Izaía 8:4 - O Mikanda Ikola

⁴ Mbata mona muenhú kioso kiluua ejiia kuila, tatʼetu, mba memʼetu, o jimbongo ja Damasku a kà ji bhunda, ni madibhundila ma Samádia a kà ma ambata bhu pholo ia sobha ia Asídia.

Izaía 8:4 ပူးပေါင်းရင်းမြစ်များ

II Jisobha 15:29

O mu izuua ia Peka, sobha ia Izalaiele, muene mueza Tiglate-Philesele, sobha ia Asídia, iú ua tolola jimbanza ja Inzone ni Abele-Bete-Mahaka, ni Jenoua, ni Kadexi, ni Hazole ni Ngiliiade, ni Ngalileia kumoxi ni ixi ioso ia Nafitali, oso a tungiuie-ma ua ambata iú uai-nâ ku Asídia.

II Jisobha 16:9

O sobha ia Asídsia iú ua mu ivu muene; mbata o sobha ia Asídia ua bande iú ueza mu kukonda Damasku, iú ua mu tolola; o mundu ia keximu ua ambata iú uai-nâ ku Kîdi, o Lejime ua mu jibha.

II Jisobha 17:3

O Salamanazale, sobha ia Asídia, hé u banda mu kulua-nê; Ozeia hé a mu kitula mubhika ua Salamanazale anga uenda ni ku mu bhana lubhaku.

Izaía 17:1

Kinemenu kia Damasku. Talesa, Damasku a kà mu katula, phala ka kale dingi mbanza, maji ubiluka dixita dia utôkua.

Izaía 17:3

O mbonge ia Ifalaíme ia kà suka bhenhobho, ni mbanza ia Damasku, ni masubhu ma Sídia; a kà kala mukuâ ni kijingo kia anʼa Izalaiele, kiene kiambe Jihova dia Ilômbo Ieta.

Izaía 28:4

O kitulu kia lalumuka ku makembu mâ ma fuma, kiala ku sungu ia dikôlo di bhana idima, kia kà kala mukuâ ni kibundu kia mufiku, kia mutômo, kioso o kixibhu kiluua ngó ki bhixila, uoso u ki mona, uila u ki kuata ngó bhu lukuaku, u ki minha lusolo.

Izaía 8:5

Jihova anga ukuata dingi ku ngi zuelesa, uixi:

Amoji 1:3

Jihova uambe kiki: Damasku kia tondala lutatu mba luuana kibetu kiê ki ngi mu katula-kiu; kuma Ngiliiade a mu bhange mixinga-mixinga ni jifelu.

Amoji 1:5

Sabhi ia dikûmba ku Damasku nga kà i bula-ku, o ió a tungu mu Bikiate-Avene nga kà a jima o mbutu ni uoso uala ni mbasá ia Bete-Edene bhu lukuaku; kifuẋi kia akua Sídia a kà ki bheka ku ubhika mu Kile, kuma kiene kiambe Jihova.

Jona 4:11

Kífua eme ki nga tokala kukala ni henda ia mbanza iadikota ia Ninive, muala hama ni makuinhi a iadi a midi ia muthu ndenge, athu kejiia lukuaku luâ lua kadilu ni lukuaku luâ lua kiasu, ni ibhaku iavulu?

Loma 9:11

o ana ene kiluua a a vuala, kiluua a bhanga kima kiauabha mba kiaiibha, phala o vondadi ia Nzambi ia kusola nʼ a ijiie kuila kana mu imbamba ia kubhanga, maji mù kuixana kua Nzambi muene,

Matendelelu 1:39

O anʼenu-phe, u muedi, muixi: Anda kukituka mbole, o anʼenu a kambe o kuijiia kiauabha ni kiaiibha leluʼidi, ene a-nda kukutuka-mu, ene nganda ku a bhana-iu anga a iʼvua.