Izaía 8:11 - O Mikanda Ikola

¹¹ Kuma Jihova ua ngʼambela-kiu muene ni lukuaku lua suina, iu ua ngi longesa kuma ki ngendele mu njila ia mundu iú, uixi:

Izaía 8:11 ပူးပေါင်းရင်းမြစ်များ

I Jisobha 18:46

Lukuaku-phe lua Ngana anga lu kala ni Elija, kuma o kia di kutu bhu kinhonga, u lenga ni lusolo anga u somboka Akabe, hé u dianga kubhiẋila mu Jezeleiele.

Jisálamu 32:8

Ngi ku longesa, ngi ku idikiza njila ioso i ua fuama kuila; ngi ku bhana kaiula, kuma nga ku te muene diesu.

Jisabhu 1:15

Eie-phe, monʼami, enhó kana ku di ta-nâ kumoxi mu njila iâ; sondolola kinama kié mu hoka jâ;

Izaía 30:1

Jihova uambe, uixi: Kokolo dia ana oso a bhukumuka, a mu tambula phangu kuengi, o kokuami kana; ia a di futu ni divunga diengi, ki diene dia tundu kua Nzumbi iami; mbé o ku bandekeza kituxi ku thanduʼa kituxi.

Jelemiia 15:19

Uila kiki: Jihova uambe kuma: Sʼeie ua toloka, eme-phe ngi ku takana dingi, anga u kala jinga bhu pholo iami: eie se u tungula kima kia ujitu, o kia lusebu anga u ki texi, ua-nda ku kala-phe mukuâ ni dikanu diami; ndoko, eha-u ene a ku tolokele eie, eie ku ki sèse ku a tolokela ene.

Jelemiia 20:7

Jihova, tata, eie ua ngi tobhesa, eme nga xala ni kutobha; kuma eie ua beta o nguzu eme ndenge, eie ua tolola; o kienhiki-phe kumbi dioso dia kambamba ala ku ngi bhanga kasekélelu; kala muthu mudiâ u ngi tobhesa.

Jelemiia 20:9

Bhenhobho-phe, eme ngixi: Kuabhu nga te maka, nguami dingi ku tanga kima mu dijina dié. Maji-phe o maka mé mu muẋima uami medi kala túbhia, tua uama, tuʼojikile mu ifuba iami; nga bhuila ni kutala hadi, nga lémbua kiá.

Izekiiele 3:14

Bhenhobho, Nzumbi ia Nzambi ia ngi zangumuna, ii ia ngʼambata; eme anga ngiia ni dilamba dia vulu mu kikenene kia! muenhu uami; maji o lukuaku lua Jihova lua kexile ni nguzu iavulu ku thandu diami.

Jipoxolo 4:20

Kuma etu ki tu tena kufula kutanga o ima ioso i tua mono, i tu evu.