Izaía 7:6 - O Mikanda Ikola

⁶ Tuienu tu lue ni Juda tu mu talese hádi, tu di uanenenê, phala o muʼaxaxi-kê tu hingise-mu monʼa Tabiiala ku usobha.

Izaía 7:6 ပူးပေါင်းရင်းမြစ်များ

I Jisobha 12:16

Izalaiele ioso-phe kia mono kuma, sobha ka a bhana mátui, athu oso a mu vutuila, exi: Mbandu iahi i tuala na-iu ni Davidi? Kua monʼa Jese kana-ku undundu uetu, Ndé ku jifundu jenu, eie u Izalaiele! Kindala soka ni dibhata dié, eie u Davidi. Bhenhobho Izalaiele ioso a di muangena ku jifundu jâ.

II Jisobha 11:2

Maji o Jozabate, mona ua muhetu, ua sobha Jolá, phange ia muhetu ia Akaziia, u zangula Jouaji monʼa Akaziia anga u mu nhana muʼaxaxi ka ana a sobha a kexile mu ku a jibha, anga u a sueka ni muene ni kiledi kiê, mu xilu, ua ki bhangela o ku mu sueka ku a Ataliia uila kiki ka mu jibha dingi.

II Malunda 13:8

O kiki hanji mua te muẋima ua kuhandamena kúlua ni utuminu ua Jihova, uala bhu maku ma anʼa Davidi; kiene muene, enu muala mu kifuẋi kia dikota, o tungombe tua ulu tua mi bhangela Jelobouamu, ni tu kale jinzambi jenu, muala na-tu.

II Malunda 21:7

Maji-phe o Jihova kʼandalele ku muanga dibhata dia Davidi, mu kuxinganeka o kikutu kia tele ni Davidi; mukonda ue muene ua kiʼambele kuila ua-nda ku mu bhana jinga mu izuua ioso, dimuikinu, ni muene ni anʼê.

II Malunda 28:5

Mukonda dia kienhiki, Jihova, Nzambi iê, ua mu bhakula ue bhu lukuaku lua sobha ia akua Sídia, ene anga a mu tolola ku ita, hé a muʼambata kifuẋi kionène kia jihutile anga eza na-kiu ku Damasku; a mu bhakula ue dingi bhu lukuaku lua sobha ia Izalaiele, muene anga u mu kuama ni ukuamenu ua dikota.

Jisálamu 21:11

Kuma enhó a kanena ku ku bhanga phulu; a funhine ndunge ia ufe, maji a lémbua ku ki bhanga.

Jisálamu 83:3

Ala mu ta ikutu ia kukuama povo ié, a-lu di longesa kioso kia bhanga athuʼê u ua kondeka.

Jisabhu 19:21

Mu muẋima ua muthu mua vula jiphangu, maji o kioso kia xindi kuala Jihova, kiene muene ki xalela.

Izaía 7:1

Anga ki bhita-phe kuila, mu izuua ia Akaze, monʼa Jotamu, monʼa Uziia, sobha ia Juda, o Lejime, sobha ia Sídia, ni Pheka, monʼa Lemadiia, sobha ia Izalaiele, a bandele mu Jeluzalema phala kúlua-nê ita, edile a teza-ku, a mu lémbua.

Izaía 7:5

Mbata o Sídia ua ku tele kikutu kia ufue, kumoxi ni Ifalaími, ni monʼa Lemadiia, exi:

Izaía 7:7

Jihova Nzambi uambe, kiki: Kikutu kiki ngi ki selula, ki ambe eneʼokio ki ki tena kubhita, né ngó.

Izaía 8:6

Kiedi mundu iú, menha ma Siloua mene ku kunguluka kilendu, a ditunu-u, ia a tana ni Lejime ni monʼa Lemadiia;