Izaía 8:19 - O Mikanda Ikola

¹⁹ Kioso ki a mi ambela: Tenu mizambu, ibhulenu akua kuxingila, ni imbanda, akua kuzuelela ku mazu ni ku di-ngunguina, o mundu mbé ki uibhula kua Nzambi iâ? Manhi kibhidi kia kuata athu a muenhu, mu kʼibhula kua iá a fu kiá?

Izaía 8:19 ပူးပေါင်းရင်းမြစ်များ

Dimatekenu 41:24

Masa ma tolo anga ma minha sambuadi dia masa ma uabha; kienhiki eme nga ki tangela jinganga, maji ki bhuala muthu ua tena ku ngi jingunuina-bhu kima.

II Jisobha 1:3

Maji o anju ia Jihova i ambela Ilija, o tejibita, kuila: Ndoko, balumuka u bande mu kutakana ni jiphùnga ja sobha ia Samádia, u a tangele, uixi: Manhi mu Izalaiele kana-mu Nzambi, ki mi bhekesa enu kuia mu kuibhula Bale-zebubu, nzambi ia Ekolone?

II Jisobha 21:6

Katé ni monʼé muène ua mu bhitisa ue mu túbhia; ua kexi ue mu kuzambuila mu matuta; ua kexile ue mu xingila, iú ua lumbile ue ndumba dia azambuidi ni imbanda; anga u suina muene mu kubhanga kia ibha bhu mesu ma Jihova, mbé o ku mu lokalala o njinda iê.

II Jisobha 23:24

Joziia ua zubha-ku ue o akua kuzambula, ni aloi, ni mahamba a vumu, ni iteka, ni maufusa oso a di monekena jinga mʼoxi ia Juda, ni mu Jeluzaleme, phala kukuatesa o maka a kitumu, òsoneke mu divulu dia bongo Hilikiia, o nganga ia dikota, mʼonzo ia Jihova.

I Malunda 10:13

Kiene Saúlu kiafuʼiki, mukonda dia ikuma iê, ia te mu ku kitukila Jihova, ni mukonda dia kukamba kubhaka o kizuelu kia Ngana, ni mukonda uê dia kusota o kimbanda kia muhatu, mukua kuzambula, mbé ku mu kundila ima ioso,

II Malunda 33:6

Anga u bhitisa ue anʼê mu túbhia mu honga ia dikôlo dia monʼa Hinome; ua zambula jinga ue, ni kusàkela ni kubhanga jinga uanga, ni kukolomona jinga ue akua kuzambula ni akua iphata; anga u bhanga muene kia ibha kiavulu bhu pholo ia Jihova, mbé o ku mu lokalala o njinda iê.

Jisálamu 106:28

Anga aia dingi mu ku di ta kua Bahale-Piiole; hé a dia o jisata ja satela o iteka iafu.

Izaía 19:3

Muenhu ua akua-Ijitu ua kà bhuamu moxi diâ; o ki ata phangu, eme ngi i sengulula; bhenhobho a-nda kuia kuibhula phangu ku mahamba mâ, ni ku imbanda, ni kutaha jingômbo, ni akuauanga.

Izaía 26:14

Ene, o kia fua, ka kà vutuka dingi ku muenhu; o kia kituka madifundu, ka-nda kufukunuka dingi; mukonda dia kienhiki, eie ua a kane, eie ua a jimi o mbutu, o fuma iâ ioso ua i làmbe muene.

Izaía 29:4

Bhenhobho a kà ku lundumuna, u kuata kuzuelela koxi a mavu, uzuelelu ué utunda ku mavu ni kuloxalala; dízui dié diene dia-nda kuila kala dia mukua-uanga, dia mu tokomoka mu fufuta.

Izaía 30:2

Hé a kulumuka mu Ijitu, kene ku ngʼibhula dingi kioso ki tunda mu kanu diami; a bhangela ku di-fikidila ni undanda ua Falaó, phala kudielela o kilembeketa kia Ijitu.

Izaía 45:11

Jihova, Lemba dia Vumu, Ngûmbi ia Izalaiele, uambe kiki: Ngʼibhulienu eme o ima ia hádia; ngi tokuesienu ku mbandu ia anʼami, ni ima ia tokala ku ikalakalu ia maku mami.

Izaía 47:12

Kolokota muene ni maumbanda mé ni mauanga mé, mu uakulu-nâ tundé ku undenge; u tale se utena kubhandulukila-ku, mba u tena muene ku di-fikidila.

Izaía 47:13

Mu nzungule ia jindunge jé, muene mu ua bhuidila; kiki-phe ni akua kuzambuila ku ijimbuete ia maúlu, ni akua kutongolola jithéthembua, akua mizambu ia mbeji ia thethama, ene-oso a balumuke a ku kudile ku kibuika kia-nda ku ku tula ku thandu.

Jelemiia 10:10

Maji Jihova, muene Nzambi ia kidi-èlele; muene-muène Nzambi ia muenhu, muene Sobha ua kalelà-ku; mukonda dia njinda iê oxi i tunguta, o ifuẋi-phe ilémbua kuximbakata ki mu kuata o kutema.

Jelemiia 27:9

Kana-phe ku bhana mátui ku jipolofeta jenu, ni akua iphata, kia mi zuelela, kuamba: ki mua-ndu bhikila sobha ia Babilonha.

Ijila 19:31

Kana kukaiela imbanda akua-kusuma; kana kulandula akua-ithutha ia kuzambula ni kubhanga iphata; kana ku a kolomona, kuma muavula ku di kasanesa-nâ; Eme Jihova Nzambi ienu.

Ijila 20:6

O ki bhu kala ue muthu u bilukila mu ku ta muxima ku akua-ithutha ia kuzambula ni kubhanga, iphata, nʼende ni ku a kaiela ene, Eme-phe ngi mu ta diesu katé ki ngi mu batula muʼaxaxe ka povo iê.

Mikeia 5:12

Hé nga kà ku katula o mauanga mu uala na-u bhu maku mé; kua kà kala dingi ni akua kuzambula.

Jipoxolo 16:16

Mu kukala kuenioko, kizuua kimoxi ki tu kala mu kuia ku kididi kia kusambela, tu takana ni kahatu uala ni kithûtha kia kuzambula. Muenʼiú mukua kunganhalesa jingana jê kitadi kiavulu mu kuzambula kuê.

Matendelelu 18:10

Momué ki muà kale muthu usatela monʼê ua diiala mba ua muhatu, ni ku mu bhitisa mu túbhia; mba mu kala mukua kuzambula mizambu, mba mukua kusuma, mba mukua kulandula isuma, mba u kala muloji;

Matendelelu 18:11

mba mukua kubhuuíka, mba mukua kutaha ngombo ia jinzambi, mba mukua kubhanga iphata; ki mu kale ue mukua kuibhula phangu ku ma-difundu afua kiá.

I Tesalonika 1:9

Kuma ene mudiâ a ki fumanesa kioso etu ki tuende mu kubokona mu ʼaxaxe kenu, ni kioso enu ki mua tu tambulula kiambote, enu mua biluka, muaxi o iteka, enu mua kane o ku di tuma ni Nzambi ia kidi, ia muenhu.

II Phetele 2:1

Mʼukulu ku mundu-phe kuejile jipolofeta ja makutu, uila kiki mudienu kuandú kala ue jimesene ja makutu. Jene ji mi zombela ni maulongelu mengi ma texikisa, katé ni Muadiʼâ ua a sumba a dituna-nê. O mu kubhanga kiki, a di bhekela kingûmba kialenguluka.

I Samuuele 28:11

Muhatu uixi: Nzumbi ia nanhi ngi mu ixana ni u mu ivu? Uixi: Ngʼixanene Samuuele.

I Samuuele 28:16

Samuuele uixi: U ngʼibhuila-hi-phe eme, se Jihova ua ku xi, ua biluka kiá nguma ié?

I Samuuele 28:7

Saúlo anga u ambela akua mbèle iê, uixi: Ngi sotedienu muhatu u kala muxingidi-a-ngòmbo, ngiie kuoso kuala, ngʼibhule kua muene. Akua mbèle iê anga a mu ambela, exi: Sai-ze muhatu muxingidi-a-ngòmbo ua tungu bhu Endolo.

I Samuuele 28:8

Saúlo anga u di kitula, u di ta izuatu iengi, anga uia, ni muene ni malʼaiadi endela-nê kumoxi, a kana muhatu muenʼiú mu usuku. Anga u mu ambela, uixi: Nga ku diondo, xingila ngombo ié, u ngʼixanene uoso ngi ku tumbuila-nê dijina diê.