Izaía 7:3 - O Mikanda Ikola

³ Jihova phe uambela Izaia, uixi: Kindala nʼeie ni monʼé ua diiala Selejasube, tundenu mu takane ni Akaze kua suku o mulombo, bhu dijiia dia thunda, ku njila ia mukáu ua musukuidi.

Izaía 7:3 ပူးပေါင်းရင်းမြစ်များ

II Jisobha 16:1

Mu muvu ua kakuinhi ni sambuadi, ua utuminu ua Peka, mona ua Lemadiia, muene mu andeka Akâji, sobha ia Juda, monʼa Jotamu, o kutumina.

II Jisobha 18:17

Sumbala kiene, maji o sobha ia Asídia hanji a tumikisa Talatana, ni Labesadi, ni Labesaki, hé a tunda bhu Lakiji ni kifuẋi kia dikota kia masoladi, aia kua sobha Ezekiia, mu Jeluzaleme; anga a banda, eza mu Jeluzaleme; o ene kia bande ia eza kua muene, emana bhu mulombo ua dijiia dia dikota dia lulama ku njila ia mukáu ua musukuidi.

II Jisobha 20:20

Tala-phe, o ima dingi ia bhiti naiu Ezekiia, ni kusuina kue kuoso, ni kioso ki a bhange o dizouelu ni mulombo ni kioso kia sungila o menha mu mbanza, mbé ka i soneka mu divulu dia malunda ma jisobha ja Juda?

Nehemiia 3:16

Ua mu kaiela mu kutunga Nehemiia, monʼa Azebuke, dikota dia kaxaxi ka akua Bete-Zule, u bhixila katé ku pholo ia jimbila ja Davidi, uiza bhu Mumba uòkalakale kiambote ku maku, anga u suka ku inzo ia Mazonda.

Makatukilu 7:15

Eie-phe ndeie kua Falaó mu kimenemene; kuma muene ua-nda kuila ola ioio ku menha; eie-phe ua kʼèmana ku kubumu kia Nilu, u takane-nê; o mbangala ia kitukile o nhoka uia na-iu uê bhu maku.

Izaía 10:21

O masúbhu ma kà biluka; kiene muene, o masúbhu ma Jakobo ma kà biluka kua Nzambi ia Nguzu.

Izaía 22:10

Mua kʼàlula ue o jinzo ja Jeluzaleme, hé mua kà lundumuna jinzo phala kukolesa o imbaka.

Izaía 22:11

Mua kà bhanga ue ditangi bhuʼaxaxi ka imbaka iiadi, phala kubhaka o menha ma dijiia diòkuluʼodio, maji mua tokoka o kutala bhulu, kua ió ua bhange kiki, né ngó kusuua uoso ua iudika o ima iii tundé ku xiahulu.

Izaía 36:2

Sobha-phe ia Asídia ua tumukisine Labesaki, u mu katula ku Lakiji aie mu Jeluzaleme, kua sobha Ezekiia, ni kilômbo kionéne kia makuenze; anga u tula bhu mulombo ua menha ma dijiia dia thunda, bhu mbanduʼa njila i bhita mu mukáu ua musukudi.

Izaía 55:7

mukua-ituxi ehe o njila iê, o ua iibha muẋima a tule mabanzelu mê; a vutuke kua Ngana, u mu kuatela henda; nʼalukile kua Nzambi ietu, kuma muene mukua kuloloka kiavulu.

Izaía 6:13

Maji se mbandu ia kakuinhi i subhuka-mu, a kà i buikisʼé dingi; mukuá ni mukaluvádiu, mba muzinhela, kioso ki i lalumuka mafe, hanji uemanʼé; kiene ue, o mbutu ikôla.

Jelemiia 22:1

Jihova uambe kiki: kulumuka ku dizemba dia sobha ia Juda u kunde-ku kizuelu kiki:

Loma 9:27

Ni Izaia ue ua zuela ku mbandu ia Izalaiele, uixi: Né-mbe o mundu ua anʼ a Izalaiele u vula kala kisekele bhu mbanduʼ a kalunga, tumbalu-mbalu tuâ, tuene ngó tua kà bhuluka.