Izaía 8:16 - O Mikanda Ikola

¹⁶ Divulu didi dia umbangi a kaiese na-diu momuʼa, o kitumu xina-kiu kidimbu muʼaxaxi ka jixibulu jami.

Izaía 8:16 ပူးပေါင်းရင်းမြစ်များ

II Jisobha 11:12

Muene-phe anga u zangula monʼa sobha, u mu ta o kitundu ku mútue hé u mu bhana o umbangi; anga u mu bhanga sobha, a mu unda ni maji, a beta jimbanda ni kudikola, exi: A tane-ku, sobha!

Jisálamu 25:14

Ukamba ua Jihova u kala ni akua uoma uê; u a ejidisa kioso ki kala kikutu kiê.

Izaía 50:4

Jihova Nzambi ua ngi bhana dimi dia uanji, phala uoso ua bhuila ngʼijiie ku mu tela tumaka tua mbote tu mu nhohesa bhu thembu ia tokala; muene mukua ku ngi phaphumuna imene ioso, uphaphumuna dítui diami ni dʼivue, kala ki kala a-di-longi.

Izaía 54:13

Anʼé oso a kala maxibulu a Jihova; o kutululuka kua anʼé kua kà di-xala.

Izaía 8:20

Inda tuila: Ku Kitumu ni ku Umbangi; ene se nguauá kuzuela kala kiambe o kizuelu kiki, o mukengeji ua kimene ka kà u mona.

Daniiele 12:4

Eie ue, Daniiele, maka ià jika-u a suke bhenhabha; jika ue idimbu ku divulu didi, katé bhua kà suka o thembu; avulu a kʼèza-ku, a kà tutumba ku mbandu ni mbandu mu jixi joso, o kuijiia-phe kua kʼàia ni ku dibandekeza.

Daniiele 9:24

Mundu ué ni diembu dié diangene a a xindila makuinhi sambuadi a jisemana, mbé o kujima kitondalu, ni kuzubha-ku o ituxi, ni kuta o kiamenga kia kulamba o kikuma, anga a mi bhekela kiua o kulunga kuxialelà-ku, o isuma ni upolofeta anga a i jika kiá ni idimbu, anga a unda kiá o Dilemba dia anangene, uene ni kuzela kua tundu athu oso.

Matesu 13:11

Muène u a vutuila, uixi: Enu Nzambi ua mi bhana-kiu, o kuijiia ikutu ia Utuminu ua Diulu, ene-phe ka a bhana-kiu.

Marku 10:10

Kutula mʼonzo jixibubulu ji mu kumuna dingi o makʼama.

Marku 4:34

Ka a tangela kima se kifika. Maji ku ubheka, jixibulu je u a lomboluela jinga ima ioso.

I Kolindo 2:14

Kuma o muthu kia kala ngó mukutu ua xitu, ua kambe o Nzumbi ia Nzambi, ka tena kutambulula ima ia Nzumbi ia Nzambi, u tokoka ku i tongolola. Mbata phala muène i mu kala uoua, ka tena ku ijiia, mukonda ima i bhinga a i tongolola mu nzumbi.

Matendelelu 4:45

Ene-phe o maumbangiʼama, ni jingonge, ni mabatuilu, ma tange Mozé ku anʼa Izalaiele, kia tundu ku Ijito;

Jihebeleu 3:5

O Mozé kidi kiene, ua kexi fiiele mu kikalakalu kiê mu dibhata dioso dia Nzambi. Ua kexi-phe selevende ia kidi, hé u kala mbangi ia Nzambi ia ima ioso ia xedi-ku mu ku i zuela ku hádia.

Dijingunuinu 10:4

Kioso o sambuadi dia kinuminu ki dia zubha kutubhula o mitendu iâ, ngʼandekele kusoneka. Anga ngʼivua dízui ku diulu, dixi: O ima ia tange o sambuadi dia kinuminu jika-iu, i kale ngó mu kasuekèle. Eie kana kusoneka kima!

Dijingunuinu 19:10

Eme anga ngi di bhala bhu inama ia anju phala ku mu bheza. Uixi-phe: Kana ku ki bhanga! Eme ue ngi selevende ni mukuenu, nga sokela ni phange jé oso a kuata o umbangi ua kidi kia Jezú. Bheza Nzambi! Kuma o kidi kia umbangi ua Jezú, uene o uanji u bhana huii ku jipolofeta.

Dijingunuinu 2:17

Uoso uala ni dítui, évue kioso o Nzumbi ia Nzambi kia jimbuila o Jingeleja! Uoso u tolola, ngi mu bhana o maná ia kasuèkele. Ngi mu bhana ue kaditadi kazela, ku kaditadi anga kukala dijina diobhe diosoneke, kana muthu u dʼijiia kikale muène ngó a mu bhana-diu.

Dijingunuinu 5:1

Anga ngi mona divulu dia dilanda bhu lúkuaku lua dilu lua ió ua xikama bhu kiandu, dia di fu ni dilanda diòuinge, diosoneke ni moxi ni ku kanga, iá a di jika ni sambuadi dia kidimbu.

Dijingunuinu 5:5

Kikulakaji kimoxi anga u ngʼambela, uixi: Ku dile. Tala! O Hoji ku muiji ua Juda, mukua Lundânji lua Davidi, ua tambula o kikoue, muène u lenda kubula o sambuadi dia kidimbu didi, ni kujikula o divulu diê.