Izaía 7:20 - O Mikanda Ikola

²⁰ Bhu kizuua kieneʼokio Jihova ua kà sobha phoko ia bhutu, iene ku sámbua dia ngiji, muene sobha ia Asídia, anga u konga na-iu o mútue ni kindemba kioso kia inama; katé ni muezu uoso muene u u konga.

Izaía 7:20 ပူးပေါင်းရင်းမြစ်များ

Izaía 1:5

Ngi mi betelaʼhi dingi, se hanji mua-nda kuẋinukenunu? Mítue ienu ioso iezala uhaxi; o miẋima ienu ioso ia botomoka.

Izaía 10:15

Kifua dikuua di ta nzabala kua ió ua di kuata bhu maku mu koka muxi? Inga o sela i di thatha kua ió u batula na-iu? Mbé o mbangala i nhikisa oso a i kuata, inga o mbasá i balumunʼé o lukuaku lua ió uala na-iu?

Izaía 11:15

O Jihova ua kà jikinisa lalá o kisanga kia musanza ua Ijitu, ua kà zambesa lukuaku luê mu kubilukila o Ngiji, ni nguzu ia kibhungu kiê; o kia-nda kuila ua i kuama, u i uana mu lusambuadi; sambuadi diê dioso dia mijinga, u i kukutisa katé athu enda ni kubhitila-mu ni jisabhatu ku inama.

Izaía 36:1

Anga ki bhita mu muvu ua kuinhi ni uana ua sobha Ezekiia kuma Senakedibe, sobha ia Asídia, u banda kúlua madiembu moso ma jimbonge ja Juda, iu ua ji tambula.

Izaía 8:7

mukonda dia kiki, Jihova ua-nda kubheka ku thandu diâ menha ma ngiji, ma kunguluka ni kusuina; muene sobha ia Asídia ni kijingu kiê kioso; menhʼama ma-nda ku banda anga mʼezalesa mu mijinga iâ ioso, ma ẋamukina ku ibumu iâ, iene ioso.

Izaía 9:13

Hanji-phe, o mundu iú ki u xikina kutolokela uoso ua mu beta, mba a sota Jihova dia Ilômbo Ieta.

Jelemiia 2:18

O ki tualʼiki-phe njila ia Ijitu uala na-iu ni kima kia-hi, phala kunua menha ma Sihole? ni njila ia Asídia uala na-iu ni kima kia-hi, phala kunua menha ma ngiji?

Izekiiele 29:18

Eie monʼa diiala, o Nabukodonozolo, sobha ia Babilonha, ua bhangesa kuila o kifuẋi kiê kia bhange kikalakalu kia dikota mu kuzoka ni Tilu; o mítue ioso ia kituka mabhaia, o isuxi ioso ia bhomoka; o kia mu futu Tilu ki kia moneka, mba ngó o kifuẋi kiê, ku kikalakalu kia bhange mu kuzoka-nê.

Izekiiele 29:20

Ku futu ia kikalakalu kiê, kia bhange mu kuzoka-nê, nga mu bhana o ixi ia Ijitu, kuma ene a ngi kalakalela eme, Jihova, ua ki tange.