Izaía 8:17 - O Mikanda Ikola

¹⁷ Eme ngi dielela kua Jihova, muene ngi mu xikamena, sumbala o dibhata dia Jakobo ua a suekela o pholo.

Izaía 8:17 ပူးပေါင်းရင်းမြစ်များ

Dimatekenu 49:18

Nga kinga ubhulukilu ué, u Jihova.

Jobe 13:24

Ngana, phalaʼhi u sueka o pholo ié, anga u ngi kita ngi nguma ié?

Jobe 14:14

Muthu nʼa fu, mbé ua kà kala dingi ni muenhu? Izuua ioso i nga mu lua ita ngeje ku kinga, katé kia ngi lungulula dingi lua mukuá.

Jobe 35:14

Né-mbe eie uila, uixi: Ki ngala ku mu mona, hanji-phe, mulonga ué uala bhu pholo iê muène; uila kiki, kinga kua muene.

Jisálamu 130:5

Nga kinga Jihova; muenhu uami ua kinga ni kutala kua muene; o kizuelu kiê kiene ki nga dielela.

Jisálamu 27:14

Ngana, se kua mu mono, mu kinge; kolokota, muẋima u kuate nguzu iobhe; nga ku ambela muene, Ngana se kua mu mono, mu kinge.

Jisálamu 33:20

Etu, ki tualʼiki, tu kinga kua Jihova; muene dikuatekesu dietu, muene dixitilu dietu.

Jisálamu 37:34

Kinga kua Jihova, u kuate njila iê; muene u ku zangeleka kulundula ixi; kizuua ki batuka ió abhukumuka, eie u ki mona mesu.

Jisálamu 39:7

Ki ngalʼiki-phe, Ngana, tata, nga kinga-hi dingi? Nga dielela ngó ko kué.

Jisálamu 40:1

Jihova nga mu kinga ni kienhenge; muene ua ngi bhetamena, ua ngʼivu o kudikola kuami.

Izaía 1:15

Uila kiki, kioso ki mú sunununa o maku menu mu kusamba, mesu mami, kokuenu, ngi ma sueka; xi, kioso ki mu vudisa o misambu ienu eme ki ngi ivu, mukonda o makuʼenu ezala manhinga.

Izaía 25:9

Mu kizuua kiókio, a kèla: Muenhú muene Ngana, tua mu kingile; ni kutana ni kusanguluka tua kà ku muena mu ubhulukilu uê.

Izaía 26:8

Eie Jihova, tuala ku ku kingila katé ni mu jinjila ja matetuluilu mê; o ku ku tumbula dijina ni ku ku-inda, iene o vondadi ia miẋima ietu.

Izaía 30:18

Kiene-phe kia-nda ku kingila Jihova ku mi kuatela henda; kiene kianda ku mi zangumuina phala ku mi lendukila, mukonda Jihova uene Nzambi ia kutetuluka; azediua oso a kinga kua Muene.

Izaía 33:2

Jihova, tu kuatele henda, tuene ku ku dielela, éʼmuene; dibhange éʼmuene u lukuaku luetu mu imenemene, u kale ue u ubhulukilu uetu bhu kithangana ki tu konda o ngongo.

Izaía 45:15

Kia kidi kiene, eie-muène u Nzambi, ua di sueka, u Nzambi ia Izalaiele, u Kibhamuenhu.

Izaía 50:10

Mukuahi mudienu uambe kuxila Jihova, ni kusuua dízui dia selevende iê? Muenhó se uala kubhita bhua vundu, anga bhu kamba ngó ni kamukengeji, a dielele mu dijina dia Jihova, a kuatenene kua Nzambi iê.

Izaía 54:8

Mu kutema kuavulu nga ku suekela pholo iami mu kathangana kòfele; maji nga-nda ku ku lendukila ni henda ki iene kúbhua; kiene kia zuela Jihova, Mukudi ué.

Izaía 57:17

Njinda ia ngi kuatele mukonda dia usuéia ua unjenje uâ anga ngʼa beta; kuma kia ngi kuata o kutema, pholo nga i sueka; maji ene, hanji-phe, mu kubhukumuka kuâ, akaiela njila ia muẋima uâ.

Izaía 59:2

Maji o ikuma ienu iene ia di bhange kibatulu kia xiti bhu kaxi nʼenu ni Nzambi ienu; o ituxi ienu iene ia mu vungu pholo, phala a kambe ku miʼvua.

Izaía 64:4

Mbata tundé mʼokulu kiluua a kʼivua, kiluua ki tetuluka mu mátui, kiluua mesu ue a mona Nzambi iengi, kalʼeie ngó, u Nzambi uene kukalakela uoso u kinga kua muene.

Izaía 64:6

Kuma etu-oso tuedi kala kima kia sotama, mauiukilu metu moso medi kala dikoza diala mu nuha kibuzu; etu-oso tu lalumuka muene kala mafe ma kukuta, o ikuma ietu iala ku tu kungulula kala kitembu kia tu ambatesa.

Izaía 64:7

Ki bhuala dingi u hingila o dijina diê, mba u phaphumuka nʼa kuatenene kokué; mbata eie ua tu suekela o pholo, eie ua tu bhangesa ku botomoka mukonda dia ikuma ietu.

Jelemiia 33:5

Ene anga a di lukula mu kubhânga ni akua Kaldeia, maji-phe phala ngoho ku a ezalesa ni imbi ia athu, u nga kuama mu njinda iami ni mu kutema kuami; mbata mbonge iii nga i suekela o pholo iami mukonda dia ku ibha kuâ kuoso.

Hozeia 12:6

Eie-phe vutukila kua Nzambi ié, jijila kubhanga mbote ni kubatula milonga mu kidi, kuata-phe kuxibhidila jinga Nzambi ié ni kukinga kua muene mu thembu joso.

Mikeia 3:4

Ene a kà di kola kua Jihova, maji muene-phe kʼanda kua evua; kumbi dienhódio ua kà a suekela o pholo iê, mukonda ikalakalu iâ ia bhange a i ibhisa kiavulu.

Mikeia 7:7

Eme-phe o Jihova muene-muène nga kà mu kinga, nga ka kinga kua Nzambi ia ubhulukilu uami; Nzambi iami ua kà ngʼivua.

Habakuke 2:3

Mukonda kisunji kiki kia-nda kubhita bhu thembu ia tokala, ni kidi muene kuma bhu thembu iaxindi kia kà bhita muene, ki ki fulu, kana; se ua mono kia laleka mu kuiza, eie-phe kinga na-kiu, kuma ni kidi muene kia kà bhita, ki kia-nda ku kokoloka, kana.

Luka 2:38

Kithanganʼokio anga u tukuluka bhenhabha, u kuata kutonda Nzambi, anga u tanga o kamona ku athu oso a kexile mù kinga o kubhanduluka kua Jeluzaleme.

Luka 24:27

Anga ua andekela ku madivulu a Mozé, hé u bhita mu madivulu a jipolofeta joso, ni ku a jimbuila ima ioso iòsoneke mu Mikanda Ikôla ia Nzambi, ia mu tokalele muène.

Matendelelu 32:20

Uixi-phe; Ngʼa suekela pholo, ngi mone hanji o zubhilu diâ; mbata a di bhange muiji ua lusébu, ana kamoneka ufiiele moxi diâ.

I Tesalonika 1:10

A mu tanga ni kioso enu ki mualù kinga Jezú, o Monʼa Nzambi, uanda kutunda mu diulu, ió a mu fukununa mu madifundu kuala Nzambi. Muenʼió muène u tena o ku tu bhulula ku njinda ia Nzambi hinu ianda kuiza-ku.

II Tesalonika 3:5

Ngana-phe a mi lungise miẋima mu henda ia kuzola jinga Nzambi, ni mu kinhenge ki tunda kua Kristu.

Jihebeleu 2:13

O bhua mukuá, uixi: Muène eme nga kà mu dielela. O bhua mukuá dingi, uixi: Talesa, eme-amʼiú ni ana a ngi bhana Nzambi.

Jihebeleu 9:28

Kiene ue, Kristu kia di lumba lumoxʼ iki kala sata, mu kukatula o ituxi ia mundu. Hádia ua kà tukuluka lua kaiadi, kana dingi mu kufuila ituxi, maji phala kubhulula ió oso ala ku mu kinga muène.