ilômbo ia tokalele ku mu tolola muene, muene ua kà i tolola hé u i muanga-muanga katé kiá ni kilamba kia tuamenena jinga ku kikutu.

Daniiele 9:26

O kia kà bhua o makuinhi asamanu a jisemana ni semana jiiadi, Mexiia a kà mu katula-ku, kà mu mona dingi; o mundu ua kilamba kia kèza-ku, ua kà buikisa o diembu diosuʼodio ni Tembulu, o dizubhilu diâ dia kà a bhitula mukuâ ni menha a disenza; kuà kala-phe ita mu ita katé bhu dizubhilu, oko a xindi-bhu ibuika.

Amoji 8:8

Mukonda dia kienhiki, ixi i kamba kuteketa? Oso a tungu momo a kamba kudila? Mavu oso a kà zangumuka muene kala kingiji kiónene; a kà di takula kala ngiji ia di bhange masenza, anga hungulule iê i bhubhuluka dingi mukua ni ngiji ia Ijitu.

Amoji 9:5

Kuma Jihova, Jihova dia Ilômbo Ieta, Muene ngó ua bhingi kuila se oxi u i tuta ngó, iene i sengumuka, o ene oso a tungu-mu a dila jingololo ja kalunga! O ixi iene-phe ienda ni kubanda kala kihonga kionéne kia mu di bhanga masenza, hé ia kà jikinina mukua ni ngiji ia Ijitu.

Mikeia 1:9

Mukonda o kitalakanha kiê, né a ki tumbu ki iluka dingi, kuma kia bhiẋila ni mu Juda. Kia di zale katé bhu muelu ua akua muiji uami, katé mu Jeluzaleme.

Mikeia 5:4

Muene anga ua kà nangenena, ifuẋi anga ua kà inga mu nguzu ia Jihova ni mu ungana ua dijina dia Jihova Nzambi iê! Ene uâ a kà kala bhua kondama, mukonda kindala muene ue a kà mu zangeleka katé ku aẋokololo kua suku oxi.

Mikeia 5:5

Muenhú anga uà kà kala muene paze ietu. Kioso o Asídia kia kʼèza mu ixi ietu mu ku i lua, nʼa bhite ni kudiota ku thandu dia jinzu jetu ja matala, etu tua kà mu ixanena sambuadi dia abidi, ni dinake dia mona-ngana muaxaxi ka athu, ni a tu kudila.

Nahumu 1:8

Muene ua kà bobesa kididi kiki ni kibuika, mukua ni dilúviu dia menha; ua kà kaiesa jinguma jê katé ua a jikinisa mu kitombe.

Luka 6:48

Ua di fangana ni muthu u tunga inzo, anga u kanda muxinda ua zongo, u xikamesa o disesa ku matadi. O kieza kimvula, hungulule anga i kondoloka inzuʼoio, iene-phe ki ia tena ku i zambesa, mukonda iòtunge kiambote.

Dijingunuinu 17:15

Bhenhobho o anju ua ngʼambela ue, uixi: O menha ió u ua muene, kua xikama o kidia-nzunga ku thandu diâ, o miji ia athu, ni mundu, ni ifuẋi, ni madimi.