Izaía 8:18 - O Mikanda Ikola

¹⁸ Emeʼami-ú, Ngana, ni ana a ngi bhana Jihova; enhá, ijimbuete, madiuanu mua Izalaiele, ma tundu kua Jihova dia Ilômbo Ieta, ua tungu ku mulundu ua Ziione.

Izaía 8:18 ပူးပေါင်းရင်းမြစ်များ

Dimatekenu 33:5

Izaú anga u zambula, mesu, u mona ahatu ni ana; uibhula, uixi: Enʼiá akua-hi uala kuendela-nâ kumoxi? Jakobo u vutula, uixi: ene ana, Nzambi mu henda iê, a bhana kua selevende ié.

I Malunda 23:25

Mukonda Davidi, uixi: O Jihova, Nzambi ia Izalaiele, ua nhohesa o mundu uê, enhá a-nda kua kà tunga mu Jeluzaleme, katé ku hádia ni hádia.

Jisálamu 22:30

Bhu kala-phe mbutu a di tuma ni Ngana; a kala mu ku mu bhikila, ni kutumbula Jihova, katé muiji ua kéza-ku a mu ijiia.

Jisálamu 71:7

Athu avulu a ngi mono ngi kidiuanu; maji eie-phe u Dilengelu diami.

Jisálamu 9:11

Imbenu diximanu dia Jihova, ua tunga mu mbanza iê ia Ziione; o ikalakalu iê iene kubhanga, tangenu-iu mu akua jixi.

Jisálamu 9:12

Kioso ki eza mu kuibhula o mulonga ua kijibha, kene kujimba; o ki dikola ngadiama, ka kambe ku mu ivua.

Izaía 12:6

Eie ua tunga mu Ziione, imba ni kutana, sanguluka, mbata Dilemba dia Izalaiele, uene momuè, Ukôla.

Izaía 14:32

O jiphunga ja tundu ku mundu-phe, tu a vutuila kiebhi? A vutuile kiki: Jihova ua tunga Ziione, nda o jihukunhi ku athuʼê, muene mua sanga o dilengelu.

Izaía 20:3

Bhenhobho Jihova u zuela, uixi: Selevende iami Izaia, o kuenda kiki ni tuẋi, ni inama bhoxi mu mivu itatu, kia di bhange kijimbuete ni kidiuanu phala Ijitu ni Itiiópia.

Izaía 24:23

O mbeje ia kà sonoka pholo, dikumbi dia kà kakuka, kioso Jihova dia Ilombo Ieta kia kà hinga o ungana ku mulundu ua Ziione, ni mu Jeluzaleme; kienhokio bhu pholo ia ikulakaji iê bhua kà kala fuma.

Izaía 53:10

Maji kiene-phe kia uabhelele Jihova, o ku mu tutujula ni ku mu katesa; kioso o muenhu uê kia u bhanga kiamenga kia kituxi, muene ua-nda kumona o mbutu iê, ua-nda kuvula izuua ia kulaia, o kioso kia uabhela Jihova, kia kà Zediuila bhu lukuaku luê.

Izaía 7:16

Kia kidi kiene, kioso mona iú kiluua eza mu kitala kia kuijiia ku di tuna kia iibha ni kusola kia uabha, jixi ja jisobha jiiadi jiji, ja ku kuatesa uoma, ja kà buika.

Izaía 7:3

Jihova phe uambela Izaia, uixi: Kindala nʼeie ni monʼé ua diiala Selejasube, tundenu mu takane ni Akaze kua suku o mulombo, bhu dijiia dia thunda, ku njila ia mukáu ua musukuidi.

Izaía 8:3

Anga ngiia mu ku di mona ni polofeta ia muhatu, muene iú uemita, anga uvuala mona-diiala; Jihova u ngʼambela uixi: Dijina diê, mu luke Mahele-xalalaxe-baze.

Jelemiia 44:29

O kiki ki mi kala kiene o kijimbuete, eme ngi Jihova, kuila nga-nda ku mi betela bhu kididi kienhiki; enu nda mu kʼijiie kuila ni kidi kiene o maka mami ma nangenena ku thandu dienu phala ku mi bhanga kiaiibha.

Izekiiele 12:6

Ua kà i ambata bhu isuxi, ene ia a tala muene; kioso ki kua kà vunda, kiene ki u i katula; o pholo ié u i vunga, mbebhu o ixi kua kà i mone; mukonda nga ku te u kale u kijimbuete ki di uanesa mu dibhata dia Izalaiele.

Izekiiele 14:8

O pholo iami nga kà i ta mu kulungulukila o muthu muenhó, anga ngi mu bhanga kidiuanu, u kala muene kijimbuete ni Sabhu, o muʼaxaxe ka athuʼami ngi mu vuza-mu; nda mu kʼijiie kuila eme ngi Ngana.

Izekiiele 4:3

Eie-phe uzangula kienga kia felu, hé u ki-ta ki kale kimbaka kia felu bhu kaxi ni eie ni mbonge; o pholo ié i talela kuenhoko, mu kiki i kala mbonge iòkonde, eie ua i kondela; phala kienhʼiki ki kale kijimbuete ku dibhata dia Izalaiele.

Zakadiia 3:8

Ivua-phe, Josuué, u nganga ia dikota, eie ni akuenu a mu xikama bhu pholo ié, kuma mu ala mu azambuidi; eme-phe nga kà bhangesa kuila mubhikʼami uà kèza, Luthangu lua Ubhe.

Zakadiia 8:3

Jihova dia Ifuẋi uambe kiki, uixi: Ziione nga kà mu vutukila. Nga kà tunga mu kaxi ka Jeluzaleme. Jeluzaleme a kà mu ixana exi: Mbanza ia ujitu, mulundu uangene ua Jihova dia Ilombo Ieta, mulundu uê ukôla.

Luka 2:18

Oso a kʼivu anga a diuana ima ia a tangela abidi.

Luka 2:34

Ximinhá anga u mu benzela, hé uambela Madiia, manhiʼâ, uixi: Monʼóze Nzambi ua mu solo phala kukala ubhulukilu ni kusenguluka kua athu andumba mu Izalaiele. Mona iú ua-ndu kala kijimbuete kia Nzambi ki kuatesa jiphata ku athu avulu.

Matendelelu 28:46

Momué ni mu mbutu ié i ku kaiela, ki mua kà bhua dingi o uíndua ni kuxixima; kia kà di bhanga kianu ku mbutu ié katé ku hádia ni hádia.

Jihebeleu 10:33

Amoxi mudienu, muedi ni ku mi sebulula bhu pholo ia mundu, a mi ta muondo, a mi tatesa; muedi ue ni kubanda akuenu a a bhangele kienʼ iki.

Jihebeleu 12:22

Enu-phe mueza ku Mulundu ua Ziione, ku dibhata dia Nzambi ua kola o muenhu, ku Jeluzaleme ia diulu, ni jimidi jê ja ji-anju.