Izaía 8:10 - O Mikanda Ikola

¹⁰ Né muedi mu di-phopha bhuamoxi ku kaiula ki ka kà tunda kiambote; né mua te maka, ki ma kuata, lémbue; mbata etu Nzambi tuala-nê.

Izaía 8:10 ပူးပေါင်းရင်းမြစ်များ

Dimatekenu 21:22

Anga ki kala-phe kuila, o thembu ienhoio, Abimeleke ni Fikole kesongo ka kilômbo kiê, a zuela ni Mbalahamu, exi: Eie Nzambi uala-nê mu ima ioso i ua-lu bhanga.

II Samuuele 15:31

Anga bhu kala muthu u jimbuila Davidi, uixi: Ahitofele ua di te ue mu kikutu ni Abisalone. Davidi anga u zuela, uixi: Eie u Jihova, Nzambi iami nga ku diondo, kitukisa jiphangu ja Ahitofele, ji kale uoua.

II Samuuele 17:23

Ahitofele-phe kia zubha kumona kuma o phangu iê ka i kaiela, u zuika o bûlu iê dikombola, uia ku bhata diê ku mbonge iê kua tungu, u ta imbamba iê ioso mu ididi ia tokala, anga u di nhenga; hé u fua anga a mu fûnda mu mbila ia tatʼâ.

II Samuuele 17:4

Phangu ienhiʼii anga i uabhela kiambote Abisalone, ni adiakimi oso a Izalaiele.

II Jisobha 6:12

Umoxi ku abhikʼé, uixi: Lémbue, sobha, ngana iami, tata! Maji o polofeta Ilizeu uala mu Izalaiele, muenʼiú, o sobha ia Izalaiele, u muʼijidisa katé ni maka u ua tela eie mu xilu dié dia kuzeka.

II Malunda 13:12

O kiki-phe Nzambi uala ni etu ku pholo ia ita, kumoxi ue ni jinganga jê, ala mu kuxika jikoloneta, phala ku ta nzongo ia kúlua nʼenu, enu mu anʼa Izalaiele! Ki mu lue-phe ni Jihova, Nzambi ia jitata jenu, kuma ki mua-nda kuzediua.

Jobe 5:12

O ixinganeku ia jinjimu, Muene u i kitula kingoho, phala maku mâ a lémbue kubhanga ioso ia solo o mixima iâ.

Jisálamu 21:12

Kuma eie ua-nda ku a bhesa lusolo; misongo ié ua-nda ku a asa na-iu mu jipholo.

Jisálamu 46:1

Nzambi dilengelu dietu, nguzu ietu, kota dia dikuatekesu dia zukama mu jiphaxi.

Jisálamu 46:11

Jihova dia ifuẋi tuala-nê kumoxi; o Nzambi ia Jakobo kimbaka kietu. (Selah.)

Jisálamu 46:7

Jihova dia ifuẋi tuala-nê kumoxi; o Nzambi ia Jakobo kimbaka kietu. (Selah.)

Jisálamu 46:8

Zenu, mu di uane o ikalakalu ia Jihova! Mu tale o isunji ia bhange muene mu ngongo!

Jisabhu 21:30

Jihova ku tena ku mu dimukina, ku tena ku mu bhanga ndunge, ku tena ue ku mu ta kikutu kia ufue.

Izaía 14:27

Kuma Jihova dia Ilômbo Ieta ua ki xindi, u ki selula mukuahi? Lukuaku luê ua lu sunununa kiá, mukuahí-phe u lu vutula kuema?

Izaía 28:18

O kubangana kuenu ni kalungʼangombe, a kà ku selula; o kikutu ki mua te ni inferno ki kia kà nangenena; o kioso ki bhita o kibetu kala mvula ia dilúvio, kia kà mi tatesa muene.

Izaía 41:10

Kana kukala ni uoma, kuma eme ngala bhuamoxi nʼeie; kana kubhuuama, mbata eme ngala ngi Nzambi ié; eme ngi ku suinisa, hé ngi ku kuatekesa, anga ngi ku fikidila ni lukuaku luami lua kadilu, lua kuiuka kuami.

Izaía 43:5

Ku kale ni uoma-phe, kuma eme ngala bhuamoxi nʼeie; nga-nda kuia ku thunda ku takana-ku o mbutu ié, anga ngi bhita ku luiji ni ku ku ongeka.

Izaía 7:14

Uila kikiphe, Jihova muene, ua-nda ku mi bhana kijimbuete: Talesa, kua kà kala monʼa kilumba, uimita, nʼa vuale monʼa diiala, o dijina diê a kà mu luka Imanuele.

Izaía 8:8

Ma-nda kubhita mu Juda, Juda ioso i boba mu menha, anga ma kuata ku ditutila-mu katé ma a bhixila mu xingu; o mabhabha mâ mu kuzanza, ma kà soka ni kuzanza kua oxi iê ioso, eie u Imanuuele.

Izaía 9:6

Kuma a tu vualela mona, a tu bhana mona ua diiala; o kutumina a mu tuika-ku bhu isuxi iê, o dijina diê a kà mu luka: Kidiuanau, Ndongixi, Nzambi ia Nguzu, Tata Inangenena, Kilamba kia Paze.

Jelemiia 42:11

Ki mu kale ni uoma ua sobha ia Babilonha, mua mu kuatela o uoma; ki mu kale ni uoma, Jihova ua ki tange, mukonda eme ngala ni enu phala ku mi bhulula, ni ku mi bhangesa kubhulaka bhu lukuaku luê.

Jelemiia 46:28

Eie ku kale ni uoma, mubhikʼami Jakobo, Jihova ua ki tange, uexi: mukonda eme ngala ni eie; mbata miji ioso mu nga ku takuila, nga-nda ku a jima o mbutu; maji eie phe, ki nga-nda ku ku jikinisa, inda nga-nda ku ku bhana kaxtiku ké mu kizongelu kia tokala, kuma ki nga-nda ku kuila ngixi mu mulonga eie ue uabhu-mu muene.

Kuditenda 3:37

Mukuahi muene uzuela, kima anga ki bhita, se Jihova ka ki tumina?

Jouele 3:9

Kienhiki kolenu-kiu mu miji ioso, ita i mi kale kima ki kôla! Ixanenu mazonda a bhixile, mala oso a ita a bande!

Ajeu 1:13

Bhenhobho-phe Ajeu, o mbangi ia Ngana, anga u zuelela mundu o maka moso a mu tangela Ngana, kuila: Eme ngi Jihova ngi kala jinga ni enu.

Dialuilu 14:9

Hé kima, kana kukitukila Jihova, kana kukala ni uoma ua akua-xi; kuma a kala mbolo ietu ia kúdia, kilembeketa kiâ kia tundu-ku, kala na-kiu dingi, etu-phe Jihova tuala-nê; ki mu kale ni uoma.

Matesu 1:23

Talesenu! Ku kala muhatu ua mon-ndenge uimita hé u vuala mona; O dijina diê, a kà mu luka Imanuuele. Dienhidi, ku di jimbulula, edi: Nzambi tuala-nê.

Matesu 28:20

ni ku a longa kualuka ima ioso kiá i nga mi tumu eme. Talenu, eme-muene ngá kala ni enu izuua ioso, katé ku dizubhilu dia mundu.

Loma 8:13

Kuma se mua kaiela xitu, mua kinga kufua. Maji mu nguzu ia Nzumbi, se mua fuisa o imbamba i bhanga o mukutu, mu tambula muenhu.

Loma 8:31

O kiki-phe, imʼ iii tu ila kiebhi? Nzambi se uala ku mbandu ietu, nanhi u tena ku tu tolola?

Matendelelu 20:1

Kioso ki u tunda mu kuia kúlua ita ni jinguma jé, anga u mona jikabalu, ni makalu, ni makuenze mabeta kuvula eie ndenge, kana ku a kuatela uoma; mbata o Jihova Nzambi ié, uoso ua ku katula kʼoxi ia Ijito, ua ku bande.

Josuué 1:5

Kana muthu ua-nda kutena kuimana mu kubhânga ni eie, katé bhu bhuilu dia muenhu ué. Kala ki nga kexile ni Mozé, kiene ue ki ngi kala ni eie; ki ngi ku xisa kana, ki ngi kuehelela.

I Nzuá 4:4

Enu, tuana tuami, mua tokala Nzambi, o jipolofeta ja makutu mua ji tolola kiá, mukonda o Nzumbi uala moxi dienu, uala kota mu kutena, ka tena kusoka ni nzumbi iala mua ió a tokala ku mundu.