Izaía 7:21 - O Mikanda Ikola

²¹ Bhua kà kala-phe kuila, muthu mu kizuua kieneʼokio ua kà sasa ngó mama imoxi ia ngombe, ni mama jiiadi ja mbudi.

Izaía 7:21 ပူးပေါင်းရင်းမြစ်များ

Izaía 14:30

Jiphandekumbi ja jiphulungu a-nda kukala ni abidi, o akua-hadi azeka kilu kiambote; maji muiji ué, Fidíxia, nga kà u fuisa ni nzala, o masubhu mâ a kà ma jikinisa muene.

Izaía 17:2

Jimbanza ja Alouele ja kà xala ngùndu; ja kà xalela kiá makêla ma ilunga ia ibhaku, diene dinangu diâ, ki bhu kala muthu u i kaiesamu.

Izaía 27:10

Kuma o mbanza ia di-fikidilʼoio, ia xala ubheka, ia kituka dibhata dia uʼehèlele, a i ambudisa mukuà ni kikangalakata; o tuana tua jingombe tua kà dila mueneʼomo, tua kà zeka mueneʼomo, anga tua kà butulula muene o jithangu jê.

Izaía 35:1

Ni kikangalakata ni ididi ia kukuta ia kà sangulukila kienhiki; dinhana dia kà tana, anga ditulula kala diloza.

Izaía 37:30

Eie-phe o kijimbuete kié, kiki: Muvu iú mudia hanji ioso i di sabhukila, o mu muvu uiza-mu mudia kioso kia sabhuka ku ngolongo; maji mu muvu ua katatu kunenu, mu mune, phaphenu mivide, nda mudie o ibundu iê.

Izaía 5:17

Kieneʼokio-phe o ana a jimbudi, kúdia kuâ kua kalé, mukua ni mu makèla mâ; akua makanga a kèza mu dia ima ia xie mua titidila o mazonda.

Izaía 7:25

O mu milundu ioso ue, muene mu dima ni matemu, ka kà ia-mu dingi, mukonda dia uoma ua mazalakata ni misonge, ki kale muia jingombe ni jimbudi ku titidila-mu.

Jelemiia 39:10

Maji oso ió jingadiama, mu athu, ka moneka kima, Nabuzaladane, kabhitangu ka kilangidilu, ua a xisa mʼoxi ia Juda; anga u a bhana mábhia ma mivide ni mikáu mu kizuua kieneʼokio.