Izaía 8:22 - O Mikanda Ikola

²² O kia tala mu ngongo, a mona-mu mukondo ni kitombe kila muene buí, o mu thulu mua kà a xita ni kikote, anga aia ni ku a lundujuila mua vundu, muedi buí.

Izaía 8:22 ပူးပေါင်းရင်းမြစ်များ

Jobe 18:18

Mu mukengeji a mu katula-mu nʼa mu takuila mu kitombe, ku mundu a kà mu kaia-ku.

Makatukilu 10:21

Jihova anga u ambela Mozé, uixi: Sunununa lukuaku lué, u lu talese mu diulu, phala kuize kitombe mʼoxi ioso ia Ijitu, kitombe kia kuila ni ku maku u ki babata.

Makatukilu 10:22

Mozé anga u sunununa o lukuaku luê, u lu talesa mu diulu, anga ku kala kitombe kiaxiti mʼoxi ioso ia Ijitu, mu izuua itatu;

Jisabhu 14:32

Kisuéia, o usuéia uê uene ua-nda ku mu kakula; maji o muthu Uaiuka-phe, katé ni mu kúfua kuê, hanji sai kia dielela.

Izaía 30:6

Muzambu ua iama ku sulu: ku ixi ia mukondo ni jingongo a kàmbata jimbongo jâ a ji tuika ku makunda a tujumenda, umvama uâ a kà u ambatela ku milumba ia jikamelu, aia kubheka ima ioso iii ku athu ka tena ku a bhandulula ni kima, muene Ijitu.

Izaía 5:30

A kà a tela nzôngo bhu kizuua kieneʼokio, kala kinuminu kia menha a kalunga, se bhu kala muthu u tala mu kanga, ua kà mona ngó kuvunda, ni mukondo; o mukengeji ua kà biluka kitombe mu jingundu jâ.

Izaía 50:11

Talesa, enu oso mua bambula túbhia, mua di-ẋiẋika jisoso ja túbhia tu mua uika, endelenu mu milengo ia túbhia tuenu, ni muʼaxaxi ka jisoso jenu ji mua bambula; bhu lukuaku luami bhene bhua tundu ima iosuʼiii, hé mua kà zeka mu kialala kia kalunga.

Izaía 50:3

Eme maúlu ngene ku a zuika kitombe bui, anga ngi ma vunga kidinhaji, kiene o divunga diê.

Izaía 59:9

Mukonda dia kienhiki, o kuiuka kua tu kala dikanga, o kulúnga ki ku tu bhixila; tuendile mukengeji, maji tala, kua tu iza ngó kitombe; tuendile kubenha, maji tua mu kuendela mua vundu.

Izaía 60:2

Kuma uamono kitombe kia vungina oxi, kuvunda kua vungina o ifuẋi; maji eie Jihova ua kèza ni kumuika ku thandu dié, o kizûnda kiê a kà ki muena kokué.

Izaía 8:20

Inda tuila: Ku Kitumu ni ku Umbangi; ene se nguauá kuzuela kala kiambe o kizuelu kiki, o mukengeji ua kimene ka kà u mona.

Izaía 9:1

Maji oxi ia bhondelekele ki ia kà xalela mua vundu, kana; kuma iene ia sekalele kiá mʼukulu, oxi ia Nzebulone, ni oxi ia Nafitali; maji o ku iezʼuku, oxi a i zangeleka bhu mbanduʼa njila ia musanza ua Kalunga; ku sámbua dia Njolodá, ku Ngalileia ia matumbu!

Izaía 9:20

O kia sutunuina ku mbandu ia dilu, nzala ki i bhu, o kia dila ku kiasu, kekuta luua: Kala muthu ua kà dia xitu ia lukuaku luê.

Jelemiia 13:16

Jingisenu Jihova, Nzambi ienu, kiosuʼiki kitombe ki kieza luua, kiosuʼ ʼiki ue o inama ienu kiluua i di bhukajana ku milundu ia vundu, ni usuku uila bui; mu kuila enu mua kingile mukengeji, muene hé u u bilula kizenji kia kalunga, anga u bheka-ku kitombe.

Jelemiia 23:12

Uila kiki njila iâ ia-nda ku a kala muene mukuâ ni ididi ia ẋanana mua vundu: a-nda ku a lundujula anga a di-bhalela muenhomo, mbata nga-nda kua bhekela divuua ku thandu diâ, mu muvu muene ua ku a zungila, kiene kiambe Jihova.

Matesu 22:13

Sobha anga uambela jiselevende jê, uixi: Mu kutienu o maku ni inama, mu mu texi ku kanga, kua vunduʼoko; kuene kuà kala o kudila ni ku di kokota ku mazu.

Matesu 24:29

Jezú uixi dingi: Kutunda ku phaxi ia izuuʼ oio, dikumbi di vunda, o mbeji i kamba kumuika, o jithethembua ji laúka ku diulu, jinguzu ja maúlu ji tunguta.

Matesu 8:12

Maji ana ene avu o ungana uâ-phe, a kà a kaiela ku usuku ua kanga, kuenhoko kuene kuà kala o kudila ni ku di kokota ku mazu.

Juda 1:13

Edi kala mabhuku ma musanza ua kalunga, ma temanana, ma thuthuma kifulu kia ibhangelu ia jisonhi. A sokela ni jithethembua ja jimbila o njila, ja lungu mu usuku ua ji xikamena, ua ji iudikila Nzambi, uedi ni uene bui, ki uene dingi kukia katé ku hádia ni hádia.

Dijingunuinu 16:10

Anju ia katanu anga u lundulula o nganza iê ku thanduʼa kiandu kia kiama. O utuminu uê anga u kala mua vundu, athu hé a kala mù di kokota o madimi mukonda dia misusu.